38. Иисус предан

Прогинэ трын бэрш, сыр Исусо лыя проповедывать и сыклякирэл манушэн. Сыр прогия бут форы, Иисусо пэскирэ ученикэнса явья дэ Иерусалимо. Джялас сыго Патради, и Иисусо закамья тэявэл адава свэнко Пэскирэ ученикэнса. Бэрш дэ бэрш евреи кэрэнас свэнко Патради соб тэрипирэ пал одова со по бут шел берша палэ Дэвэл зракхья предкен евреен, сыр вылыджия лэн кай тэнаявэн бабэнса дэ Египто. Дэ дэвэса сыр треби сыго тэявэл свэнко Иисусо пхэндя ученикэндэ. со Лэс сыго умарэна.

Екхэса апостолэндэр исыс манушь савэс кхарэнас Иуда. Иуда скэдэлас ловэ дэ ящико савэ жэртвовали и чёрэлас одоцыр ловэ. Сыр Иисусо ученикэнса явья дэ Иурусалимо, Иуда гия кэ барэ рашая. Ёв закамья тэздэ Иисусос лэнгэ палэ ловэ. Иуда джинэлас, со барэ рашая на гинэнас Иисусос Мессияса и камнэ Лэс тэумарэн.

Учители Законоскирэ и сендарья евреенгирэ пиро родо барэ рашаенса покиндэ Иудаскэ 30 рупунэ ловэ пало одова соб ёв тэздэл лэнгэ Иисусос. Саро исыс адякэ сыр ракирэнас пророки дэ Лав Дэвлэско. Иуда лыя ловэ и угия. Далэ момэнтостэ ёв лыя тэродэл сыр тэздэл Иисусос.

Сыр Исусо исыс пэ свэнко Патради пэскирэ ученикэнса, сыр бэшэнас пало скаминт пэ патради Ёв лыя маро пхагирдя и пхэндя: Лэнте ханте. Ада миро тэло со мэ отдав пало тумэндэ. Кэрэнтэ кадава сыр явэна тэрипирэн ман. Дякэ Иисусо откэрдя ученикэнгэ кай Ёв мэрэла пало лэндэ, отдэла пэскиро тэло дэ жэртва.

Тэнче Иисусо лыя Чаша виноса и пхэндя: Лэнте пьенте! Ада - Миро рат Нэво Завитоски, сави тхадэл пал тумарэ бэзэха. Рипиринте адякэ ман.

Тэнче Иисусо пхэндя ученикэнгэ: Ук тумэндэр здэла Ман. Ученики исыс удивлёна и лынэ тэпучен, кон адава кэрэла. Иисусо пхэндя: Здымарё одова, конэскэ мж дава кадава кутэр маро. И дыя маро Иудаскэ.

Сыр лыя Иуда маро дэ лэстэ загия налачё. Тэнче Иисусо пхэндя: Сыгыдыр кэр адава со камэс тэкэрэс. Иуда гия кэ барэ рашая, со тэздэ лэнгэ штэто кай исыс Иисусо. Явья рат.

Сыр ханэ Иисусо ученикэнса гия пэ Елионско бэрга. Одой Иисусо пхэндя: Тумэ сарэ дэ дая рат очавэна Ман. Сыр ракирэл Дэвлэскиро Лав: Умарава пастырёс и рознашэнапэ бакрэ.

Пётро пхэндя: Мэк если ёнэ очавэна Тут, нэ мэ на очавава Тут на кэрава адякэ николи! Тэнче Иисусо пхэндя Пэтроскэ: Налачо камэл тэ хаскирэл тумэн, нэ Мэ мангьёмпэ пало тутэ Пётро, соб тэро патябэн тэявэл зорало. Нэ дадэвэс ратяко на пробагэла башно, сыр ту трын молы отпхэнэсапэ Мандэр.

Тэнче Пётро пхэндя Иисусоскэ: Мэк мэ и мэрава нэ на отпхэнавапэ Тутэр! И сарэ ученики ракирнас адякэ.

Тэнче Иисусо гия пэскирэнса ученикэнса пэ штэто, саво кхарласпэ Гефсимания. Иисусо прыпхэндя Пэскирэ ученигэнгэ тэмангэнпе, соб енё тэ на пэрэн дэ бэзэх. И отгия лэндэр на бут и мангэласпэ Екджино.

Иисусо тринвар мангэласпэ адякэ:Дадо, кэр соб мэ тэ на пьяв када чаша пхарипэн. Нэ сыр нанэ явыр дром, соб тэзракхэ манушэн лэнгирэ бэзэхэндэр, тэнче мэк явэла саро адякэ сыр Ту камэс! Иисусоскэ исыс дрыван пхаро по ило лэскиро пото джялас лэстэр сыр капли ратэса савэ пэрэнас пэ пхув. Дэвэл бичадя ангелос, соб тэподрикирэл Лэс.

Кожнж моло, сыр Иисусо рисёлас кэ ученики ёнэ совэнас. Сыр Иисусо явья трито моло Ёв пхэндя: Гадэнпэ! Здымарё джял адарик.

Дэ дава время явья Ииуда барэ рашаенса, и начальникэнса со исыс стражи дэ храмо, хлавдэнса и бутэ манушэнса. Ёнэ исыс чурьенса и каштэнса. Иуда потгия кэ Иисусо и пхэндя: Яв бахтало Учителё,- и чамудя Лэс. Иуда адава кэрдя, соб тэсыкавэл долэнгэ кон лэса явья Манушэс Савэс трэби тэлэ. Ииусо пхэндя: Чумундян Ман и здыян далэса?

Сыр халавдэ лынэ Иисусос, Пётро вылыя пэскири чюри и отчиндя екхе слугаскэ кан. Нэ Иисусо пхэндя: Улэ чури! Мэ мангва Датэс и явэла воско ангелэн, ещэ тэрдёна пал мандэ, нэ мангэ трэби тэкандав пэскирэ Датэс. Тенче Иисусо састярдя кан слугаскэ. И тэнче лынэ Иисусос, и сарэ Лэскирэ ученики рознашнэпэ.

Библейская история из Евангелия от Матфея 26:14-56, Евангелия от Марка 14:10-50, Евангелия от Луки 22:1-53 и Евангелия от Иоанна 12:6; 18:1-11