39. Иисусо ангил сэндо
Машкир рат яндэ Иисусос дэ кхэр кэ баро рашай, пал дова со ёв камня тэдопуче Иисусос. Петро джялас пал лэндэ никон тэ надыкхэл, Сыр Лэс андэ кэ баро рашай, Петро ачеласпэ дэ дворо и подгия кэ яг, паш сави татёнас слуги и стражники.
Тэнче пуранэ мануша биболдэ и савэ куч джинэн законо лынэ тэ сэндякирэ Иисусос до кхэр кэ баро рашай. Ёнэ попынэ бут хоханэн манушэн, савэ йивья ракирэнас пэ Иисусостэ. Нэ лэнгирэ лава назжянаспэ, и ёнэ на допхэндэ банг Иисососки. Кокоро Иисусо нисо на ракирэлас пал Пэстэ.
И сыр баро рашай подыкхья пэ Иисусостэ и путча: «Пхэн амэнгэ, Ту Мессия, Чаво джидэско Дэвлэско?»
Иисусо пхэндя: «Да, Мэ — Мессия, и тумэ дыкхэна Ман, сыр Мэ бэшто паш Дэвлэстэ и явава болыбнастыр». Баро рашай росчиндя пэ пэстэ гад, пал дова со лава Иисусоскирэ яндэ лэс дэ холы. Ёв загодлыя: «Амэнгэ бутыр на трэби мануша, савэ тэ лэна тэракирэн со кэрдя адава Мануш! Тумэ кокорэ шундэ, сыр Ёв пхэндя, со Ёв — Чаво Дэвлэско. Со тумэ прылэна пэ Лэстэ?»
Сарэ, кон одой исыс, загодлынэ барэ рашаскэ: «Ёв молэл тэ мэрэ!» Ёнэ запхандэ Иисусоскэ якха, лынэ тэ чунгардэн пэ Лэстэ, тэ марэ Лэс и тэ санпэ Лэстыр.
Петро дужакирэлас дэ дворо. Лэс удыкхья ек манушны. Ёй пхэндя лэскэ: «Ту исыс Иисусоса!» Нэ Пэтро на приджинэласпэ. Тэнче авир манушны пхэндя лэскэ дова со англатуны пхэндя, не Петро и адай на приджиндяпэ. Тэнче варисавэсь мануша пхэндэ: «Амэ джинас, со ту сыс Иисусоса, тумэ сарэ дуй с Галилеи».
Петро лыя тэ солахал, со ёв на джинэл Иисусос Ёв ракирэл: «Солахав, со мэ на джинав адалэс Манушэс и на полав пал со, тумэ ракирэн!» Тэнче Иисусо порисия, подыкья пэ Петростэ, и ёв зрипирдя, сыс Иисусо пхэндя лэскэ: «Дадывэс ратяко, сыр загодлела башно, ту трин молы пхэнэса, со на джинэс Ман».
Петро выгия дворостыр и дрыван ровэлас. И Иуда уджиндя, со Иисусос кай прыдыя камэн тэ умарэ. Ёв, зарундя, рискирдя ловэ барэ рашаскэ и пхурэдырэ манушэнгэ, а тэнче гия и убладыя.
Дэ долэ дэвэса римско хулай дэ Иудея сыс Пилато. Барэ рашая и пхурэ мануша Израиля яндэ Иисусос кэ Пилато. Ёнэ камнэ, соб римско хулай тэ сэндякирэл Иисусос и тэ приракирэл Лэс кэ смерть. Пилато путча кэ Иисусо: «Ту — Царё биболдэнко?».
Иисусо пхэндя: «Ту чачибэн пхэндян. Нэ Миро Царствонанэ нанэ пэ пхув. Сыр бы ада тэавэл дякэ, то Мирэ слуги бы марэнаспэ пал Мандэ. Мэ явьём пэ пхув, соб тэ роспхэнэ чачибэн пал Дэвлэстэ. Сарэ кон, камэл чачибэн, шунэл Ман». Пилато тутча: «Со исын чачибэн?»
Сыр поракирдя Иисусоса Пилато выгия кэ мануша и пхэндя: «Мэ на попэём нисави банг, дэ адалэ Манушэстэ, соб тэ приракирэ Лэс кэ смерть». Нэ сарэ лынэ тэ годлэн: «Прымар кэ трушул Лэс!» Пилато пхэндя: «Ёв накэрдя нисо, со тумэ ракмрэн пэ Лэстэ». Нэ ёнэ лынэ тэгодлэн дрыванэныр. Тэнче Пилато пхэндя дэ трито моло: «Ёв нанэ банго!» Нэ мануша загодлынэ дрыванэдыр: «Прымар кэ трушул Лэс!»
Дарэлас, со мануша лэна дэ холы кэрэна бида, Пилато кандыя лэн и припхэндя пэскирэ манушэнгэ тэ примарэн кэ трушул Иисусос. Рымска мануша измардэ Иисусос чукненса. Тэнче ёнэ санаспэ Лэстыр, уридэ пэ Лэстэ царско идя и терново венко. Ёнэ ракирэнас: «Дыкхэнте, гэна Царё иудейско!»
Библейско история з Еванглия Матфеёстыр 26: 57-27: 26, Еванглия Маркостыр 14: 53-15: 15 Еванглия Лукастыр22: 54-23: 25 и Еванглия Иоанностыр 18: 12-19: 16