2. До свэто явья бэзэх.

Адамо и лэски ромны дживэнас бахталэс до гожо садо, саво Дэвэл скэрдя ваш лэнгэ. Пэ лэндэ на сыс нисави идя, и лэнгэ на сыс ладжяво, пал дова со до свэто на сыс бэзэх. Ёнэ пхирэнас пиро садо и ракирэнас Дэвлэса.

Нэ до садо исыс сап. Ёв исыс дрыван хранто. Сап пуча джювлятыр: «Ада чачё, со Дэвэл пхэндя, соб тумэ тэ нахан плоды деревэндыр до садо?»

Джювлы пхэндя: «Дэвэл пхэндя ханте сарэндыр деревэндыр, а деревостыр саво дэл тэ уджинэ лачипэн и дылнэпэн нахан. Ёв пхэндя амэнгэ: «Сыр тумэ схана плодо адалэстыр деревостыр или лэнапэ пал лэстэ, то мэрэна! «»

Сап пхэнэл джювлякэ: «Нанэ чачё! Тумэ на мэрэна. Дэвэл джинэл, со тумэ сыр схана адава плодо, то авэна дасавэ сыр Ёв, и авэна тэ полэн, сода дасово лачипэн и дылныпэн».

Джювлы удыкхья, со плодо дрыван гожо и пэ видо гудло. Ёй закамья тэ авэл годявир, пал дава счиндя плодо и схая. Тэнче ёй дыя лэс пэскирэскэ ромэскэ, и ёв хая адава плодо.

И удыкхья Адамо и лэски ромны Ева, саро пэ-авирто и полынэ, со ёнэ нангэ. Тэнче ёнэ закамнэ тэзакэрэ пэс листэнса, ссыдэ лэндыр пэскэ кустыка.

Пхурдэлас на бари бавал и Адамо Еваса шундэ, сыр Дэвэл пхирэл пирэ садо. И гарадынэ ёнэ Дэвлэстыр. Тэнче Дэвэл кхардя манушэс: «Адамо, кай ту?» Ёв пхэндя: «Мэ шундём, сыр ту пхирэс пирэ садо, здарандыём со мэ нанго, и палдава гарадыём».

Дэвэл пуча: «Кон пхэндя тукэ, со ту нанго? На хаян ту плодо, саво Мэ пхэндём тукэ тэ на хас?» Адамо пхэндя: «Ту дыян мангэ адалэ джювля, а ёй дыя мангэ тэ схав адава плодо». Тэнче Дэвэл пуча кэ джювляы: «Палсо ту адава кэрдян?» Джювлы пхэндя: «Ада сап хохадя ман».

Тэнче Дэвэл пхэндя сапэскэ: «Ту бибахтало кана! И ту лэса тэ пхирэс по пэр и тэхас пхув. Тумэ джювляса явэна врагэнса. Дякэш и тумарэ чаворэ авэна врагэнца ек екхэса. Ту пикавэса джювлякирэс родоскирэс палэ пятка, а ёв розмарэла тэро шэро».

Тэнче Дэвэл пхэндя джюлякэ: «Мэ кэрава со тукэ авэла дрыван дукхано, сыр ту авэса тэ пхирэс пхари, и тэ янэс чаворэн лэса дэ бари дукх. Ту лэса тэ камэс пэскирэ ромэс, а ёв авэла хуласа тукэ».

Тэнче Дэвэл пхэндя муршэскэ: «Ту кандыян пэскирья ромня и на кандыян Ман. Кана пхув проклято (на янэла плодо) и тукэ приджялапэ тэкэрэ бут буты, сбо тэдорэсэс лакирэ плоды. Тэнче ту мэрэса, и тэро трупо рисёла палэ дэ пхув». Мурш дыя лав пэскирэ ромнякэ Ева, адва лав ракирэл со«дэл джюипэн», пал дава со ёй трэби тэ авэл даса сарэнгэ манушэнгэ. Дэвэл дыя Адамоскэ и Евакэ идя цыпатэр зверендыр.

Тэнче Дэвэл пхэндя: «Кана мануша, сыр Амэ, джинэн со дасаво лачипэн и дылныпэн, нашты тэ домэкэ, соб ёнэ тэхан плодо дэмбостыр джюипэн и тэдживэн вэчно. Палдова Дээвэл вытрадыя Адамос и Ева садостыр и тчидя зоролэн ангэлэн сыр заджяс дэ садо, соб ни кон тэнахал плоды дэмбостыр саво дэл джюипэн.

Библэйско история с Бытия 3