19. Пророки
Дэвэл нанэ екхвар бичавэлас израильтянэнгэ пророкэн. Пророки шунэнас лава Дэвлэскирэ и пиридэнас лэн манушэнгэ.
Сыр дэ Израилё исыс хулай Ахаво, дэ Израилё дживэлас пророко Илия. Ахаво сыс нанэ лач мануш. Ёв прыкхарэлас манушэн тэ поклонинэнпэ нанэ чачунэ дэвлэскэ савэс кхарэнас Ваало. Илия пхэндя Ахавоскэ: «пал дава со поклонинэнпэ идалэнгэ до Израилё на авэла ни брэшинд, ни роса, поки мэ на припхэнава, соб тэ джял брэшинд». Шундя дава Ахаво дякэ росхолясыя пэ лэстэ, со камня тэ умарэл лэс.
Тэнче Дэвэл пхэндя Илииаскэ тэджя дэ штэто саво дэ пустыня и тэ гаравэпэ Ахавостыр. Илия гия кэ паны кай насыс манушэн карик лэс яндя Дэвэл. Кажно дывэс сыр гадэласпэ кхам и бэвэле вороны янэнас Илии маро и мас. До дола дэвэса Ахаво и лэскирэ мануша родэнас Илияс, нэ на попэнэ лэс.
Сыго паны вышутия, пал дова со на сыс брэшинд. Тэнче Илия пир лав Дэвлэско гия дэ авир форо. Одой дживэлас ек чёрори манушны бы ромэско чавэса. Лэндэ гин насыс со тэха, пал дова со до форы на сыс урожаё. Нэ ёнэ дынэ тэха лэскэ и саро со трэби, и Дэвэл дэлэс лэнгэ тэха: яржо и ксил на выджялас лэнгирэстыр кхэрэстыр, пока Дэвэл на бичадя брэшинд пэ пхув. Пал дава надыкх со саро зашутия и дэ форы и на сыс со тэха, а лэндэ всаек исыс хабэн. Дякэ исыс варикай трин бэрш.
И пхэндя Дэвэл Илии, со Ёв бичавэла брэшынд. Дэвэл припхэндя Илиаскэ тэ рисёл дэ Израилё и тэджял кэ Ахаво. Илия явья кэ царё. Удыкхья лэс, царё Ахаво пхэндя: «А гэна и ёв, чэрез конэстэ бида дэ Израилё» Илия лэскэ пхэндя: «Ада тутэр бида дэ Израилё! Ту ачадян Яхвэ, чачунэ дэвлэс, и поклонинэспэ Ваалоскэ. Скэдэ пэ бэрга Кармил сарэн кон дживэл дэ Израилё и пророкэн хоханэ дэвлэндыр!»
Ахаво дякэ и кэрдя. Сарэ кон дживэлас до Израилё скэдыя пэ бэрга Кармил. Явнэ мануша, савэ ракирэнас от Ваала. Ада сыс пророки Ваала. Илия пхэндя манушэнгэ: «Бут тумэ авэна тэ выкэдэн? Сып яхвэ — Дэвэл, то поклонинэнпэ Яхвэ! Асыр Ваало — дэвэл, то поклонинэнпэ Ваалоскэ!»
Тэнче Илия пхэндя пророкэнгэ Ваала: «зачинэньтэ гуруворэс, розчинэньтэ лэс по котыра и чивэн по жэртвэнико, нэ яг на захачкирэньте. Тэнче и мэ кэрава дякэ, и тчивава ското пэ жэртвеннико ваш Дэвлэскэ. Одова Дэвэл, Саво бичавэла Яг пэ жэртвеннико, и исын чачуно Дэвэл». Прорроки Ваала кэрдэ жэртва, нэ яг на захачкирдэ.
Тэнч ёнэ лынэ тэ мангэпэ пэскирэ дэвлэскэ: «Пошун амэн о Ваало!» Саро дэвэс ёнэ мангнэпэ, годлэнас и чинэнас пэс чурьенса, нэ Ваало лэн на шунэлас и яг на бичавэлас.
Пророки Ваала мангэнаспэ гин саро дывэс. Кэ бэвэль ёнэ пирьячнэ тэ мангнэпэ. Тэнчы Илия чидя скотина пэ жэртвенико ваш Дэвлэскэ. Ёв припхэндя манушэнгэ тэ тчивэн дэшудуй вэдры паны пэ жэртва, пока мас, кашта и пху пашэ жэртвенико авэла кинды.
Тэнче Илия помангьяпэ: «О Яхвэ, Дэвэл Авраамоско, Исаакоско и Иаковакоско! Сыкав амэнгэ дадэвэс, со Ту — Дэвэл Израиля, а мэ — Тэро слуга. Пхэн мангэ, и мэк сарэ мануша уджинэна, со Ту — чачуно Дэвэл».
И сгия болыбнастыр яг и схачия мас, кашта, бара и паны пашэ жэртвенико. Сыр мануша удыкнэ дава, ёнэ пэнэ пэ пхув и загодлынэ: «Яхвэ — чачунэ Дэвэл! Яхвэ — ачунэ Дэвэл!»
Тэнче Илия пхэндя: «На дэнте ни екхэскэ пророкоскэ Ваала тэ нашэ!» Мануша вхтылдэ пророкэн Ваала, улыджинэ одотсыр и умардэ.
Тэнче Илия пхэндя царёскэ Ахавонэскэ: «Сыгэдыр рисёв кхэрэ, палдова со авэла брэшинд». Сыг болыбэн покалыя гия баро брэшинд, пал дова со пир лав Яхвэ шукипэн пирьячья. Ада исыс соб мануша тэ дыкхэн, со Ёв исын чачуно Дэвэл.
Сыр Илия докэрдя пэскири буты пэ пхув, Дэвэл выкэдыя Пэскэ пророкос манушэс са вэс кхарэн Елисей. Дэвэл сыкавэлас Пэскири зор через Илисея. Еквар Дэвэл сыкадя пэски зор пэ Нееманостэ, ёв сыс командиро кэ вражэско боко. Ко Неемано сыс дрыван насвалы цыпа. Шундя пал Елисеёстэ, Наемано гия кэ ёв и помангья лэс тэ выличинэл. Нэ Елисеё на выгия кэ ёв, а перепхэндя через пэскирэ слугастэ, соб Неемано пэ морэлпэ дэ рэка Иордан семь молы.
Нээмано росхолясыя и на закамья тэкэрэ адава пал дова, со Елисеё на выгия. Нэ тэнче ёв пэрэкамья, и гия кэ рэка Иоран и семь молы мордяпэ до паны. Сыр ёв выгия панэстыр, Дэвэл оздоровиндя лэс.
Пал Елисеёстэ Дэвэл бичавэлас манушэнгэ Израиля бут авирэн пророкэн. Сарэ ёнэ ракирэнас манушэнгэ, соб одолэ тэ пирьячен тэ поклонинэпэ идалэнгэ и кэ мануша тэ отлыджяпэ патывалэс. Пророки ракирэнас манушэнгэ, со сыр ёнэ на пирьячена тэкэрэ холы и на лэна тэ кандэ Дэвлэс, то Дэвэл лэла тэ сэндякирэл и тэ марэ лэн пал лэнги банг.
Нэ мануша на шунэнас Дэвлэс. И бут молы отлыджянаспэ кэ пропоки нанэ куч. Дякэ, сыр екхэс пророкос савэс кхарэнас Иеремия чидэ дэ шуки ганынг и ачадэ одой лэс тэ мэрэ. Ёв бэшэлас дэ ганынг дэ блата, нэ царэ припхэндя пэскирэ бутярнэнгэ тэ вытырдэн лэс, поки ёв джидо. Мануша накамнэ Дэвлытконэн пророкэн а савэн и умарэнас.
Надыкхэнас пэ дая холы, пророки всаек передэнас манушэнгэ лава Дэвлэскирэ. Ёнэ ракирэнас манушэнгэ, со Дэвэл хаскирэлалэн лэн, сыр ёнэ на порисёна кэ Дэвэл, и прикхардэ манушэн тэ шунэн Дэвлэс. Дякэш пророки ракирэнас манушэнгэ, со Дэвэл ракирдя со бичавэла Месия.
Библейская история из 3 Царств 16-18; 4 Царств 5; Иеремии 38