43. Сыр кэрдяпэ кхангири

Сыр Иисусо рисия до болыбэн, Лэскирэ ученики ачэнаспэ до Иерусалимо, сыр Ёв лэнгэ и пхэндя. Ёнэ скэдэнаспэ кэтанэ соб тэ мангэпэ.

Кажно бэрш, сыр проджял пандэша дэвэс пал Патради, биболдэ кэрэнас свэнко жатва марэски, сави кхарэласпэ Пятидесятницей. Биболдэ сарэ свэтостыр скэдэнаспэ дэ Иерусалимо, соб тэпролыджя свэнко кэтанэ. Дэ дова бэрш, сыр Иисусо сыс умардо и вштыя мулэндыр, Пятидесятница исыс варикай череэ курко, сыр Исысо рисия дэ болыбэн.

Пэ свэнко Пятидесятницы сарэ патянкунэ сыс кэтанэ. До кхэр кай ёнэ сыс, кэрдяпэ звуко, сыр бари бавал. И пэ шэрэ лынэпэ, варисо дасаво, сыр гачкирдэ чиба. Сарэ патянкунэ наполнились Свэнтонэ Духоса и лынэ тэ ракирэн пал Дэвлэстэ пэ авир чиба. Ёнэ на джиндэ адалэ чиба, нэ ада исыс чиба, пэ савэ дыя лэнгэ тэ ракирэ Свэнто Духо.

Сыр мануша до Иерусалимо шундэ адава звуко, скэдэнэпэ кэтанэ. Сарэ камнэ тэподыкхэ, со кэрэлпэ. Адалэ мануша сыс разнонэ форэндыр, и ракирэнас пэ разна чиба, а ученики Иисусоскирэ сыс с Галилеи и ракирэнас по-арамейско и по-греческо чип. Нэ дэ дава дэвэс ученики ракирэнас пэ разна чиба и мануша дрыван исыс удивлённа, кай кажно мануш шунэлас пэ пэски чип лошалэ лава со кэрдя Дэвэл.

А авар мануша лынэ тэ подсан и тэ ракирэн, со ученики пинэ бравинта и матэ. Нэ Петро годласа пхэндя лэнгэ: «Пошунэньте ман! Адалэ мануша нанэ матэ. Нэ тумэ акана дыкхэн одова, со ракирэлас пророко Иоиль: «Со дэ последня дэвэса Мэ бут прочивава Миро Духо пэ сарэндэ манушэндэ».

Пошунэньтэ, израильтяне, Иисусо сыс Мануш, саво кэрэлас бут чуды, соб тэ сыкавэл конэса Ёв сыс. Ёв кэрэлас адалэ чуды Дэвлэскирэ зорьяса. И тумэ джинэн, палдава со дыкхнэсаро дава кокорэ. Нэ тумэ прымардэ Лэс пэ кашт!

Тумэ умардэ Иисусос, Дэвэл гадыя Лэс мулэндыр. Дякэ ракирэласпэ дэ пророчество, дэ саво сыс чиндо: «Ту на домэкэса Тэрэскэ Свэнтонэскэ тэ пасёл дэ могила вэчно». И амэ дыкхьям одова, со Дэвэл рискирьдя Иисусос кэ джюипэ.

Дэвэл-Дат дыя Иисусоскэ тэ бэшэл пэ право васт Пэстыр. А Иисусо бичадя амэнгэ Свэнтонэс Духос, сыр и ракирдя. Свэнто Духо кэрэл саро, со тумэ дыкхэн и шунэн.

Тумэ умардэ Манушэс, савэс кхарэн Иисусо. Нэ джинэн, со Дэвэл кэрдя Лэс Мессией и Хуласа пэ саро, со сын».

Мануша, шунэнас Петроскирэ лава, задуминдэпэ. Ёнэ пучнэ Петрос и ученикэн: «Пшала, со же амэнгэ тэ кэрэ?»

И Пётро пхэндя: «Тумэнгэ сарэнгэ трэби, соб Дэвэл тэ простинэл тумарэ бэзэха. Мэк кожно мануш порисёла кэ дэвэл и болынэлапэ дэ лав Иисусоско Христоско. Тэнче Дэвэл дэла тумэнгэ Свэнтонэс Духос».

Дэ дова дэвэс варикай 3000 манушэн патяндынэ со ракирэлас Петро. Ёнэ помангнэ Дэвлэс тэ простинэл бэзэха, прылынэ крищение ачнэ екхаса кхангирьяса, и кэрдэпэ ученикэнса Иисаса.

Патянкунэ скэдэнаспэ кэтанэ. Ёнэ шунэнас со сыклякирэнас апостолы, мангэнаспэ и славинэнас Дэвлэс. Кэтанэ ханас и саро со лэндэ сыс ёнэ розчурдэнас машкир пэстэ. Сарэ дэ форо ракирэнас пал лэндэ лачипэн. Кажно дэвэс бутыр манушэн кэрэнаспэ патянкунэнса

Библейская история из Деяний святых апостолов, глава 2