16. Сэндарья

Сыр мэя Иисусо, чаво Навиноско, израильтяне перьячнэ тэ кандэ Дэвлэс и тэ дживэ пир Лэскиро лав. Израильтяне на вытрадынэ манушэн савэ ачнэпэ дэ Ханаано и лынэ тэ поклонинэнпэ хананейсконэнгэ дэвлэнгэ, а на нэ Яхвэ, чачунэ Дэвлэскэ. Кэ израильтяни на сыс царёс, пал дава мануша дживэнас со камэнас.

Сыр израильтяни бут бэрш на кандэнас Дэвлэс, Ёв кэрэлас лэнгэ бида, оддэлас лэн дэ васта врагэнгэ, савэ дживэнас кругом лэндэ. Ёнэ марэнас израильтян, обчёрэнас и хаскирэнас саро со лэндэ сыс и бутэт манушэн умарэнас. Прогия бут бэрш дэ пхарипэн израильтяне каялись и мангэнас Дэвлэс тэ заракхэл лэн врагэндыр. Дякэ и сыс бут молы.

Кажно моло, сыр израильтяни каялись. Дэвэл ракхэлас лэн. Ёв битчавэлас лэнгэ сэндарёс, саво ракирэлас пал лэндэ и залэлас манушэн. Тэнче мануша дживэнас и на дарэнас, и сэндарья чачунэс лыджянас маушэн. Дэвэл бичавэлас бутэн сэндарен тэ подрикирэл израильтятэн. Екхэс сэндарёс Дэвэл бичадя, сыр домэкья со мадианитяни лынэ побэда кэ израильтяни.

Ефта бэрш мадианитяне залэнас кэ израильтяни саро маро (хабэн) Израильтяни дживэнас и даранэс и гаравэнаспэ бо бэрги, соб медианитяне тэ напопэрэн лэн. И гэна ёнэ за ракирдэ ко Дэвэл ировэнас мангэнас Лэс тэ заракхэл лэн.

До дола дэвэса дживэлас израильтяно кхарэнас лэс Гедеоно. Еквар сыр ёв гаравэласпэ мадианитянэндыр, и соб никон тэ надыкхэл ёв вымарэлас маро, кэ ёв явья ангило Дэвлэстыр и пхэндя: «Зороло мануш, туса Дэвэл! Джя и эаракх Израилё мадианитянэндыр».

Кэ дат Гедеоноско сыс жертвеннико, ваш идалоскэ. Дэвэл припхэндя Гедеоноскэ тэ розмарэл адава жэртвенико и тэ чивэл жэртвинико Дэвлэскэ Яхвэ. Нэ Гэдионо дарэлас манушэндыр, пал дава ёв роэмардя жэртвинико по котыра ратяко. Пэ дава штэто кай розмардя жэртвинико, Гэдионо кэрдя жэртвинико Дэвлэскэ и яндя пэ лэстэ жэртва.

Сыр мануша удыкхнэ, кай жэртвенико розмардо, ёнэ дрыван росхолясынэ и гинэ кхэрэ кэ Гедеоно, соб тэ умарэ лэс. Нэ дад Гэдионоско пхэндя: «Соскэ тумэ камэн тэ заракхэн пэскирэс дэвлэс? Сыр ёв дэвэл, то мэк заракхэл кокоро пэс!» Шундэ адала лава, мануша и пхэндэ на ласа тэ умарэ Гедеонос.

Сыго мадианитяне обратно явнэ тэ обчёрэ израильтянэн. Мадианитянэн сыс дякэ бут, со лэн напогинэса. Гэдионо скхардя израильтянэн, соб тэ марэпэ мадианитянэнса. Ёв мангья кэ Дэвэл дуй чуды, соб тэ джинэ со, Дэвэл чачибэн прыкхарэл лэс тэ заракхэл Израилё мадианитянинэндыр.

Ваш перво чудо Гедеоно тчидя пэ пхув бакрытко шэрсть и помангья Дэвлэс, соб утром роса тэ авэл пэ шэрсть, а пхув сари тэ авэл шуки. Дэвэл кэрдя дякэ. Пэ авир рат Гедеоно помангья Дэвлэс, соб пхув тэ авэл кинды, а шэрсть шуки. Дэвэл кэрдя дякэ. Адалэ дуй чуды дынэ тэ полэ Гэдеонэскэ, со Дэвэл чачибэн прыкхарэл лэс тэ заракхэл Израилё мадианитянэндыр.

Тэнче Гедеоно кхардя кэпэ манушэн, и кэ ёв явнэ 32 тысячи манушэн. Нэ Дэвэл пхэндя лэскэ, со ада дрыван бут. Тэнче Гедеоно бичадя кхэрэ 22 тысячи манушэн, савэ дарэнас тэ марэпэ. Дэвэл пхэндя Гедеоноскэ, со лэстэ всаек бут манушэн. Тэнче Гедеоно выкэдыя 300 манушэн савэ лэна тэ марэпэ, пэ савэндэ сыкадя лэскэ Дэвэл, а сарэн авирэн бичадя кхэрэ.

Дэ доя рат Дэвэл пхэня: «Поджья кэ лэнгирэ шатры и пошун со ракирэн мадианитяне. Сыр ту шунэса, пал со ёнэ ракирэн, то пирьячеса тэ дарэс тэ джя пэ лэндэ». Ратяко Гэдеоно подгия кэ шатры и шундя, сыр ек мануш-мадианитянино роспхэнэлас авирэскэ суно, сыр пир мадианитянско лагирё кругло ячменно маро и розмардя шатра. Авир мануш пхэндя: «Адава суно ракирэл, со мануша Гедеона розмарэна амэн мадианитянэн!» Шундя адава, Гедеоно поклониндяпэ Дэвлэскэ.

Тэнче Гедеоно рисия кэ паскирэ мануша и пхэндя, со Дэвэл отдэл мадианитянэн дэ лэнгирэ васта. И Гедеоно дыя кожнонэскэ рого, глинатыр горшко и факело. Ёнэ гинэ окружили лагерё, дэ саво совэнас мадианитяне. Трин шэла манушэн Гедеона рикирэнас эахачкирдэ факелы до горшки, соб мадианитяне тэ надыкхэн лэнгиро (свето.)

Тэнче сарэ мануша Гедеона розмардэ горшки —и кэрдяпэ душло ягатыр кай хачёнас дэ факелы. Мануша затрубили и загодлынэ: «Меч Яхвэ ДЭи Гедеона!»

Дэвэл кэрдя со мадианитяне на полынэ со кэрдяпэ, и лынэ ёнэ тэ умарэ ек екхэс. Гедеоно на дужакирэлас а бичадя манушэн, кай ёнэ тэ кхарэн бутыр израильтянэн, соб ёнэ тэ явэн и тэ традэн мадиатянэн. Израильтяне умардэ бут лэнгирэн манушэн, а савэ ачнепэ джидэ вытрадынэ лэн пэскирэ пхувьятыр. Да дава дэвэс хасия 120 тысяч мадианитян и Дэвэл зракхья израилё!

Мануша закамнэ тэ кэрэн Гедеонос пэскирэса царёса. Нэ Гедеоно на закамья, а помангья лэндыр сонакунэ ангрусня, савэ ёнэ залынэ кэ мадианитяни. Мануша яндэ Гедеоноскэ бут сонакай.

Адалэ сонакастыр Гедеоно кэрдя идя, дасави идя сави чурдэлпэ пэ идя рашаски, и ачадя ла дэ пэско форо. Нэ мануша ачнэ тэ поклонинэпэ адалакэ идякэ и идалэнгэ. Сыр Гедеоно пхурия и мэя, израильтяне ачнэ тэ поклонинэпэ идалэнгэ. Пал дава Дэвэл мардя Израилёс и домэкья врагэнг тэлэ лэн. Нэ всаек израильтяне помангнэ Дэвлэс тэ эаракхэл лэн, и Дэвэл бичадя лэнгэ авирэс сэндарёс.

Дякэ сыс бут молы: израильтяне кэрэнас бэзэх- Дэвэл лэн марэлас, ёнэ мангэнас тэ простинэл лэн - и Дэвэл бичавэлас лэнгэ сэндарёс, саво заракхэлас лэн. И бут бэрш Дэвэл дэлас израильтянэнгэ бутэн разнонэн сэндарен, савэ заракхэнас лэн врагэндыр.

Сыр враги бут молы нападали пэ лэндэ, то ёнэ израильтяни мангнэ кэ Дэвэл царёс, сыр кэ сарэ авир мануша. Ёнэ камнэ царёс, саво лэлас бы лэн тэ лыджял тэ марэпэ. Дэвлэскэ на чалыя со ёнэ мангнэ царёс, нэ Ёв всаек дыя лэнгэ царёс, сыр ёнэ мангнэ.

Библейская история из Судей 1-3; 6-8