48. Иисус – ада саво ракирэнас Мессия

Сыр Дэвэл кэрдя свэто, саро сыс СОВЕРШЕННО Пэ свэто насыс бэзэх. Адамо и Ева камэнас Дэвлэс и камэнас ек екхэс. Пэ пхув на насвалёнас и на мэрэнас. Дэвэл кэрэлас, соб свэто дасаво и тэ авэл.

Нэ бэнг хохадя Ева, сапэса подгия кэ ёй и заракирдя ласа, Адамо Еваса кэрдэ бэзэх против Дэвлэстэ. Пал дова со ёнэ кэрдэ бэзэх, пэ пхув лынэ тэ мэрэ мануша.

Пал адава бэзэх Адамо и Ева ачнэ врагэнса Дэвлэскэ, и на камэнас тэ кандэ Лэс. Тэнче сарэ мануша, сыр чаворэ Адамоскирэ и Евакирэ, латхэнпэ до бэзэх. Бэзэх надэл манушэнгэ тэ кандэл Дэвлэс и тэкэрэ Лэскири воля. Мануша хаскирдэ Дэвлэса отношэшия. Нэ Дэвэл камэл тэ риськирэ адалэ хаськирдэ отношэния.

Дэвэл ракирдя со Ек Еваконэ родостыр розмарэла бэнгэскэ шэро, а бэнг хала лэс пал пьятка. И бэнг умарэла Мессяс, нэ Дэвэл риськирэла Лэс кэ жиипэн. И Мессия розмардя залыя лэстыр зор. Прогия бут бэрш Дэвэл бичадя манушэнгэ Мессияс. И адава Мессия сыс Иисусо.

Бут бэрш сыр латцяпэ Иисусо, Дэвэл припхэндя Ноёскэ тэ кэрэл караблё, соб семья лэскири тэ заракхэлпэ тэ натасадёл до паны, саво Дэвэл камня тэ бичавэ пэ Пхув. Дэвэл камня тэ хаськирэ свэто панеса пал дова со мануша кэрэнас бэзэх. Ноё патяндыя Дэвлэскэ и кэрдя караблё. Ноё и лэски семья зракхнэпэ. Дякэш и дадэвэс - сарэ мануша молэн тэ мэрэн, пал дова со мануш дживэл до бэзэха и накандэл Дэвлэс. Нэ Дэвэл бичадя Иисусос, соб тэ заракхэл сарэн, кон дэ Лэстэ патяла.

Бэршэнса рашая янэнас Дэвлэскэ жэртва соб тэ зморэ бэзэха. Жэртвы сыкавэнас манушэнгэ, со ёнэ кэрэн бэзэха ангил Дэвлэ. Нэ жэртвы на зморэнас бэзэха екхвар и пэсаро джюипэн. Иисусо кэрдя дова, со на кэрдэ ни ек рашай. Ёв отдыя Пэско джюипэн екхаса жэртваса, и дая жэртва зморэл манушэско бэзэх екхвар и пэ саро джюипэн. Иисусо прылая пэ пэстэ духк, саво трэби тэ авэл пэ амэндэ пал амарэ бэзэха. Палдава Иисусо – сын Баро Рашай.

Сыр пэ Пхув дживэлас Авраамо, Дэвэл лэскэ пхэндя: «Мэ дэ тутэ дава бахт сарэнгэ манушэнгэ пэ Пхув». Иисусо сыс родостыр Авраама. Дадэвэс дэ Аврамостэ Дэвэл дэл бахт сарэнгэ манушэнгэ, сыр ёнэ лэна тэ патя дэ Иисусостэ. Дэвэл заракхэл и на марэл пал бэзэха и гинэл лэн духовнонэ родоса Авраамоскирэса.

Еквар Дэвэл пхэндя Авраамоскэ тэ янэ дэ жэртва пэскирэс чавэс Исаакос. Нэ, здыкхья со ёв кандэл Лэс, и бичадя лэскэ бакрорэс тэ янэл дэ жэртва пал Исаакостэ. Амэ сарэ молас тэ мэрас пал амарэ бэзэха, Нэ Дэвэл бичадя Иисусос дэ жэртва, соб Ёв тэ мэрэл пал амэндэ. Гэна пал со амэ кхарас Иисусос Дэвлэскиро Бакроро.

Сыр Дэвэл бичадя бида пэ Египто, Ёв припхэндя сарэ семьенгэ израиля тэ зачинэн бакрорэс. Ада зарахья израильтянэн бидатыр сыр дэ Египто мэя пхурэдыр чаво дэ кажно семья. Бакрорэс савэс янэнас дэ жэртва трэби тэ авэл би дошако. Биболдэ трэби тэ помакхэн ратэса бакрорэскирэса пэскирэ удары. Сыр Дэвэл дыкхэлас адава рат, Ёв проджялас дурэдыр и бида на заджялас дэ дава кхэр. Ада кхарэласпэ Патради.

Иисусо на кэрэлас бэзэх и насыс банго ни дэ со. Ёв счурдэлпэ пэ патрадитконэстэ Бакрорэстэ, Савэс за чиндэ пэ свэнко Патради. Сыр мануш патял дэ Иисусостэ, то рат Иссусоко кэрэлпэ тиминаса пал бэзэх адалэскирэ манушэскэ и Дэвэл на марэл лэс. Дэвэл пролыджял бида манушэски дурэдыр лэстэр.

Дэвэл кэрдя завэто израильтянонэнса, пал дова ёнэ сыс манушэнса, савэн Ёв вэкэдыя ваш Пэскэ. Нэ Дэвэл кэрдя Нэво Завэто, ваш сарэнгэ манушэнгэ. Кана мануш, саво тэрдыя до Нэво Завето, авэла Далэскиро мануш. Пал дова со патяндыя дэ Иисусостэ.

Маисеё сыс баро пророко, сова передэлас Дэвлэско Лав барэ зорьяса. Нэ Иисусо барэдыр сарэндыр пророкэндыр. Ёв — Дэвэл, пал дава саро, со Ёв кэрэлас и ракирэлас, сын Кокорэстыр Дэвлэстыр. Гэна пал со дэ Библия Иисусо кхэрэлпэ Дэвлэско Лав

Дэвэл ракирдя царёскэ Давидоскэ, со Ек лэскирэ родостыр авэла вэчно хулай кэ Дэвлэскирэ мануша. Иисусо сын Дова Родо Давидоско. Ёв Дээвлэско Чаво и Мессия, саво авэла хулай вэчно.

Давидо сыс царёса Израиля, нэ Иисусо – Царё пир саро Свэто! Ёв явэла и авэла вечно хуласа Пэскирэ Царствоса до свэто чачибнаса.

Библейская история из книг Бытие 1-3, 6, 14, 22, Исход 12, 20, 2-й Царств, 7 глава, послания Павла к Евреям 3:1-6, 4:14-5:10, 7:1-8:13, 9:11-10:18 и Откровения Иоанна, 21 глава