26. Иисуса Выгия пэ служения

Сыр Иисусо перелыджия искушэния налачэстыр, Ёв рисия кэ Галилея, одой кай и дживэлас. Свэнто Духо дэлас лэскэ бари зор. Иисусо пхирэлас пир Галилея форостыр кэ форо, сыс дэ бут штэты подрикирэлас манушэн. Сарэ дрыван куч ракирэнас пал Лэстэ.

Еквар Иисусо гия дэ форо Назарето, кай пролыджия Пэскирэ тыкнэ бэрша. Дэ суббота Иисусо гия дэ синагога, штэто кай мангэнпэ Дэвлэскэ. Одой дынэ лэскэ лыл пророкоско Исаи, соб ёв тэ прогинэл, тэ шунэн мануша со за чиндо дэ лыл. Иисусо роскээрдя лыл и гинэл.

Ёв прогиндя: «Дэвэл дыя Мнгэ Пэскиро Духо, соб мэ тэ пхэнав лачэ лава чрорэнгэ. Ёв бичадя Ман тэодмэкав бэшыбнарен, корорэ тэ дыкхэн и тэ одмэкэ одолэн, конэс пхаро. Ада дэвэса, сыр Дэвэл сыкавэла Пэско ковло ило и подрикирэла амэн».

Тэнче Иисусо прибэстя. Сарэ, кон исыс одой, дыкхэнас сарэ пэ Лэстэ. Ёнэ джиндэ, со адава со сыс чиндо до лыл Дэвлэснъко савэ гиндя Иисусо сыс пал Месия. Иисусо пхэндя: «Явья дэвэс тэ авэл саро дякэ сыр Мэ тумэнгэ прогиндём» Сарэ мануша исыс наполэнас. «Хиба Ёв нанэ чаво Иосифоско?» ракирэнас ёнэ.

Тэнче Иисусо пхэндя: «чачибэн мануша на прылэн пророкэн до дова форо, кай ёв выбария. До дэвэса Илии до Израилё исыс бут ромнен савэндэ мэя ром. Нэ сыр трин пашэса бэрш на сыс брэшинд, Дэвэл на бичадя Илияс кэ ромня дэ Израилё, нэ бичадя Иллияс кэ ромня авирэ родоскэ».

Иисусо ракирэлас дурэдыр: «И до дэвэса пророка Елисея дэ Израилё сыс бут манушэн, савэ сыс насвалэ цыпаса. Нэ Елисеё ни конэс-лэндыр на кэрдя зоролэса. Ёв кэрдя зоралэса Неемана, саво сыс баро рай кэ враги Израиля». Мануша, савэ шунэнас Иисусос, исыс биболдэ. Пал дава сыр ёнэ шундэ Лэстыр далэ лава, ёнэ росхолясынэ.

Мануша с Назарета вхтылдэ Иисусос и вылыджинэ Лэс с синагоги. Ёнэ яндэ Лэс пэ бэрга и камнэ Лэс тэ счурдэн бэргатыр. Нэ Иисусо прогия машкир лэндыр и угия с Назарета.

Тэнче Иисусо пхирэлас пэр сари галилея, сусоДрыван бут мануша Явэнас кэ Ёв. Ёнэ янэнас бут насвалэн манушэн, а дякэш корорэн, кашукэн, савэ наракирэнас. И Иисусо выздоровлякирэлас лэн.

Дякэш кэ Иисусо янэнас бутэн манушэн дэ савэндэ сыс бэнга. Иисусо припхэнэлас бэнгэнгэ тэ выджян лэндыр, и ёнэ выджянас. Бут молы бэнга годлэн: «Ту — Чаво Дэвлэско!» Нэ Ёв запхэнэлас лэнгэ тэ ракирэн, Кон Ёв. Бут манушэн дрыван удивлялись и прославляли Дэвлэс пал зор власть, сави сыс кэ Иисусо.

Дрывант бут манушэн пхирэлас пал Иисусостэ, и нанэ сарэ тэрдёнас лэскирэса сыклякирдэнса. Пэскирэн сыклякирдэн выкэдыя 12 манушэн, савэ тэрдынэ Лэскирэ особыми представителями И кхардя лэн «апостолами» Апостолы пхирэнас Иисусоса сыклёнас кэ Ёв

Библейская история из Евангелия от Матфея 4:12-25, Евангелия от Марка 1:14-15, 35-39; 3:13-21 и Евангелия от Луки 4:14-30, 38-44