28. Барвало патывало чаво

Екхвар барвало патывало чаво подгия кэ Иисусо и пуча Лэстыр: «Учитилё лачё со мэ трэби тэ кэрав, соб мандэ тэ авэл вэчно джюипэн?» Иисусо пхэпдя лэскэ: «Соскэ кхарэс Ман лачэса? Лачё сын Дэвэл. Сыр ту камэс тэавэл тутэ вэчно джюипэн, джив пир Дэвлэскирэ заповэди».

Чаво пхэндя «Пир савэ заповэди мэ трэби тэ дживав?» Иисусо пхэндя: «На умар. Яв чачуно пэскирэ ромнякэ. На чёр. На хохав. Полэ пэскирэн дадэс а да и тэ камэс кон паш тутэ, дякэ сыр ту камэс кокоро пэс».

Тэрно чаво пхэндя: «Мэ дживав пир сарэ адалэ заповеди тыкнэ бэршэндыр. Со мангэ ще трэби тэ кэрав, сбо тэдживав вэчно?» Иисусо подыкхья пэлэстэ камлыпнаса и дыя лэскэ Пэско лав.

Иисусо пхэндя «Сыр ту камэс тэ авэс би дошако, джя и бикин саро, тыро барвалыпэн, и роздэ чёрорэнгэ. И тут Дэвэл барвалякирэла до болыбэн. Тэнче яв и джя пал Мандэ»

Сыр чаво шундя, со лэскэ пхэндя Иисусо, ёв дрыван холясыя и угия Иисусостыр. Пал дава, со ёв исыс дрыван барвало мануш и на камня тэ отдэл саро, со лэстэ сыс.

Иисусо пхэндя пэскирэнгэ ученикэнгэ: «Дрыван пхаро дарвалэнгэ тэ зажя дэ Дэалэско Цорсто! Локхэдыр верблюдоскэ тэ проджя дэ кан сувьяко, чём барвалэ манушэскэ тэ заджя дэ Дэвлэско Царство».

Сыр учэники шундэ адалэ лава савэ пхэпдя Иисусо, то сыс друвани удивлены. Ёнэ пучнэ: «кон жэ тэнче зракхэлапэ?»

Иисусо подыкхья пэ ученикэндэ и пхэндя: Манушэнгэ нашты тэ заракхэ пэс. Нэ нанэ нисо пхаро ваш Дэвлэскэ».

Тэнче Петро пуча кэ Иисусо: «Амэ, ачадям саро и гиям пал Тутэ. Со амэнгэ авэла пал дова, со амэ кэрдям. ?»

Иисусо пхэндя: «Сарэ кон, атчадя пэскиро кхэр, пшалэн, пхэнен, дадэс, да, чаворэн или барвалыпэн ваш Мангэ, то авэла дэ шэл молы бытыр. Лэстэ дякэш авэла вэчно джюипэн. И бут англатунэ тэрдёна палал, а палатунэ – ангил».

Библейская история из Евангелия от Матфея 19:16-30, Евангелия от Марка 10:17-31 и Евангелия от Луки 18:18-30