6. Девел заботиться пало Исаакосте.

Джянас дэвэса. Авраамо дрыван пураныя, а лэско чаво Исаако кэкдяпе до бэрша манушь. Еквар Авраамо бичадя екхе пескирендер бутярненде де явир форо, кай дживенас лескиро родо, соб дова тепоперел ромня Исаакоске.

Бутярно дрыван бут джалас де да форо кай Араамоско родо, и коли ёв явья, Девел яндя лес ке Ревека. Ёй исыс Аврамоскире пшалескире внучкаса.

Ревека закамья тэочавэ пэскири семья и тэтрадэ бутярнэса кэ Исаако. коли ёй авья дорик, Исаако дэ дова дэвэс лыя ла пэскирэ ромняса.

Прогия дрыван бут дэвэса. Авраамо мэя, и Дэвэвл благословил Исаакос, чавэс Араамоскирэс, пир дова завето, саво Ёв скэрдя Араамоса. Дэ дава завето Дэвэл дэлас лав, со кэ Арваамо явэла драван баро родо. Нэ кэ Рэвека, ромны Исаакоскири, насыс чаворэн.

Исаако мангья Дэвлэс пало Ревекатэ, и Дэвэл дыя лакэ кай ёй запхария дуе чаворэнса. Дуй чаворэ ещё кэ дай дэ оди лынэ тэмарапэ ек екхэса. Тоди Ревекка пучэлас Дэвлэс пал одова, со кэрэлпэ.

Дэвэл пхэндя Ревеккакэ: Кэ ту бианэлапэ дуй чавэ. Лэнгирэ чаворэндэ джана дуй разна манушитка роды. Адалэ дуй манушитка роды явэна тэ джан ек пэ екхэстэ. Нэ манушэнгэ савэ явэна старшонэ чавэстэ, прыджалапэ тэпокоринэнпэ одолэнгэ савэ меншонэ чавэстэ.

Cыр явья дэвэс, Рэвэка яндя дуен чаворэн савэ счурдэнаспэ ек пэ ексестэ. Пхурэдыр чаворо лацяпэ рыжо и саро дэ бала. Лэс прокхардэ Исав. А тэкнэдыр чаворо лацяпэ сразу пал лэстэ и рикирэласпэ пал лэскири гэрой. Лэс прокхардэ Иаков.

Библейско истирия Бытие 24: 1-25: 26