12. Мануша выджян Египтостыр

Израильтяне лошаса выгинэ Египтостыр. Ёнэ бутыр на сыс бутярнэ до Египто. Ёнэ джянас дэ пхув, пал сави ракирэлас лэнгэ Дэвэл! Египтяне дынэ израильтянэнгэ саро, со ёнэ мангнэ, и сонакай, и руп и саро, со дрого. Мануша авирэ родостыр патяндынэ дэ Дэвлэстэ и выгинэ лэнса Египтостыр.

Дэвэл джял ангил лэндэр дэвэсэ сыр туча/облако, а ратяко джял сыр ягатыр столбо. Дэвэл исыс соро время лэнса и сыкавэлас лэнгэ дром. Манушэнгэ трэби було тэ кандэ Дэвлэс и тэ джа пал Лэстэ.

Прогинэ дэвэса и фораоно пэскирэ манушэнса парудя пэскиро лав. Лэнгэ закамняпэ, соб израильтяне тэ явэн бутярнэнсэ. Дэвэл кэрдя фораонэскиро ило барытко, соб мануша тэ дыкхэн, со Ёв - ек чачюно Дэвэл. И соб мануша тэ полэн, со Лэскиро лав - Йахвэ, и со Ёв зоралэдыр фараоностыр и сарэндыр дэвлэндыр.

Тэнче фараоно и лэскирэ мануша традынэ пал израильнянэндэ, соб тэ кэрэ лэн пэскирэнса бутярнэнса. Сыр израильтяне удыкхнэ савэ джявас пэлэндэ мануша фараоноскирэ, тэнче ёнэ полынэ, со лэнгэ нанэ карик тэ нашэ и лэн лэна мануша фараоноскирэ, бо ангил исыс Лоло морё. Ёнэ дрыван передорандынэ и загодлынэ: «Пал со амэ угиян Егоптостыр? Амэ сарэ адай помэраса!»

Моисеё пхэндя израильтянам: «На дарэнте! Дадэвэс Дэвэл лэла тэ марэлпэ пал ту мэндэ и заракхэла тумэн». Тэнче Дэвэл пхэндя Моисеёско: «Пхэн манушэнгэ, мэк джян кэ Лоло морё».

Тэнче Дэвэл перечюдя облачно столбо и чидя лэс машкирал израильтянэндэ и египтянэндэ, дякэ соб египтяне тэ надыкхэн израильтян.

Дэвэл пхэндя Моисеёскэ тэ гадэ васта по морё и тэ розлыджя паны поро боки. Моисеё гадыя васта, и Дэвэл бичядя бавал, саво розлыджия паны до морё поро боки, дякэ со исыс дром тэ переджя морё.

Израильтяне прогинэ морё пир шуки пхув, а пир дуй боки паны исыс тэрдэ стенаса.

Тэнче Дэвэл гадыя облако, и египтяне удыкхнэ, со израильтяне нашэнас лэндыр. Египтяне закамнэ тэ праста пал лэндэ.

Ёнэ гинэ палал пал израильтянэндэ поро дром пир морё. Дэвэл кэрдя со египтяне передарандынэ. Ёв кэрдя дякэ со лэнгирэ вурда бэшнэ дэ блата. Ёнэ загодлынэ: «Нашас! Дэвэл марэлпэ пал израильтянэндэ!»

Сыр сарэ израильтяне перегинэ морё по авир боко састэ и зоралэ, Дэвэл пхэндя Моисеёскэ ище екхвар тэ гадэ васта по паны. Моисеё гадыя васта, паны рисия по пэскиро штэто и пэя пэ египтянэндэ. Сарэ фараоноскирэ мануша тасадынэ до паны.

И сыр израильтяне удыкхнэ, со египтяне похасинэ, ёнэ патяндэнэ Дэвлэскэ и приджиндэ, со Моисеё — Дэвлэско пророко.

Израильтяне исыс дрыван лошалэ, со Дэвэл ачадя лэн джидэнса и на рисинэ ёнэ палэ пэ буты кэ фараоно. Кана ёнэ кандэнас Дэвлэс и ваш Лэскэ дживэнас пэ воля! Израильтяне багэгас бут гиля, лошалэ и прославли Дэвлэс пал дова, со Ёв заракхья лэн фараоноскирэндыр манушэндыр.

Дэвэл припхэндя израильтянэнгэ кажно бэрш тэ рипирэн кадава дэвэс кай Ёв заракхья лэн египтянэндыр и дыя лэнгэ воля. Адава свэнко кхардэ Патради. Пэ кадава свэнко Патради израильтяне зачинэн бакрорэс би дошако и ханас лэс марэса, саво пэкло би дрожденго.

Библэйско история с Выгинэ 12: 33-15: 21