50. Иисусо рисёла

2000 бэрш мануша дэ саро свэто шунэн Дэвлэскиро Лав пал Иисусостэ. И кхангири на пирьячёл тэ барьё, Иисусо пхэндя, со Ёв рисёла ангил дова, сыс адава свэто пирьячёла тэ авэ. Ёв на рисия, нэ Ёв зрикирэла Пэскиро Лав Ёв рисёла.

Мэ дужакирас Иисусос, и Дэвэл камэл, соб амаро джюипэн тэавэл свэнто и тэ полас Лэс, и тэ роспхэнас пал Лэско Царство. Сыр Иисусо джиндя пэ пхув, Ёв пхэндя: «Мирэ ученики роспхэнэна Лачё Лав пал Дывлытко Царство манушэнгэ пир саро свэто, и тэнче явэла конец»

Бут мануша и дадывэс на шундэ пал Иисусостэ и пал дава, сыр Ёв рисия дэ болыбэн, Иисусо припхэндя ученикэнгэ тэ роспхэнэн Лачё Лав манушэнгэ, савэ на шундэ. Ёв пхэндя: «Джянте кэ сарэ мануша и кэрэн мирэнса ученикэна!» Дякэ Ёв пхэндя: «Маля трэби тэ укэдэ. Буты бут, а бутярнэн набут. Пал дава мангэн Дэвлэс, соб тэ бичавэл бутярнэн пэ дая буты». Трэби тэ авэл бутыр ученикэн, тэ роспхэнэн Лачё Лав.

Иисусо пхэндя: «Бутярно нанэ барэдыр, пэскирэ хуластыр. Адава свэто на камэл Ман. Мануша лэна тумэн тэ на камэн, тэ марэн пал Мандэ. Тумэнгэ авэла пхаро, нэ ачэнпэ зоралэнса, Мэ выкхэлдём кэ налачё, саво сыс хуласа дэ дава свэто! Сыр тумэ аченапэ чачунэ Мангэ кэ концо, то Дэвэл заракхэла тумэн!»

Иисусо роспхэндя история Пэскирэнгэ ученикэнгэ, соб тэ полэн, со авэла манушэнса, сыр пирьячела тэ авэл адава свэто. Ёв пхэндя: «Ек мануш чидя дэ пхув тэ барьёл лачё семя марытко. Сыр ёв сутя, явья на лачё, и ёв чидя дэ пхув тэ барьёл чар машкир маро и угия».

Сыр гадыяпэ саро, бутярнэ манушэскирэ пучнэ кэ ёв: «Хулай, ту чидян дэ пхув лачё семя. Катцыр лыяппэ дая чар? «Хулай пхэндя: «ада кэрдя ек мирэ врагэндыр»

Бутярнэ пучнэ кэ хулай: «Тэ вычинас адая чар? Хулай пхэндя: «Нашты. Сыр тумэ лэна тэ вычинэн дая чар, то тэ навычинэн маро. Подужакирэн кэ дэвэс сыр ласа тэ укэдас маро, и тэнче тумэ скэдэна чар и схачкирэна ла. А маро скэдэна и чивэна кай трэби»

Ученики на полынэ кэсо дая история и помангнэ Иисусос тэ роспхэнэл ла лэнгэ. Иисусо пхэндя: «Маншуш, саво чыдя дэ пхув лачё семя, — ада Мэссия. Пхув — ада свэто. лачё семя — ада мануша Дэвлэскирэ Царствостыр.

Шуки чар ада мануша, конэскиро хулай налачё (бэнг) Враго манушэнго, — ада бэнг. Тэ скэдэ маро ракирэл со пирьячела адава свэто тэ авэл, а бутярнэ — Дэвлэскирэ ангелы.

Сыр дава свэто пирьячела тэ авэл, ангэлы скэдэна кэтанэ сарэн манушэн, савэндэ хулай бэнг, и чурдэна дэ хачкирды яг. Одой авэна дрыван тэ годлэн дукхатыр. А Патянкунэ мануша, авэна тэ хачён, сыр кхам, дэ Царство Дэвлэско, кэ пэскиро дат».

Иисусо пхэндя, со Ёв рисёла пэ пхув кэ дэво сыр пирьячёла тэ авэл дава свэто. Ёв явэла дякэш сыр и угия: Лэстэ авэла трупо, и Ёв явэла болыбнастыр пэ облако. Сыр явэла Иисусо сарэ патянкунэ дэ Лэстэ, савэ менэ гара, вштэна мулэндыр и дыкхэнапэ Лэса до болыбэн.

А патянкунэ дэ Иисусостэ, савэ авэна ще тэ дживэ пэ свэто, гадэнапэ дэ болыбэн и авэна кэтанэ авирэнса патянкунэнса, савэ вштынэ мулэндыр. И сарэ кэтанэ авэна Иисусоса саво ачелапэ тэ дживэ Пэскирэ манушэнса. Манушэндэ авэла вечно бах, палдава со лэнса авэла Иисусо.

Иисусо пэндя дэла вэнцо кон патял дэ Лэстэ. Дасавэ мануша авэна хулаенса Дэвлэса пэ саро свэто. Ёнэ лэна тэ дживэн бахталэс.

Нэ дэвэл лэла тэ сэндякирэнл сарэн, кон на патяла дэ Иисусоса. Ёв чурдэла лэн дэ адо. Одой ёнэ авэна тэ ровэн и тэ кодлэн дукхатэр. Дукх авэла вэчно. Яг, сави на пирьячёла, лэла лэн тэ хачкирэл, и кирмэ на пирьячёна лэн тэ хан.

Сыр Иисусо рисёла, Ёв умарэлы бэнгэс и лэско царство. Иисусо чурдэла бэнгэс дэ адо. Бэнг лэла тэ хачёл вечно одоленса кон кандэл лэс, а нанэ Дэвлэс.

Адамо и Ева на кандынэ Дэвлэс и яндэ бэзэх дэ свэто, Дэвэл проклининдя Пхув, и екхвар лакэ явэло концо. Явэло дэвэс, сыр Дэвэл кэрэла нэво болыбэн и нэви Пхув, пэ саво на авэла бэзэх.

Иисусо и Лэскиро мануша лэна тэ дживэн пэ нэви Пхув, и Ёв авэла вэчно хуласа сарэса. Иисусо выкхосэла ясвин манушэндыр. Никон бутыр на авэла тэ ровэ, тэ лыджя пхарипэ. На авэна тэ насвалён и тэ мэрэн. Холы кана на авэла. Иисусо авэла хулай Пэскирэ Царствоса чачуно и мирно. И Ёв ачалапэ Пэскирэнса манушэнса.

Библейска история Евангелия Матфеёстыр 24: 14; 28: 18, Евангелия Иоаностыр 2: 10, Евангелия Матфеёстыр 13: 24-30, 36-42, 1-во бичадо лав Павлостыр кэ Фессалоникийцы 4: 13-5: 11, бичадо лав Иакова 1: 12, Евангелия Матфеёстыр 22: 13 и со Откэрдяпэ Иоаноскэ 20: 10, 21: 1-22: 21