20. Лынэ дэ плено и явнэ палэ

Сарэ дуй царствы, Израиль и Иудея, кэрэнас бэзэх ангил Дэвлэстэ, Ёнэ на дживэнас пир завэто, саво Дэвэл кэрдя лэнса пэ бэрга Синай, Дэвэл наеквар бичавэлас пророкэн, соб мануша тэ порисён кэ Ёв и тэ поклонинэнпэ Лэскэ, нэ ёнэ накамнэ тэ шунэ Дэвлэс.

Пал дава со ёнэ накандэнас, Дэвэл домэкэлас бида дэ сарэ дуй царствы, враги умарэнас лэн. Додолэ дэвэса сыс зоралы Асия. Ассирийцы дрыван нанэ куч обджянаспэ авирэ манушэнса. Ёнэ гинэ пэ Израилё и лынэ адаво царство. Ассирийцы умардэ бут манушэн до царсво Израиля, залынэ саро со дрого и схачкирдэ бутыр пашэстыр форы.

И залынэ ассирийцы сарэн НАЧАЛЬНИКЭН, сарэн кон джинэлас саро тэкэрэ, и дякэж барвалэн манушэн улыджинэ дэ Асия. Дэ Израилё ачнэпэ дрыван чёрорэ мануша.

Тэнче ассирийцы залыджинэ пэ пхув, кай сыс царсво Израиля, авирэн манушэн. Адала мануша кэрдэ розмардэ форы. Ёнэ кэрэнас бьява одолэнца кон пчапэ до Израилё. Родо Израильтян, савэ кэрэнас сэмьи а вирэ манушэнса, кхарэнаспэ самаряни

Мануша Иудеи дыкхнэ, сыр Дэвэл марэлас манушэн Израиля пал дова со ёнэ на патянас и на кандэнас Лэс. Нэ ёнэ всаек поклонинэнаспэ идалэнгэ и дэвлэнгэ хананев. Дэвэл бичавэлас пророкэн, соб тэ заракхэ лэн, нэ ёнэ накамнэ тэ шунэ.

Варикай прогия 100 бэрш, сыр ассирийцы розмардэ Израиль, Дэвэл бичадя пэ Иудея вавилнсконэс царёс Навуходоносорос. Дэ дола дэвэса Вавилоно сыс зорало форо. Царёскэ Иудеи пригияпэ тэ явэ слугаса кэ Навуходоносоро и кажно бэрш тэ покинэ лэскэ ловэ.

Прогия варикицыто бэрш и царё Иудеи гия пэ Вавилоно. Тэнче вавилоняне рисинэ и гинэ пэ Иудея. Ёнэ лынэ Иерусалимо, розмордэ Дэвлэско Кхэр и улыджинэ саро барвалыпэн фороско и Кхэрэско.

Палдава со Иудея гия пэ Навуходоносора то лэскирэ мануша умардэ чавэн лэстэ по якха, а тэнче вылынэ лэскэ якха. Ёнэ улыджинэ царёс дэ Вавилоно, кай ёв и мэя до бэшыббэн.

Навуходоносоро и лэскирэ мануша улыджинэ дэ Вавилоно гин сарэн манушэн Иудеи, а ачадя чарорэн манушэн соб ёнэ тэ обкэрэн пхув. Дэвэса, сыр Дэвлытконэнгэ манушэнгэ прыгияпэ тэ дживэ дурэдыр одолэ пхувьятыр кай Ракирэлас Дэвэл, кхарэлпэ Вавилонско плено.

Надык пэ дова, со Дэвэлл домэкья Пэскирэн манушэн пало бэзэха тэ уэлыджян лэн до плено, Ёв всаек на бистрэлас Пэскирэн манушэн и рипирэлас со ёв лэнгэ ракирэлас. Дэвэл и дурэдыр дыкхэлас пал Пэскирэ манушэндэ и ракирэлас кэ ёнэ чэрэз Пэскирэ пророкэндэ. Дэвэл пхэндя, со проджяла 70 бэрш и израильтяне рисёна палэ дэ Пхув сави Ракирдя Дэвэл.

Варикай прогия 70 бэрш и Киро, царё Пэрсии, розмардя Вавилоно. Кана пэлэ Вавилонско импэрия бутэ манушэнца ачнэ хулая Персидска (мануша) имперея. До долэ дэвэса израитянэн кхарэнас иудеянэнса. Бутыр лэндыр саро джюипэн проджиндэ дэ Вавилоно. Ачапэ набут пуранэ иудеи, савэ рипирэнас пэскири пхув.

Персидско царство сыс зороло, персы нанэ захалэс отлыджянаспэ кэ кандунэ мануша. Сыр Киро атча царёса дэ Персия, и ёв пхэндя пэскиро лав, саво назапхэнэлас тэ отмэкэ сарэн иудеен савэ камэнас тэ уджян с Пэрсии и тэ рисён дэ пэскири пхув дэ Иудея. И ёв дыя лэнгэ саро со трэби, соб тэ докэрэ розмардо Кхэр Дэвлэско! Прогия 70 бэрш дэ плэно и нанэ бут манушэн рисинэ дэ форо Иерусалимо.

Сыр мануша явнэ дэ Иерусалимо, ёнэ докэрдэ Кхэр Дэвлэско и гадынэ стена дэ форо. Хулаенса исыс пэрсы, нэ иудэи дживэнас дэ Пхув сави Ракрдя Дэвэл и поклонинэнаспэ Дэвлэскэ дэ Кхэр Лэско.

Библейская история из 4 Царств 17; 24-25; 2 Паралипоменон 36; Ездры 1-10; Неемии 1-13