9. Дэвэл рпыкхарэл Моисеёс.

Сыр мэя Иосифо саро лэскиро родо ачнэпэ до Египто. Ёнэ сарэ джювэнас одой буд бэрша, и лэндэ исыс бут чаворэн. Лэн прокхарэнас израильтяне.

Прогия буд молы по шэл бэрш. Манушэн израилтянэн кэрдяпэ дрыван бут. Египтяне ужэ на рипирэнас Иосифос, и саро со ёв кэрдя ваш лэнгэ. Израильтянэн кэрдяпэ дя бут, со египтяне лынэ тэдара лэндыр. Ифараоно, саво дэ долэ дэвэса исыс правителё до Египто, кэрдя израильтянэн пэскирэ бутярнэнса.

Египтянэ заставляли израильтянэн тэкэрэн бут кхэра и бут форы. Джуипэн лэндэ кэрдяпэ дрыван пхаро. Нэ Дэвэл благословлял лэн, и лэндэ исыс ещё бутыр чаворэн.

Фараоно удыкхья кай лэндэ дрыван бут чаворэн. И тоди ёв прыпхэндя пэскирэ манушэнгэ кай тэумарэн всарэн рибенкэн чавэн савэ лакхэнапэ ко ёнэ, тэчурдэн лэн дэ рэка Нил.

Дэ доллэ дэвэса кэ ек израильтянка биандяпэ чаворо, и ёв гаравэлас лэс.

Сыр тэгаравэ лэс ужэ на сыс сыр, дай чудя лэс дэ корзина и очадя дэ камыши дэ рэка Нил, соб тэзаракхэ лэс смэртятэ. Пхурэдыр пхэн чаворэски дыкхэлас пал лэстэ со явэла дурэдыр.

Дэ да время чай фараоноскири явья кэ рэка, соб тэморэлпэ. Ёй удыкхья корзина и подыкья со дэ латэ машкирал. Удыкхья чаворэс, лакэ кэрдяпэ дор чаворэс. Пхурэдыр пхэн чаворэскири сави дыкья саро пхэндя лакэ кай ёй тепрыкхарэл сыр пэ буты израильтянка кай тэвыдыкхэл лэс. И ёй прыкхардя да манушня сави кормила чаворэс и на джиндя со ада лэскири родно дай. Кили чаворо потбария дай рискирдя лэс кэ фараоноскири чай, и ёй кэрдя лэс пэскирэ чаворэса и дыя лэскэ лав Моисей.

Моисеё выбария. Екхварка ёв удыкхья, сыр египтянино марэл бутярнэс израильтянинос. Моисеё камья тэзаракхэл манушэс саво сыр и ёв исыс израильтянино.

Подыкхья, со никонэс нанэ, Моисеё умардя египтяненос и загарадя лэс до пяско. Нэ кадава удыкхнэ.

Пал дова со кэрдя Моисеё шундя кокоро фараоно. Ёв припхэндя тэумарэ Моисеёс, нэ дова унастя Египтостэ дэ пустыня. Фараоноскирэ мануша напопэнэ лэс одой.

Дэ пустыня дурал Египтостэр, Моисею кэрдяпэ пастухоса. Ёв лыя пэскэ ромня одой, и лэндэ исыс дуй чавэ.

Моисею дыкхэлас пал тестескиро ското. Екхвар ёв удыкхья ек набаро дэмбо хачёл и на схачёл. Моисеё потгия кэ ёв тэподыкхэл пэ лэстэ. коли ёв подгия кэ ёв, Дэвэл заракирдя кэ Моисёя: «Моисеё слэ терах тери! Ту тэрдо пэ свэнто пхув».

Тоди Дэвэл пхэндя: «Мэ удыкхьём сыр пхаро Мирэ манушэнгэ. Мэ бичава тут кэ фараоно, соб ту тэвылыджяс мирэ менушэн Египтостэр, кай ёны кэрдэпэ бутярнэннса. Мэ дава лэнгэ пхув, пал сави дыём лав Араамоскэ, Иасаакоскэ и Иаковоскэ».

Моисеё пучья «А если ёнэ закамэна тэуджинэ, кон бичадя тут? Со мэ лэнгэ тэпхэнав? Дэвэл пхэндя: «МЭ ДОВА КОН ИСЫН. Пхэн лэнгэ: «ОДОВА, КОН, ИСИН, бичадя ман кэ тумэ». Дякэ жэ пхэн лэнгэ: МЭ Яхвэ, Дэвэл тумарэ пхуромэн -Авраамоско, Исаакоско и Иаковоско».

Моисеё здарандыя и на камья тэджал кэ фараоно, пал дова со на джинэлас куч тэракирэл. Пал одова Дэвэл бичадя лэскэ помощникос Аоронос Мосийскирэ пшалэс

Библейская история из Исхода 1-4