45. Стефано и Филиппо

Кхангири барьёлас и апостолы выкэдынэ манушэн савэ тэ подрикирэн васта дэ кхангири. Екхэс кхарэнас Стефано, сарэ мануша кэ ёв отлыджянаспэ патываса. Ёв сыс пхэрдо зорьяса и годяса Святого Духа и кэрэлас бут чуды. Бут мануша тэрдёнас ученикэнса Иисуса сыр роспхэнэлас Стефано.

Екфар, сыр Стефано сыклякирэлас пал Иисусостэ, иудэи авирэ форэндыр лынэ лэса тэ споринэнпэ, нэ нисо па попэнэ со тэ пхэнэ лэскирэ лавэнгэ. Тэнче ёнэ зракирдэпэ тэ ракирэн, со Стефано пхэндя на лаче лава пэ Маисеёстэ и Дэвлэстэ. Адава шундэ Израильско священсво. Ёнэ росхолясынэ вхтылдэ Стефанос и яндэ лэс кэ баро рашай. Дякэш дорик явнэ хоханэ мануша савэ йивья ракирэнас пэ Стефанностэ.

Баро рашай пучел кэ Стефано: «Чачё ракирэн адалэ мануша пал тутэ?» Стефано саро роспхэндя барэ рашаскэ, сыр Дэвэл бут кэрэлас чуды ваш израильсконэ манушэнгэ, сыр дживэлас Авраамо и кэ дэвэса Иисуса. Нэ мануша накамнэ тэ шунэн Дэвлэс кэрэнас против Лэско лав. Стефано пхэндя: «Тумэ накамэн тэ шунэн Дэвлэс и нанэ кандунэ мануша! Тумэ на прылэн Свэнтонэс Духос, сыр тумарэ дада на прылэнас Дэвлэс, и умарэнас Лэскирэн пророкэн! Нэ тумэ бутыр кэрдэ лэндыр! Тумэ умардэ Мессияс!»

Сыр шундэ мануша одолэ кай сыс одой, явнэ дэ бари холы, со закэрдэ кана и дрыван загодлынэ, чурдынэпэ пэ Стефаностэ. Ёнэ вылыджинэ лэс форостыр и лынэ тэ чурдэ дэ лэстэ бара, поки ёв на мэя.

Сыр Стефанос домарэнас барэнса, ёв ракирдэлас: «Иисус, прылэ миро духо!» Тэнче тэрдыя пэ чанга, и дрыван прогодлыя: «Иисусо, на гин лэнгэ адава бэзэх!» Пхэндя далэ лава и мэя.

Дэ долэ дэвэса бут манушэн до Иерусалимо лынэ тэ традэн ученикэн Иисуса, пал дава патянкунэ роспрастандынэ дэ Иудея и Самария. Нэ, надыкхэнас со лэн традэнас, ёнэ всаек роспхэнэнас пал Иисусостэ одой кай ёнэ исыс.

Кэ апастолы явья мануш савэс кхарэн Филипп тэ подрикирэл лэн. Ёв дякэш настя с Иерусалима, сыр, авир ученики. Филипо гия дэ Самария, одой роспхэнэлас манушэнгэ пал Иисусостэ. Бут мануша патяндынэ лэскэ и исыс зарахлэ. Екфар кэ Филиппо явья Дэвлытко ангело и прыпхэндя лэскэ тэджял пир дром кай нанэ манушэн. Филиппо дякэ и кэрдя. Сыр ёв джялас пирэ дава дром то дыкхья манушэс, саво традэлас по вурдэн. Ада исыс патывало баро мануш с Эфиопии. Свэнто Духо пхэндя Филиппоскэ, соб ёв тэ поджял кэ дава мануш и тэ поракирэл лэса.

Филипо подгия кэ вурдэн и шундя, сыр эфиопо гинэлас Дэвлэско Лав. Ада исыс лава пророкоскирэ Исаии: «Ёнэ лыджянас Лэс, сыр бакрорэс тэ умарэ. И сыр бакраро штыл, дякэ и ёв нэ пхэндя ни лав. Ёнэ УНИЗИЛИ Лэс, прылынэ кэ ёв нанэ чачуно сэндо и залынэ Лэстэр джюипэн»

Филипо пуча кэ эфиопо: «Ту полэс одова, со гинэс?» Эфиопо пхэндя лэскэ: «Нат. Мэ на полава, сыр мангэ никон на роспхэнэла. Мангав тут, подгадыпэ и бэш паш мандэ. Исая чинэлас пал пэстэ чи пал вариконэстэ авирэстэ?»

Филиппо бэстя до вурдэн и роспхэндя эфиопоскэ, со Исая чинэлас пророчество пал Иисусустэ. Филиппо дякэж роспхэндя пал авир штэты дэ Дэвлэско Лав, передыя одолэ манушэскэ Лачё Лав пал Иисусостэ.

Филиппо и эфиопо проладэнас пашэ паны. Эфиопо пуча: «Подык, гэна паны. Со надомэкэл ман тэ болэпэ?» Филипп пхэндя лэскэ: «Сыр ту патяс сарэ илэстыр, то кэр дава». Эфиопо пхэндя: «Да, мэ патяв, со Иисусо— ада Чаво Дэвлэско» Тэнче ёв припхэндя тэ тэрдякирэн вурдэн.

Ёнэ загинэ до паны, Филиппо болдя эфиопос. Сыр ёнэ выгинэ панестыр, Свэнто Духо перелыджия Филиппос пэ авир штэто. Одой Филиппо дурэдыр роспхэнэлас манушэнгэ пал Иисусостэ.

А эфиопо традыя кхэрэ. Ёв сыс бахтало долэстыр, со уджиндя пал Иисусостэ.

Библейская история из Деяний святых апостолов 6:8-8:5; 8:26-40