18. Дэвэл розчиндя царсво пэ дуй котыра.

Давидо сыс царёса 40 бэрш. Сыр ёв мэя дэ Израилё ача хулай лэскиро чаво Соломоно. Дэвэл пуча кэ Соломоно, со ту камэс бутыр сарэстыр. Соломоно мангья кэ Дэвэл тэ дэл лэскэ годы, соб ёв тэ рукавадит манушэнса. Дава покамняпэ Дэвлэскэ, Ёв кэрдя со Соломоно исыс само годявир мануш дэ свэто. Мало дова, со Дэвэл кэрдя Соломонос годявирэса хуласа, Дэвэл кэрдя лэс дрыван барвалэса.

Дэ Иерусалимо Соломоно кэрдя Кхэр Дэвлэско, саво камня тэ кэрэл лэско дат Давидо. Сыр Давидо сыс джидо то скэдыя саро со сыс трэби соб тэкэрэ Дэвлэско Кхэр. Кана мануша поклонинэнпэ Дэвлэскэ и янэн Лэскэ жэртвы до Кхэр, а нанэ дэ Шатра Собрания. Дэвэл исыс дэ Кхэр и исыс пэскирэ манушэнса.

Соломоно и сыс годявир, нэ ёв на кандыя Дэвлэс, и лыя тэ лэл пал пэстэ ромнэн авирэ родостыр, савэнса Дэвэл пхэндя тэ накэрэ бьява. Бут джювля яндэ пэса пэскирэн дэвлэн и поклонинэнаспэ лэнгэ. А сыр Соломоно пхурия, ёв ача тэ поклонинэпэ лэнгирэ дэвлэнгэ.

Пал дава Дэвэл холясыя пэ Соломоностэ и пхэндя, со Ёв разделит израильсконэн манушэн пэ дуй царства. И кэрэла ада сыр мэрэла Солмоно.

Сыр Соломоно мэя, то царёса тэрдыя лэскэ чаво Ровоамо. Сарэ Израильска мануша сткэдынэпэ кэтанэ, соб тэ прижинэ лэс царёса. Мануша пхэндэ Ровоамоскэ, со ёнэ кэрэнас пхари буты кэ Соломоно и покинэнас лэскэ бут ловэ. Ёнэ помангнэ Ровоамос тэ на дэл лэнгэ пхари буты.

Нэ Ровоамо пхэндя лэнгэ: «Тумэ ракирэн, со кэ миро дат Соломоно тумэ кэрэнас пхари буты. А мандэ тумэ лэна тэкэрэн ще пхарэдыр и наказывать тумэн лэна дрыванэдыр, чем кэ миро дат!»

Сыр шундэ мануша адала лава, бут манушэн лэндыр гинэ против Ровоамостыр. Дэш роды Израиля на закамнэ тэпрынэ лэскиро лав и тэ прылэ лэс пэскирэ царёса. Ровоамоса ачнэпэ дуй роды, савэ лынэ тэкхарэпэ царство Иуды или Иудеей.

Авир дэш роды выкэдынэ пэскэ царёс манушэс савэн кхарэн Иеровоам, адалэ дэш роды дживэнас пэ сэвэрно боко свэто. Ёнэ лынэ тэ кхарэпэ Царсво Израиля.

Царё Израилёско, Иеровоамо, исыс нанэ лачё царё. Ёв на кандэлас Дэвлэс и сыклякирэлас манушэн тэ дживэн до бэзэх. Иеровоамо тчидя ваш пэскирэнгэ манушэнгэ дуен идалэн, и мануша бутыр на пхирэнас дэ Иерусалимо, саво исыс пэ пхув Иудеи, и на поклонинэнаспэ Дэвлэскэ дэ Лэско Кхэр.

Иудея и Израиль кошэнаспэ бут молы и марэнаспэ машкир пэстэ.

Дэ нэво царство Израиля сарэ цари исыс нанэ лачэ хулая. Бут лэндыр исыс умардэ авирэнса израильтятэнса, савэ камнэ тэ тэрдё пэ лэнго штэто царенса.

Сарэ цари и бут манушэн савэ дживэнас дэ царство Израиля поклонинэнаспэ идалэнгэ. Лэнгиро поклонения исыс дэ бэзэх а исыс дасаво со янэнас чёворэн дэ жэртва идалэнгэ.

Цари Иудейска исыс родо Давидоскиро. Нанэ бут адалэ царендыр исыс лаче мануша, сыс чачунэ хулая и поклонинэнаспэ Дэвлэскэ. Нэ бутыр царен Иудеи исыс нанэ лачэ хулая и поклонинэнаспэ идалэнгэ. Варисавэсь адалэ цари янэнас пэскирэн чаворэн дэ жэртва хоханэ дэвлэнгэ. Бут манушэн савэ дживэн дэ Иудэя поклонинэнаспэ авирэ дэвлэнгэ, адалэса ёнэ джянас против Дэвлэстэ.

Библейская история из 3 Царств 1-6; 11-12