22. Рождение Иоана

Палатунэ бэрша Дэвэл ракирэлас Пэскирэнса пророкэнса, соб ёнэ тэпиридэн Лэскирэ лава манушэнгэ. Нэ тоди явнэ 400 бэрш штылыпэн, дэ далэ бэрша Ёв ничи на ракирэлас манушэнгэ. И Дэ ек дэвэс Дэвэл бичядя ангелос ко рашай савэс кхарэнас Захария. Захария и лэскири ромны Елисавета полэнас Дэвлэс. Сарэ дуй ёнэ ужэ исыс пуранэ и лэндэ на исыс чаворэн.

Ангело явья кэ Захария, коли ёв служил дэ Храмо, и пхэндя: «Кэ тэри ромны бианэлапэ чаворо. Ту прокхарэса лэс Иоаноса. Дэвэл чувэла дэ лэстэ Свэнто Духо, и Иоано приготовит манушэн кэ дова сыр явэла Мэссия»! Захария пхэндя: Сыр мэ тэджинав кай адава явэла? Амэ ромняса дрыван пуранэ, соб амэндэ тэявэн чаворэ! «

Ангэло пхэндя лэскэ: Ман бичядя Дэвэл, соп тэроспхэнав тукэ пал ада лачи новость. Пал одова со ту на патяндыян дэ дава, ту явэса тэракирэс кэ дова сыр бианэлапэ чаворо». И Захария сразу пириачья тэракирэл. Ангело угия, а Захария рисия кхэрэ. Сыго лэскири ромны запхария.

Коли Елисавета исыс пэ шосто чён пхари, одова жэ ангело явья кэ родцвеница Еласавитаки саве кхарэнас Мария. Мария сыс чаерьяса, засватано пало манушэстэ савэс кхарэнас Иосифо. Ангело пхэндя: «Ту явэса пхари бианиаса чаыорэс. Кхар Лэс Иисусо. Ёв явэла Чаво Дэвлэскиро и явэла править вечно».

Мария пхэндя лэскэ: «Сыр адава явэла, мэ ромэс на джинав? Ангело ракирэл: кэ ту явэла Духо Свэнто, Дэвлэскири зор зджяла пэ тутэ. Пал одова младенцо явэла свэнто, Ёв явэла Дэвлэскирэ Чавэса». И Мария патяндыя долэскэ, со пхэндя ангело.

Сыго после адава Мария гия тэподыкхэл Елисавета. Сыр токи Мария поздоровалась ласа, чаворо Елисаветако злошалыя и замардяпэ дэ латэ. Свэнто Духо сгия пэ Елисаветатэ, и ёй полыя, со пашэ латэ тэрды дай Мессияско саво явэла. Джувля исыс лошалэ и благодарили Дэвлэс пал одова, со Ёв кэрдя ваш лэнгэ. Мария появья кэ Елисавета трин чёна, и рисия кхэрэ.

Прогия кое саво время Елисавета биандя чаворэс. Захария и Елисавета кхардэ чаворэс Иоанноса, сыр пхэндя лэнгэ ангело. И Дэвэл кэрдя со Захария заракирдя. Захария пхэндя: «Славлю Дэвлэс пал одова, со Ёв явья кэ пэскирэ мануша и зрахья лэн! Ту миро чаво явэса Дэвлэскирэ пророкоса. Ту роспхэнэса манушэнгэ пал одова сыр мануша явэна прощена пэскирэ бэзэхэндэ! «

Библейско история от Луки глава 1