35. История о потерянном сыне

Екхварка Иисусо сыклякирэлас манушен, савэ скэдэнэпэ лэс тэпошуне. Лэндэр исыс сборщики налогов и явир мануша, савэ на джувэнас пирэ законо Моисеёско, и палодова лэн гинэнас грешникэнса.

Фарисеи и учители пиро законо удэкхнэ, со Иисусо ракирэлас одолэ манушенса сыр пэскирэнса. Палодова ёнэ лынэ тэхолясон и тэ ракирэн ек екхэскэ: Ёв кэрэл накучь, Ракирэл грешнонэ манушенса и хал лэнса и пьел. Иисусо ушундя со ёнэ ракирэн и роспхэндя лэнгэ дасави история:

Кэ ек манушь исыс дуй чавэ. Екхварка тэкнэдыр чаво пхэндя пэскире дадэскэ: Дадо, мэ камав тэлав пэскиро наследство дадэвэс! Тэнче дад разделил пэскиро имущество ангил пэскирэ чавэндэ.

Тэнче тэкнэдыр чаво залэя саро, пэскиро наследсто, и угия дурал дэ явир форо, кай роскэрдя сарэ ловэ пэ джуипэн до бэзэха.

Сыго дэ дова форо кэрдяпэ баро букхалэпэн, а лэстэ наочадяпэ ловэ похабэн. Пало дова ёв гия бутярнэса тэ дыкхэ пало балычендэ. адай исыс ек буты, сави ёв попэя. Ёв дрыван камэлас тэха, со камья тэха дова со дэнас балыченгэ, нэ и адава лескэ на дэнас.

Тэнче, тэкнэдыр чаво пхэндя пэскэ: Со мэ кэрав? Кэ миро дад бут бутярнэн, и сарэ ёнэ хан ичалён, а мэ адай мэрав букхатэр. Рисёвава кэ дад и мангавапэ кэ ёв бутярнэса.

И тэкнэдыр чаво гия палэ дэ дадэско кхэр. Исыр ёв исыс ещё дур, дад удыкхья лэс и зарондя пало лэстэ. Ёв прастандыя кэ пэскиро чаво, облыя лэс и чамундя лэс.

Чаво пхэндя: Дадо, мэ кэрдём бэзэх ангил Дэвлэстэ и тутэ. Мэ на молав тэ явав тэрэ чавэса.

Нэ дад пхэндя пэскирэ бутярнэнгэ: Сыгыдыр джантэ янэнтэ самохэдыр идя и уренте мирэ чавэс! Уренте ангрусны пэ лэскиро васт и тэрах по гэра. Тэнче зачинэнте лаче гуровэс. Амэ явасам тэгулинас и кэрасам свэнко, палодова кай миро чаво исыс муло, нэ кана ёв джидо! Ёв исыс хаскирдо, а кана попэяпэ!

И сарэ лынэ тэ кхэлэн и тэ гулинэн. Сыго пхурыдыр чаво явъя кхэрэ полёстэр, кай ёв кэрэлас буты. Ёв ушундя гиля и кхэлэбэн и, подкхардя екхэ бутярнэс, и пучья, со одой кэрдяпэ.

Сыр пхурэдыр чаво уджиндя, со до кхэр свэнко, палодова кай лэскиро пшал рисия, ёв дрыван холясыя и на загия до кхэр. Дад выгия и мангэлас лэс тэзаджял, соб тэкхэлэл пэ да свэнко лэнса кай рисия чаво, нэ дова отпхэндяпэ.

Пхурэдыр чаво пхэндя дадэскэ: Всарэ адалэ бэрша мэ патывалэс кэравас пэ тутэ. Мэ кандавас тут, нэ ту николи на дэсас мангэ и екхэ тэкнэ бакрорэс, соб мэ тэкхэлал свэнко пэскирэ друзенца. А адава чаво роскэрдя тэрэ ловэ пэ джуипэн до бэзэха. Кана ёв рисия кхэрэ, и ту зачиндя лаче гурувэс, соб тэкэрэ свэнко!

Дад пхэндя: Чаворо, ту исыс манса, и саро со мандэ, - тэро. Амэ кэрас дяке сыр трэби, кай кэрас свэнко. Палодова кай тэро пшал исыс муло, а кана ёв джидо. Ёв исыс хаскирдо, а кана попэяпэ!

Библейская история из Евангелия от Луки 15:11-32