4. Завето Дэвлэско Аврамоса

Прогия бут бэрш посли потопо до свэто исыс бут манушэн, и ёнэ всаек исыс захалэ и кэрэнас бэзэха ангил Дэвлэстэр и ангил манушэндэ. Тэнче сарэ мануша ракирэнас пэ ек чип. И сыр Дэвэл пхэндя манушэнгэ тэдживэ пир сари пхув, ёнэ, накандынэ, а скэдынэпэ кэтанэ и прылынэпэ кэ буты тэ кэрэ форо.

Мануша исыс дрыван пхуткирдэ. Ёнэ на камэнес тэ шунэ Дэвлэс и тэ дживэ дякэ сыр Ёв ракирэл. Ёнэ ищё лынэ тэ кэрэ бари башня кэ само болыбэн, соб тэ гадэ пэско лав и тэ нарозджяпэ пэрсаро свэто. Дэвэл удыхья, со если ёнэ авэна и дурыдыр тэкэрэн пэскиро налочё дело, то скэра пэ бут бутыр бэзэха.

Тэнче Дэвэл парудя ек чип манушэнги пэ бут авирэ разна чиба и росчудя манушэн пир саро свэто. Форо саво ёнэ лынэ тэ кэрэ, прокхардэ Вавилоно, со значить «сарэ кэтанэ».

Прогия дрыван бут бэрш Дэвэл обратился кэ мануш савэс кхарэн Аврам. Дэвэл пхэндя лэскэ: «Ачав пэскиро форо и пэскирэн манушэн и джя пэ пхув, сави Мэ сыкава тукэ. Мэ дава тукэ бах и тутэр джяла баро родо. Мэ гадава тыро лав упрэ. Бахтало авэла кон благословит тыро лав, и бибахтало авэла кон проклининэла тут. Сарэ мануша пэ Пхув авэна бахталэ чэрэз тутэ».

Аврамо кандыя Дэвлэс. Ёв лыя пэскирья ромня Сара, сарэн пэскирэн бутярнэн, саро со лэскиро исыс, и гия дэ Ханаано – пхув, сави сыкадя лэскэ Дэвэл.

Сыр Арамо явья дэ Ханаано. Дэвэл пхэндя лэскэ: «подык пэ кадая пхув. Мэ Дава тукэ ла сари и тэрэ родо авэна хулаенца пэ латэ вечно». Тэнче Аврамо дживэлас пэ адая пхув.

Одой Сыс мануш савэс кхарэнас Мелхиседеко- рашай Барэ Дэвлэско. Екхвар посли марибэн и сыр ёнэ залынэ пэскирэс племяникос пленостыр Аврамо дыкхьяпэ Милхисидекоса. Ёв благословиндя Аврамос и пхэндя: «Мэк Баро Дэвэл, Саво хулай до болыбэн и пэ пхув, дэла тукэ бах Аврамо!» Тэнче Аврамо дыя Милхисидекоскэ дэшитко доля сарэстыр, со лэстэ исыс.

Прогия бут бэрш, нэ кэ Аврама и Сара на сыс чаворэн. Дэвэл заракирдя кэ Авравмо и пхэндя со лэстэ авэла чаво и баро родо, кицы чэргэня до бовлыбэн. Аврамо патяндыя дэ Дэвлэскирэ лава, и Дэвэл пхэндя со Аврамо чачуно пал дова, со ёв патяндыя дэ Лэскирэ Лавэскэ.

Тэнче Дэвэл кэрдя договоро Аврамоса. Бутыр сарэс договоро кэрэлпэ дуенца манушэнца, савэ доракирэнпэ машкир пэстэ тэкэрэн кажно пэски буты. Но адава моло Кокоро Дэвэл доракирдяпэ Аврамоса и дыя лав, со лэстэ латхэлапэ чаво, саво и явэла наслэднико кэ Аврамо. Дэвэл дякэж дэ дава договоро, отдыя пхув Ханаан родоскэ Аврамоскирэскэ. Тэнче до суно Дэвэл сыкадя, со авэла родоса Аврамоскирэса. Посли дава прогия бут бэрш, нэ кэ Аврамо на сыс чавэс.

Библэйско история с Бытия 11-15