34. Иисус учит людей, рассказывая им разные истории

Иисусо роспхэнэлас бут разна истории палэ Дэвлэскиро Царство. Ёв ракирэлас: Дэвлэскиро Царство сыр горчично зёрно, саво манушь посадил пэ пэскиро полё. Ту мэн джинэн со горчично зёрно - и сын само тэкнэдыр сарэндэр.

Нэ сыр горчично зёрно выбаръёл, ёв ачел учидыр сарэндэр, кэрэл пэ дрыван баро дэмбо со птицы явэн и кэрэн пэ лэскирэ ветки пэскэ гнёзды.

Иисусо роспхэнэлас ещё ек история: Дэвлэскиро Царство сыр закваска сави джувлы чувэл дэ яржо и закваска гадэл саро яржо.

Адякэ же Дэвлэскиро Царство сыр сунакай саво исыс загарадо пэ полё. Ек манушь попэя адава сунакай и лэскэ закамьяпэ тэлэ лэс пэскэ. Пал адова ёв загарадялэс соп никон тэ напопэрэл. А тэнче лошало со попэя гия бикиндя саро со лэстэ исыс и киндя адава полё кай исыс загарадо сунакай.

Ещё Дэвлэскиро Царство сыр торговцо, саво родэлас жемчуго. Сыр ёв попэян дрыван дрого жемчужина, то гия и бикиндя саро. со кэ ёв исыс, и киндя ла.

Дэ толпа, сави пхерэлас палэ Иисусостэ, исыс мануша, савэ гинэнас пэс кай ёнэ правидна мануша, пало дова кай ёнэ кэрэнас лаче делэ. Иисусо роспхэндя ваш лэнгэ адасави история: Дуй мануша явнэ ду кхангири тэ помангэпэ. Ек лэндэр исыс сборщико налогов, а явир - фарисеё.

Фарисеё мангэласпэ адякэ: Дэвэл, наис Тукэ палодова со мэ нанэ грешно, сыр явирто мануша: чоребнари, хоханэ, здымария, или сыр кадава сборщико налогов.

Мэ рикерав посто дуй молэ пэ курко, отдав Тукэ дэшто часть мирэ ловэндэр и сарэстэ со мандэ исы.

А сборщико налогов тэрдёлас дурэдыр фарисиёстэр. Ёв ладжятэр нагадэлас якха кэ болыбэн, нэ марэлас пэс дэ колын и мангэлас пэ: Дэвла, мангав, зракх ман, палодова кай мэ грешно манушь.

Иисусо пхэндя: Ракирав ту мэнгэ, со Дэвэл погинэла правиднонэса сборщикос налогов, а на фарисиёс. Палодова со, кон чувэл пэс учедыр явирэ муншендэр одова явэла обмэкло, а кон чувэл пэс обмэклэса авирэндэр явэла подгадыно.

Библейская история из Евангелия от Матфея 13:31-33, 44-46, Евангелия от Марка 4:30-32 и Евангелия от Луки 13:18-21; 18:9-14