17. Завето Дэвэлэско Давидоса

Перво царё сыс до Израилё Сауло. Ёв сыс вучё браво и чалёлас манушэнгэ. Перва бэрша ёв исыс лачё царё до Израилё. Нэ дурыдыр ёв ача захало и пирьяча тэ шунэл Дэвлэс. Пал дава Дэвэл выкэдыя авирэс манушэс царёса пэ лэско штэто.

Дэвэл выкэдыя тэрнэс манушэс из Израиля лэс кхарэн Давидо кэрдя саро, соб ёв тэ авэл царёса посли Саулостэ. Давидо сыс пастухо форостыр Вифлеем. Сыр ёв ракхэлас бакрэн дадэскирэн, лэскэ прыджяласпэ тэ умарэ и львос и медвидёс, савэ чурдэнаспэ пэ бакрэндэ. Давидо сыс патывало и чачуно мануш. Ёв патялас Дэвлэскэ и кандэлас Лэс.

Сыр Давидо исыс тэрнинько, ёв мардяпэ дрыван барэса манушэса савэс кхарэн Голиафо. Ёв исыс зороло и джиндя сыр трэби тэ марэпэ, вучипэн лэско сыс гин трин метры! Нэ Дэвэл дыя Давидоскэ тэумарэ Голиафос и тэ заракхэ Израилё. Тэнче Давидо лыя бут победы врагэндыр Израиля. Ёв лыя куч тэ марэпэ и бут молы лыджялас манушэн Израиля тэ марэпэ врагэнса. Давидо чалёлас израильтянэнгэ, и ёнэ шарэнас лэс.

Мануша дякэ камнэ Давидос, со Саулос ада захалас и ёв дарэлас со Давидо тордёла пэ лэско штэто. Тэнче Сауло закамья тэ умарэ лэс, и Давидо настя дэ пустыня, одой гаравэласпэ Саулостыр и лэскирэ манушэндыр. Еквар Сауло Пэскирэ манушэнса родэлас Давидос. Ёв загия дэ ПИЩЕРА кай гаравэласпэ Даывидо, нэ ёв на удыкхья лэс. Давидо подгия кэ ёв палал и отчиндя лэскирэ идятыр наборо котыр. Сыр, Сауло отгия пищератыр, Давидо загодлыя Саулоскэ и сыкадя лэскэ котыр саво лэстэ сыс до васта. Дякэ Сауло полыя, со Даввидо, на умардя лэс, ваш доватэ соб тэавэ царёса, хотя ёв мог дава тэ кэрэ.

Прогия набут дэвэса и Сауло хасия дэ марибэн, И Давидо тэрдыя царёса Израиля. Дэвэл благословлял Давидос дэ саро со ёв кэрэлас. Ёв исыс лачэ царёса, и манушэнгэ ёв чалёлас. Давидо марэласпэ бут молы, и Дэвэл дэлас лэскэ тэ выкхэлэ кэ враги Израилёскирэ. Ёв марэласпэ пало Иерусалимо и кэрдя лэс барэса фороса, кай ёв дживэлас и исыс хуласа пэ дая пхув. Давидо сыс царёса 40 бэрш. Сыр Давидо сыс хуласа пэ пхув, Израиляё ача зорало и барвало.

Давидо камня тэ кэрэл кхэр ваш Дэвлэскэ, кай сарэ израильтяне тэ поклонинэнпэ Дэвлэскэ и тэ янэнас Лэскэ жэртвы. Кэ дава, 400 бэрш, мануша поклонинэнаспэ Дэвлэскэ и янэнас Лэскэ жэртвы дэ Шатра Собрания, саво кэрдя Маисеё.

Дэ дола дэвэса дживэлас ек пророкоо савэс кхарэнас Нафан. Дэвэл битчадя лэс кэ Давидо дасавэнса лавэ нса: «ту на кэрэса Дэвлэскэ Кхэр ваш Мангэ, пал дава со ту бут марэсаспэ. Лэс кэрэла тэро чаво. Нэ Мэ тукэ дава бут саро. Ек тэрэ родостыр авэла вэчно хуласа Мирэнса манушэнса!» Ек родостыр Довидоскирэсрыр, саво авэла вэчно хулай. — ада Мессия. Мессия — ада Выкэдымо Дэвлэса. Саво заракхэла манушэн сарэ свэтостыр лэнгирэндыр бэзэхэндэр.

Сыр Давидо шундя лава Нафаноскирэ, ёв пхэндя Дэвлэскэ наис и прославиндя Лэс пал дова, со Ёв дыя Давидоскэ бари патыв и дыя лэскэ бут благословения. Давид на джиндя, Дэвэл кэрэла со пхэндя. Нэ, амэ джинас, со израильтянэнгэ трэби сыс бут тэ дужакирэн сыр явэла Мессия — гин 1000 бэрш.

Давидо бут бэрш исыс лаче хуласа кэ пэскирэ мануша. Ёв кандэлас Дэвлэс, и Дэвэл благословлял лэс. Нэ тэнче Давидо кэрдя баро бэзэх ангил Дэвлэтыр.

Еквар Давидо подыкхья пэскирэ дворэстыр и удыкхья бравона джювля, сави морэласпэ. Ёйв на джиндя ла, нэ пуча пал латэ кэ пэскирэ бутярнэ, и лэскэ пхэндэ, со ла кхарэн Вирсавия.

Давидо на отрисия латыр, а бидчадя пал латэ бутярнэн. Ёв пирисутя ласа, и отбичадя ла кхэрэ, прогинэ дэвэса и Вирсавия пиридыя Давидоскэ, со ёй пхари.

Вирсавия сыс палэром пал манушэстэ савэс кхарэн Урия. Ёй исыс хвэдыр мануш саво марэлпэ кэ Давидо. Дэ дола дэвэса Урия марэласпэ пэ война. Давидо кхардя Уриёс войнатыр и припхэндя лэскэ тэ джял кэ пэски ромны. Нэ Урия отпхэндяпэ тэджя кхэрэ тэ пасё, сыр авир мануша марэнпэ пэ война. Тэнче Давидо бичадя лэс палэ пэ война и припхэндя барыдырэ манушэскэ, соб лэс тэ тчивэн одорик, кай марэнпэ дрыванэдыр сарастыр, соб Урия тэ мэрэл. Дякэ и исыс: Урия мэя дэ марибэн.

Сыр Урия мэя. Давидо лыя пал пэстэ Вирсавия. ёй яндя лэскэ чавэс. Дэвэл дрыван холясыя пэ Давидостэ пал дава со ёв кэрдя. Ёв бичадя кэ Давидо пророкос Нафанос, соб ёв т эпхэнэл лэскэ, сыр баро лэско бэзэх. Давидо мангъя кэ Дэвэл прощэнье, пал пэскиро бэзэх, и Дэвэл простиндя лэс. Тэнче Давидо саро джюипэн джялас пал Дэвлэстэ и кандэлас Лэс, и сыр исыс лэстэ пхарэ дэвэса, ёв всаек патялас Дэвлэскэ.

Нэ чаво Давидоско мэя цыкнорэса. Дякэ Дэвэл мардя Давидос. Пэ Давидостэ гадынэпэ мануша лэскирэ семьятыр, и адава исыс пока ёв на мэя. Лэскиро лав пирьячнэ тэ полэ. Хоч Давидо накандыя Дэвлэс, нэ Дэвэл исыс чачуно и кэрэлас о дова со пхэндя Давидоскэ. Тэнче кэ Давидо и Вирсавия латчапэ ек чаво, ёнэ кхардэ лэс Соломоно.

Библейская история из 1 Царств 10; 15-19; 24; 31; 2 Царств 5; 7; 11-12