29. Роспхэнэлпэ пал нанэ ковло ило бутярнэско

Екхвар Петро пуча кэ Иисусосо: «Учителё, скитцы молы мэ трэби тэ простинав мирэс пшалэс, сыр ёв кэрэл бэзэх пэ мандэ? Ефта молы?» Иисус пхендя: «На ефта молы, а ефтадэшь молы по ефта!» Иисус ракирэлас, со амэ трэби тэ простинас сарэн бут молы. Тэнче Иисусо роспхэндя дасави история.

«Дэвлытко Царсто счурдэлпэ сыр царё, саво закамья, соб лэскирэ бутярнэ тэвыпокинэн лэскэ сарэ пэскирэ бангипэна. Ек бутярно сыс бут банго 200 000 бэрш трэби тэкэрэ буты соб тэ отдэ бангипэн.

Дякэ сыр кэ бутярно на сыс со тэ отдэ, царё пхэндя: «Бикнэн дэ рабы, адалэс манушэс и лэскири семья, соб тэ отдэ бангипэн».

Тэнче бутярно пэя ангил царёстэ пэ чанга и лыя тэ мангэл лэс: «Подужакир мангэ, и мэ выпокинава саро, со тукэ банго». Царёстэ росковлыя ило и ёв пхэндя «Натрэби тукэ тэ рискирэ бангипэн мэ лэс тукэ простинав».

Сыр бутярно выгия царёстыр, ёв удукхья авирэс бутярнэс, саво сыс банго лэскэ. Адава бангипэн сыр покинэн пало штар чёна буты. Бутярно вхтылдя лэс поло колын и пхэндя «Оддэ мангэ мирэ ловэ, савэ ту мангэ банго! «

Одова пэя лэскэ пэ чанга и лыя тэ мангэл лэс: «Подужакир мангэ набутка, и мэ отдава саро, со мэ тукэ банго» Нэ ёв чурдыя лэс до бэшибэн, и пока одова на оддэла саро бангипэн.

Авир бутярнэ удыкхнэ, со кэрдяпэ, и лэнгэ адава на чалыя. Ёнэ гинэ кэ царё и саро роспхэндэ лэскэ.

Тэнче царё кхардя долэс бутярнэс и пхэндя: Ту захало бутярно! Мэ простиндём тукэ бангипэн, пал дова со ту мангьян ман дрыван. Соскэ ту накэрдян дякэж. «Царё росхолясыя, и чурдыя лэс захалэс бутярнэс до бэшибэн, пока ёв на оддэла саро пэско бангипэн».

Иисусо пхэндя: «Адякэ кэрэла Миро Болыбнытко Дат, сарэнса кон на простинэла пэскирэн пшалэн сарэстыр илэстыр».

Библейская история из Евангелия от Матфея 18:21-35