5. Mwikhula Yalaakwa

Mihika likhomi Aburamu nende Sarai ni vatuukha mu Kanaani vali nivashili khunyola mwana tawe. Khu mukhali wa Aburamu, Sarai, yamuvolela, ''Shijila Nyasaye ashili khuhujilila mbee nende vana, ninzi nasakhuli ukhanyola vana tawe, murukwa wanje uyu, Hagari. Muhili khandi anyala khunyolela mwana.''

Khu Aburamu ya hila Hagari. Hagari yanyola mwana muyayi, na Aburamu yamukulikha Isimale. Nikhali Sarai ya lolela Hagari imbalikha. Lwa Isimale yatushitsa mihika likhomi na chivaka Nyasaye ya lomolomela Aburamu khandi.

Nyasaye yavola, ''Ndi Nyasaye Wuvunyali. Nalomba lilakanu nende ivi.'' Malelo Aburamu ni yinama hasi. Nyasaye khandi yavolela Aburamu, ''Walava yise wi tsimbia tsinyishi. Naha ivi nende vitsikhulu vovo shivala shia Kanaani, khu mihika ni mihika. Khutukha usheve mundu musatsa wosi uli mu vandu vovo.

''Mukhali wowo, Sarai, alanyola mwana wi shiyayi- alava mwana wi shiyayi yalaagwa. Umukulishi Isaka. Nalomba lilakana naye na alava luyia lukali. Isimale khandi alava luyia lukali nikhali lilakana lianje lia lava nende Isaka.'' Malelo Nyasaye na kalukhanyinya lira lia Aburamu khuva Aburahamu, livolanga ''tata wa vanyishi.'' Nyasaye khandi yakalukhannya lira lia Sarai khuva Sarah, livolanga ''nyina wa vanyishi.''

Litukhu lia Abrahamu yasheva vasatsa vosi vali munzu mwemwe. Muhika mulala nu kwa khavira, Abrahamu yali ni mihika100 na Sarah yali ni mihika 90, Sarah yivula mwana wa Aburahamu wi shiyayi. Vamukulikha Isaka khuli Nyasaye yali na vavolele vakhole.

Lwa Isaka yali muyayi muvukha, Nyasaye yacheliza lisuvila lia Aburahamu khu lukhu muvolela, ''Vukula Isaka mwana wowo mulala umwiri khuli shihanwa shu musango.'' Abrahamu khandi yahulila mwami nyasaye narechekha khuhana mwana wewe wi shiyayi.

Aburahamu na Isaka ni va tsitsanga ha shihanwa shisambilwangwa, Isaka yareva, ''Tata khuli nende tsikhuyi tsi shihanwa na likondi lili hena?'' Aburahamu yamukalushitsa, ''Nyasaye alahana likondi mwana wanje.''

Lwa vatukha ha vundu ha vasambila shihanwa, Aburahamu yavoha mwana wewe Isaka na mwalishitsa khu vwali. Yali hambi khumwira Nyasaye navola, ''Lekha wakhasaliliza muyayi tawe. Khu na khamenya waria inzi shijila wenyi khuhana mwana wowo mulala.''

Himbi naye Aburahamu yalola imbuli ikhole mu shisakha. Nyasaye ya hana imbuli khu ilombwi musango havukono wa Isaka. Aburahamu nuvuyanzi ya samba imbuli khuli shihanwa.

Malelo Nyasaye navolela Abrahamu, ''Shijila wenyie khumba vuli shindu khali mwana wowo wi shiyayi mulala, ndaaga khu khukasitsa. Vitsikhulu vovo valashila tsinyininyini ziu mwikulu. Shijila umbele luyali, zinzu ziosi zilakasitswa khuvirila khu inzu yoyo.''

Lukanu lwi Vanjeli khurula: Liraanga 16-22