29. Lukanu lu Muhinzili Uvula Tsimbavasi

Litukhu lilala Petelo yareva Yesu, ''Mukhongo na makhavi kanga kenyekha mbele amwavo wanje ukholelanga vwoni? Makhavi saba? ''Makhavi saba tawe, nikhali makhavi makhomi saba khali saba!'' Khu lwa yako Yesu yamenyinya kenyekha vuli lwosi khuvelelane. Malelo Yesu navola lukanu yulu.

Yesu yavola, ''Vwamihi vwa Nyasaye vuli menye mwami wenya khu leshela vahinzili makovi ka vali nako. Mulala khu vahinzili veve yali nende likovi likali liakhatushi murungu kwekwe kwi mihika 200,000.''

''Shijila muhinzili shi ya khanyalizi khurunga likovi tawe, mwami yavola, 'Kulitsa mundu wuyu nende vandu veve khuli varumwa khulelo arunji likovi lielie.'''

''Muhinzili yakwa khu masikamo imbeli wu mwami navola, 'Nuyanza ikhutsilikhu nende inzi na nzitsa khukhurunga likovi liolio liosi lia ndi nalio.' Mwami yalolela muhinzili tsimbavasi, khu yamuleshela likovo liosi namulakhula.''

''Nikhali lwa muhinzili yarula wa mwami yali, yanyola muhinzili weshie wali nende likovi lielie litushi murungu ku vuhinzili vwi mweli chinne. Muhinzili yachimila weshie, namuvolela ndunga likovi lianje lia uli nalio!'''

''Muhinzili weshie yakwa khu masikamo navola, 'Nuyanza ikhutsili nakhurunga likovi liolio liosi liandi nalio.' Nikhali muhinzili yavikha muhinzili weshie mukari khutukha lwa haana likovi lielie liosi.''

''Vahinzili vandi va sumbulwa hakali lwa valola shia kholekha. Khu vatsia khu mwami ni va muvolela vuli shindu.''

''Mwami ya langa muhinzili woyo navola, 'Ivi muhinzili mwoni! Na khuvelele likovi shijila wa mbomba. Khali ivi wakhakholi urio.' Mwami ya mulechela munonono na vikha muhinzili mwoni mukari khu tukha lwa ya kharunji likovi lielie liosi.''

Malelo Yesu navola, ''Nindi Tata wu mwikulu alikholela vuli mulala khu munyi ukhavelanga amwavo wewe khurula mu mwoyo.''

Lukanu lwi vanjeli khurula: Matayo 18:21-35