43. Likanisa Liranji

Yesu ni ya kha kalukha mwikulu, veechi va menya mu Yerusalemi khuli yali ni ya va volela vakhole. Vasuvila vi vunjelitsa ha lala nu khusala

Vuli muhika, matukhu 50 Ipasaka ni yakhavira, Vayahudi va sangalila litukhu likhongo li langwangwa Pentekote. Pentekote khwali khu sangalila khwa Vayahudi injeso yi nganu. Vayahudi va rula mu tsimbeka tsiosi tsi lilova khwitsa khu sangalila Pentekote ha lala Yerusalemi. Muhika yuku, litukhu lia Pentekote lia tukha lisitsa li lala Yesu na kalushenje mwikulu.

Lwa vasuvila vali ni vali ha lala, liyoko lia hulilikhana munzu mwa vali khuli shivunzetsi. Malelo shindu shia lolekha khuli lumemo lu mulilu shiali khu murwi kwa vuli musuvila. Vosi vi tsulitswa Roho Mutakatifu ma ni varanga khu lomoloma mu tsilomoloma tsindi.

Lwa vandu vali Yerusalemi va hulila liyoko, lukhu lwa vandu lwitsa khu lola shiali ni shi kholekhanga. Vandu vahulila vasuvila ni va vola ku Khu chenyinya ka Nyasaye yali nakholi. Vali nu lichenya khu hulila makhuva kene yako mu lu lomoloma lwavo vene.

Vandu va lala va vola veechi vatandi. Ni khali Petelo ya sinjila na va volela, ''Mbulishitsi! Vandu yava shi va tandi tawe! Yukhu nu khu rweshitsa vuloli vu muloli Yoweli vwa Nyasaye a vola, 'Mu matukhu ku khu malishitsa, na tsukhulula Roho kwanje.'''

''Vasatsa va Islaheli, Yesu yali mundu wa khola vindu vi nyishi viu khu chenyinya khu virila mu tsingulu tsia Nyasaye.Mu menyi liene yili, shijila kwa looks vindu yivi. Ni khali mwa mu vamba!''

''Yesu ya khutsa, nikhali Nyasaye ya mu rulitsa mu va khutsu. Yili li rweshitsa ka mulilu ya handika, 'Shu lalekha Mutakatifu wowo a kundili mu vwina tawe.' Khuli va shahidi vu Nyasaye ya rulitsa Yesu mu vakhutsu."

''Nyasaye Tata uhele Yesu luyali Khu lu Khu mwi khalitsa Khu mukhono kwekwe mulunji. Ma Yesu urumi Roho Mutakatifu khu khutsi khuli lwa yali ni ya laka ya kha kholi. Roho Mutakatifu nakwo kulera vindu via mulola nu khu hulila yivi.''

"Mwa vamba mundu wuyu,Yesu, nikhali Khu kene yako Nyasaye wakhola Yesu khuva Mwami wa vuli shindu khandi Masiha!''

Makhuva ka Petelo ya vola ka tukha khu vandu va mu hulishitsa muno. Khu va reva Petelo nende veechi, ''Vamwiru, khwa kha khola khu rina?''

Petelo ya va kalushitsa, ''Vuli mu lala khu munyi kenyekha yi kanili nu khu vatiswa mu lira lia Yesu Kristo khu lelo Nyasaye a mu vele vwoni vwenyu. Khandi a la muha shi hanwa shia Roho Mutakatifu.''

Vandu va tukha 3,000 va suvila ka Petelo ya vola ni va kholekha veechi va Yesu. Va vatiswa ni va kholekha va lala khu likanisa lia Yelusalemi.

Mulala khu vimilili mu likanisa liali liukhuranga yali mundu walangwa Shitefano. Yali mundu mulayi witsula Roho Mutakatifu nende vusitsa. Shitefano yakhola kukhuchenyinya manyishi nachelitsa khuhombelitsa vandu vasuvili mu Yesu

Lukanu lwi Vanjeli khurula: Vikholwa 2