20.Vuhaambe nende Likalukha

Vwamihi vwa Islaheli nende vwamihi vwi Vuyuda vwosi vwakholela Nyasaye vwoni. Va meneka lilakana lia Nyasaye ya lomba navo Sinai. Nyasaye yaruma valoli veve khu va khuvilitsa vikanili nu khu musaala khandi, nikhali vambakhana khu va hulila.

Khu Nyasaye ya viritsila vwamihi vwosi vuvili khu matiinyu khu lu khulekha vatsiku va vononyinyi. Siria vwali vwamihi vwitsingulu, Shiononyinya vwamihi vwa Islaheli. Vasiria vira vandu vanyishi mu vwamihi vwa Islaheli, ni va vukula vuli shindu shiali na makuli. Malelo ni vasamba vunyishi vwi shivala shienesho.

Vasiria va vunjelitsa vimilili vosi, vayinda vosi nende vandu vu vucheli vu khukhola mihinzi lukanu nu lukanu vosi, nivayilwa Siria. Vandu vatakha vonyene vali ni va khirwa navo va rikala mu vwamihi vwa Islaheli.

Malelo Vasiria ni valera vandu vacheni vamenye mu shivala shia vwamihi vwa Islaheli vwalenje. Vacheni vumbakha vuyia madala kali nikononyinywa nivahila Vaislaheli varikalayo. Lwivulu lwa Vaislaheli lwa hilana nende vacheni lwa langwa Vasamaria.

Vandu vu vwamihi vwi Vuyuda valola khuli Nyasaye yali na tambitsi vandu vu vwamihi vwa Islaheli, khu lu khuvula khu musuvila nende khu mu hulila. Nikhali vatsililila khusaala vifanani, halala nende nyasaye wa Vakanani. Nyasaye yaruma valoli vatsi khu va khuvilitsa nikhali vambakhana khu hulila.

Hambi mihika 100 Vasiria ni vononyiinye vwamihi vwa Islaheli, Nyasaye yaruma Nebukadineza, mwami wa Vababilonia atsi khusera vwamihi vwi Vuyuda. Babilonia shiali shivala shi tsingulu. Mwami wi Vuyuda ya hujilila khuva murumwa wa Nebukadineza nu khu muhilila tsisendi tsinyishi vuli muhika.

Nikhali mihika nichiakhavira mitititi, mwami wi Vuyuda yambakhana vwamihi vwa Babilonia. Khu Vababilonia va kalukha inyuma ni valwana vwamihi vwi Vuyuda. Vavukula lidala lia Yerusalemi, ni vononyinya Litempeli, ma ni vavukula livishilu liosi li lidala nende Litempeli.

Mwami wi Vuyuda shijila vuyingani yatambitswa, vasikali va Nebukadineza vira muyayi wu mwami imbeli wewe ma khandi ni va muvekhulitsa. Inyuma wa yako, mwami ya yilwa ihale khu khutsila mu shivoho mu shivala shia Babilonia.

Nebukadineza nende vasikali veve va vukula hambi vandu vosi khurula mu vwamihi vwi Vuyuda nivayilwa mu Babilonia. Vandu vatakha muno navo va lekhwa inyuma varache milimi. Luhono lwa vandu va Nyasaye va rulitswa mu Shivala Shilakwa lu langwangwa Vuhambe.

Khali Nyasaye ni ya tambitsa vandu veve khulukhu vayila mu vuhambe, shi ya vivilila noho aleshe kayavalaka tawe. Nyasaye yatsililila khuhenza vandu veve nu khulomoloma khuvo khuvirila khu valoli veve. Yavalaka vu nichiakhavira mihika makhomi saba valikhakalushi mu Shivala Shialakwa khandi.

Mihika nichiakhavira makhomi saba, Kureeshi mwami wa Perishia, yakura Babilonia. Khu vwamihi vwa Babilonia vwakalukha khu malako ka Perishia. Vaislaheli vamenya nivalangwa vayahuudi na vanyishi khuvo vamenya vulamu vwavo vwosi mu Babilonia. Vatititi mu vasakhulu Vayahuudi navo vitsushitsanga shivala shi Vuyuda.

Vwamihi vwa Perishia vwali nitsingulu nikhali vwa menyinya tsimbavasi khu vandu va shia sera. Hadi vutsa Kureeshi niyaveele mwami wa Perishia, yahana lilako vu Muyahuudi wosi wi wulila khu kalukha Yuda yakharuli Perishia akalushi Yuda. Khali yavaha tsisendi tsiu khutsia khumbashila Litempeli! Khu, ni vakhamala mihika makhomi saba mu vuhambe, shigwenyi shitititi shia Vayahudi shia kalukha mu lidala lia Yerusalemi Ivuyuda.

Lwa vandu vatukha Yerusalemi vakalushila khumbakha Litempeli nende lisisi lia khumbelitsa lidala. Khali nivali ni vashiamiwi nende vandu vandi, vanyola vwiyangu vu khumenya mu Shivala Shialakwa nende khusaala Nyasaye mu Litempeli.

Lukanu lwi Vanjeli khurula: 2 Vami 17; 24-25; 2 Tsinyinga 36; Ezira 1-10; Nehemia 1-13