7. Nyasaye Akasitsa Yakobo
Lwa vayayi vali nivavilukhanga, Yakobo yali wayanza khwikhala hango na Isahu yali wayanza khuyitsa. Rabeka yayanza Yakobo, nikhali Isaka yayanza Isahu.
Litukhu lilala Isahu yakalukha narula mu lihitsa, yali inzala muno. Isahu yavolela Yakobo, ''Nuyanza mbekhu shililwa shia ulombi.'' Yakobo ya mukalushitsa, ''Ranga undeshele vunyali vwa mwana mukhulundu anyolanga.'' Khu Isahu ya hujilila khuha Yakobo vunyali vwa mwana mukhulundu anyolanga. Malelo Yakobo na mu hakhu shukhulia shieshie.
Isaka yenya khuha Isahu vukasu vwevwe. Nashili khukhola ario, Rabeka nende Yakobo va mu vehela, Yakobo ni yikhola naye Isahu. Isaka yali wasakhuuli shi yalola tawe. Khu Yakobo yafwala tsinguvu tsia Isahu navikha shiselo shi mbuli khwing'ori nu khu mikhono.
Yakobo yitsa khu Isaka navola, ''Ninzi Isahu. Nzitsi khu ungasitsi.'' Lwa Isaka yahavaritsa khu moya kimbuli na hunyishiza lunyusu lwali khu tsinguvu yakanakana ni Isahu na mukasitsa.
Isahu yali nu vuhimwa khu Yakobo shijila Yakobo wayiva liva lielie khuli mwana mukhulundu khandi vukasu vwevwe.Khu yabara khwira Yakobo yise wavo ni yakhakhuza.
Nikhali Rabeka ya hulila lienya lia Isahu. Khu ye nende Isaka varuma Yakobo ihale vamenye nende vikho veve.
Yakobo ya menya nende vikho va Rabeka khu mihika minyishi. Khu luhono lwene yolo yateshitsa nanyola vana vayayi likhomi na vavili nu mukhana mulala. Nyasaye ya mulomba muhinda munonono.
Mihika makhomi kavili chiavira nali ihale khurula ingo wavo kanaani, Yakobo ya kalukha na vandu veve, varumishi veve, nende viayo vievie viosi vi tsinyama.
Yakobo yali nu vuri muno nabara Isahu ashienya khumwira. khu yaruma viayo vinyishi vi tsinyama khu Isahu khuli shihanwa. Varumishi valera tsinyama vavolela Isahu,''Murumishi wowo, Yakobo, akhuhetsanga tsinyama yitsi. Yitsanga khu vwangu.''
Nikhali Isau yali waleshela khale Yakobo, na vali nu vuyanzi khulolana khandi. Yakobo yamenya mu milembe mu kanaani. Ma Isaka nakhutsa, Yakobo na Isahu ni vamuyevela. Lilakana lia Nyasaye yali ni yalomba na Aburahamu lia rikala khu Isaka nilizia khu Yakobo.
Lukanu lwi Vanjeli khurula:Liraanga 25:27-33:20