37. Yesu Avushitsa Lazaro khurula mu Vakhutsu

Litukhu li lala, Yesu ya nyola likhuva vu Lazaro nu mu lwale muno. Lazaro nende vakhana vavo vavili, Malia nende Malita, vali valina va ayimbi va yesu. Lwa Yesu ya hulila makhuva yako, ya vola, ''Vulwale yuvu shi vumalilikha no likhutsa Lia Lazro tawe. Nikhali , vwala lhola vandu babe Nyasaye luyali."

Yesu yali wa yanza valina veve, nikhali yalinda Kavita matukhu kavili. Matukhu yako nikakhavira yavolela veechi veve, "Khukalushi Ivuyuda." Veechi va mureva, "Mwekitsi, vandu va yenyi khu khwirila!" Yesu yavola, "Mulina weru Lazaro ukoni, na khutukha mu vushitsi."

Veechi va Yesu vakalushitsa, ''Mwami, Lazaro nava na konanga, alasosa. Khu Yesu ya va volela vutsa vulunji, ''Lazaro ukhutsi. Ndi nende vuyanzi shi mbeleyo, khulelo musuvili mu inzi.''

Lwa Yesu ya tukha mu litaala li ingo wanga Lazaro, Lazaro yali wa khamala matukhu kanne ni ya khutsa. Malita yatsia ilwanyi khu vukanila Yesu na vola, ''Mwami, nu wa khaveele vutsa hanu muyayi weru shi ya kha khutsi tawe. Ni khali manyi Nyasaye alakhuha shiosi shu reva khu rula khuye.''

Yesu ya kalushitsa, ''Inzi ndi Lisimushitsa nende Vulamu. Wosi usuvila mu inzi alamenya khali na khutsa. Woyo wosi usuvila mu inzi shia likhutsa tawe. Musuvili mu yaka?'' Malita ya kalushitsa, ''Yee, Mwami! Suvila ni vi Muhonyi, Mwana wa Nyasaye.''

Malelo Mariya na tukha. Yakwa ha vilenje via Yesu na vola, ''Mwami, nu wa kha veele vutsa hanu, muyayi weru shi ya kha khutsi tawe.'' Yesu ya va reva, ''Murele hena Lazaro?'' Vamuvolela, ''Mu shilindwa. Hamba ulole.'' Malelo Yesu nalila.

Shilindwa shiali hakari ha machina ni shi khunishwi ni lichina. Lwa Yesu ya tukha ha shilindwa, ya va volela, ''kolongominyi lichina iluveka.'' Nikhali Malita ya vola, ''Wa kha mala matukhu kanne ni ya khutsa. Vukundu vwa la hunya.''

Yesu ya kalushitsa, ''Shi na mu volele munyela khu lola vukhumi vwa Nyasaye nu mu suvili?'' Khu va menya ni va sunda lichina iluveka.

Khu Yesu ya henza mwikulu ma na vola, ''Tata , urio khu mbulila. Na menya u mbulishitsa khase, ni khali mbola yaka shijila vandu va sinjili hanu yava, khu va menye wa nduma.'' Malelo Yesu na lanjilila, ''Lazaro, rula ilwanyi!''

Khu Lazaro yitsa ilwanyi! Yali na shivoyelwi mu tsinguvu tsiu mu shilindwa. Yesu ya va volela, ''Mu khonyi khu rulitsa tsinguvu tsiu mu shilindwa ma mu mu lakhuli. Vayahudi vanyishi vasuvila mu Yesu shijila liu khu chenyinya yili.

Nikhali vimilili vi dini ya Vayahudi vali nende imbotokha khu vi vunjelitsa ha lala ni va kanakana khwira Yesu nende Lazaro.

Lukanu lwi Vanjeli khurula: Yowana 11:1-46