15.Shivala Shalakwa

Inyinga yatukha ya Vaislaheli khwinjila mu Kanaani Shivala Shialakwa. Yoshwa yaruma varunishitsi vavili khwinjila mu lidaala lia Yeriko lili mu Kanaani. Liali liashingwa nende lisisi litinyu. Mwidala mwenomo khwalimu nende mukhali muheyi yalangwangwa Rahabu. Yavisa varunishitsi yavo, ma na vakhonya khwilukha. Yakhola yako shijila yasuvila mu Nyasaye. Valaka khushinga Rahabu nende vandu veve lwa vaislaheli valiononyinya Yeriko.

Vaislaheli venyekha khwambukha muchela kwa Yorodani, khu vinjili mu Shivala Shialakwa. Nyasaye yavolela Yoshwa, ''Vasalisi varanje khutsia.'' Lwa vasalisi varanga khusena mu muchela kwa Yorodani, matsi khurula mu virula vwi vuluka kasinjila. Khu Vaislaheli ni vambukha khutsia injelekha khu lilova liumu.

Vandu nivakhambukha muchela kwa Yorodani, Nyasaye ya volela Yoshwa khuli asera lidala li tsingulu lia Yeriko. Vandu vahulila Nyasaye. Khuli Nyasaye yali navavolele vakhole, vasalisi nende vasikali va vodokhana lidala khu lidala lia Yeriko lulala khu litukhu khu matukhu sita.

Malelo khu litukhu lia saba, Vaislaheli va vodokhana lidala makhavi kandi saba. Ni va vodokhana lidala lu khumalishitsa, vasikali valanjilila vasalisi navo nivakhuva visiliva viavo.

Ma lisisi lia shinga lidala lia Yeriko ni likwa! Vaislaheli vononyinya vuli shindu mwidala yomo. khuli Nyasaye yali na va volele. Valekha vutsa Rahabu nende vandu veve, vamenya ni vakwa Vaislaheli. Lwa vandu vaandi vamenyaanga mu kanaani vahulila Vaisaheli vononyiinyi Yeriko vali nu vuri ni va kanakana Vaislaheli va la vasera khandi.

Nyasaye yali na volele Vaislaheli vavuli khu hulishitsana khu nende vituma vi tsimbia tsia vandu va menyanga mu Kanaani tawe. Nikhali mulala khu Vakanaani khurula mu luyia lwa Vagibioni yakata Yoshwa na muvolela warulanga ni ihale khurula kanaani. Yavolela Yoshwa valombe li hulishisana li milembe. Yoshwa nende Vaislaheli shi vareva Nyasaye wa Vagibioni varula tawe. Khu Yoshwa yalomba li hulishitsana li milembe navo.

Vaislaheli shi vayanza lwa vahulila Vagibioni vavakati tawe, nikhali shi vayononyinya li hulishitsana li milembe lia vali nivalombi tawe. Shijila valakana imbeli wa Nyasaye. Tsinyinga ni tsia khavira, vami vi tsimbia tsi vituma via vandu vaandi vu mu Kanaani, Vaamoni. Vahulila Vagibioni valombi li hulishitsana li milembe nende Vaislaheli. Khu va vunjelitsa vasikali vavo ni vasera Vagibioni. Vagibioni varuma likhuva khu Yoshwa ni varevanga vukhonyi.

Khu Yoshwa ya vunjelitsa vasikali vaislaheli ni vachenda vutukhu vioosi vatushi khu Vagibioni. Nukushili mavwevwe vasikali Vaamoni vikosela khuvo ni va vakwana.

Nyasaye ya khuvanila Vaislaheli litukhu yelo. Yalera likoyana mu vaamoni ma naruma imbula ya majina ingali ni yira Vaamoni mu vunyishi.

Nyasaye yachila liuva ni lisinjila ha vundu halala khwikulu khulelo Vaislaheli vakuri Vaamoni. Litukhu yelo Nyasaye yalera likura likali khu Vaislaheli.

Nyasaye ni ya khakura vasikali yavo, vanyishi khurula mu vituma via vandu vaandi vu mu Kanaani vi vunjelitsa halala khukhwana Islaheli. Yoshwa nende Vaislahel va vakwana nu khu vononyinya.

Lihe yili ni lia khavwa, Nysaye yaha vuli luyia lwa Vaislaheli havundu hehe khu Shivala Shialakwa. Malelo Nyasaye nahana milembe khu Islaheli nende varende vayo.

Lwa Yoshwa yali ni yasaakhuli, yalanga vandu vosi halala. Ya vitsushitsa khuli venyekha khulonda lilakana lia Nyasaye yalomba nende Vislaheli ha Sinayi vandu valaaka valatsililila khusuvila Nyasaye nu khulonda malako keke.

Lukanu lwi Vanjeli khurula: Yoshwa 1-24