23.Livulwa lia Yesu

Mariya yali waselelwa nende mundu mulunji Yosefu. Lwa yahulila Mariya ali nende inda, Yamenya shiyali mwana wewe tawe. Shi yenya khuha Mariya tsisoni tawe, ya kanakana khu mulekha kalaha. Nashili khukhola ario tawe, injolosi yitsa ni lomaloma naye mu maloro.

Injolosi ya muvolela, ''Yosefu, wakharia khuvukula Mariya khuva mukhali wowo tawe.Mwana uli muye warula khu Roho Mutakatifu. Alivula mwana muyayi. Umukulishi Yesu (livolanga, 'Yawe ahonyinya'), shijila alahonyinya vandu khurula mu vwoni vwavo.''

Khu Yosefu ya vukula Mariya namuyila ingo khuli mukhali wewe, nikhali shi yakona naye tawe khutukha lwa yivula.

Lwa matukhu ka Mariya khwivula kali nikali himbi, vwamihi vwa Varoma vwavolela vuli mundu akalushi wa vakuuka veve vivulwa khu avalitsiliyo. Yosefu nende Mariya venyekha khu chenda luchendo lu rambi khurula wa vamenya Natsareti khutsia Betselehemu. Shijila Vali vitsikhulu vu mwami Daudi Nate yamenyanga mu lidaala Lia Betselehemu.

Lwa vatukha Betselehemu, shivali nende avundu hu khu menya tawe. Vanyola vwiyangu mu shikoo shi tsinyama shionyene. Mwana yi vulilwa mwene yomo ma mama wewe namwalishitsa khu mulinga kwa tsing'ombe tsi lilakhu. Shijila shivamunyolela shitali tawe. Vamukulikha Yesu.

Vutukhu vwenovo, khwali nende vayi hambi ni valindi viayo viavo via makondi. Injolosi yakhanga vukhumi vwa Nyasaye ya lolekha khuvo. Vali nuvuri. Injolosi ya vavolela , ''Muvuli khuria, shijila mulerele makhuva malayi. Muhonyi, Mwami wivulwi mu Betselehemu!''

''Mutsi khu khava mwana, mu la munyola na voyelwi mu tsinguvu tsiu mwana khandi ni yalishitswi mu mulinga kwa tsing'ombe tsililakhu.'' Heneyaho, shituma shikali shi tsinjolosi shialolekha ikulu ni shitsominya Nyasaye, shiavolanga, ''Vukhumi khu Nyasaye ikulu na milembe mu shivala khu vandu va ya yanza!''

Vayi khu vwangu vatukha havundu wa Yesu yali. Vamunyola na konyinywi khu mulinga kwa tsinyama tsililama tsilila khu khuli lwa injolosi yali nivavolele. Vali nu vuyanzi muno. Vayi vakalukha mushikuri wa makondi kavo kali, nivitsominya Nyasaye khu kavali nivahulili nukhulola.

Matukhu nikakhavira, vandu vu vusitsa khurula mu vivala vihale ivukwi, valola inyininyini yu khuchenyinya khwikulu. Nivalola imenyinyanga mwami muyia wa Vayuda wivulwi. Khu vachenda luchendo lurambi khulola mwami wuyu. Vitsa Betselehemu nivanyola inzu ya Yesu nende vivuli veve vamenya mu.

Lwa vandu vasitsa valola Yesu nende mama wewe, vinama hasi nu khu musaala. Vaha Yesu vihanwa via makuli. Ma ni vakalukha ingo.

Lukanu lwi Vanjeli khurula: Matayo 1; Luka 2