10. Matiinyu Likhomi

Musa nende Haruni vazia khu Faraho. Vavola, ''Yaka nako ka Nyasaye wa Vaisilaheli avola, 'Lekha vandu vanje vatsi!''' Faraho shi yavahulila tawe. Havukono hu khu valakhula, ya va minilizila khu lihinzila litinyu!

Faraho ya tsililila khwambakhana khu lakhula vandu vatsi, khu Nyasaye ya rumila Vamisili minyakhano makhavi likhomi Khuvirila mu minyakhanu yichi Nyasaye yamenyinya ali ni tsingulu khuvira Faraho nende nyasaye va vamisili.

Nyasaye yakalukhanyinya matsi ku muchela kwa Naili ni kava musayi, nikhali Faraho shi yalakhula Vaisilaheli tawe.

Nyasaye yaruma tsing'alo mu Misili mwosi. Faraho yahomba Musa arulitsi tsing'alo. Nikhali tsing'alo ni tsiakhakhutsa, Faraho yatinya mwoyo navula khulakhula Vaislaheli varuli Misili.

Khu Nyasaye yaruma tsindaha mu shivala shia Misili. Naruma khandi vijinji vitambitsi vamisili. Faraho yalanga Musa nende Haruni na vavolela, ni vakhasinjilitsi matuyo keneyako Vaisilaheli vakharuli mu Misili. Lwa Musa yasaala Nyasaye yarulitsa vijinji viosi Mumisili. Nikhali Faraho yatinyinya mwoyo na shi yalakhula Vaisilaheli vatsi tawe.

Lilondakhu, Nyasaye ya lomba tsinyama tsiavaywa nende Vamisili tsi lwale nu khu khutsa. Nikhali mwoyo kwa Faraho kwali mutinyu shi yalakhula Vaislaheli vatsi tawe.

Khu Nyasaye yavolela Musa asiuvi likoshe mu vushindu imbeli wa Faraho. Ni ya khakhola ario mavimbo kalitsa khu vuli mundu mu Misili vujila khutsia khu Vaisilaheli. Nyasaye yatinyinya mwoyo kwa Faraho ni yambakhana khu lakhula Vaisilaheli vatsi.

Inyuma wa keneyako, Nyasaye yaruma imbula ya machina ni yononyinya viragwa via Vamisili nu khwira vuli mundu warula ilwanyi. Faraho ya langa Musa nende Haruni na vavolela, ''kholi vwoni. Munyala khutsia.'' Khu Musa yasaala ma machina ni kalekha khurula khwikulu.

Nikhali Faraho yona khandi na tinya mwoyo kwekwe. Shi yanyalitsa khu lakhula Vaislaheli vatsia tawe.

Khu Nyasaye yaruma vunyishi vwi tsisichi mu Misili. Viragwa viosi viali ni via khononyinywa nende machina via lilwa nende tsisichi.

Ma khandi Nyasaye naruma shisundi shia matukhu kavaka. Shiali shimwamu Vamisili shi vanyalitsa khurula mu tsinzu tawe. Nikhali wa Vaislaheli vamenya vulavu vwaliyo.

Viloleshitso via matinyu tisa viosi, Faraho yali na shiambakhane khu lakhula Vaislaheli . Shijila Faraho shi yali mu hulili, Nyasaye yenya khuruma vutinyu vulala vu khu malilikha. Yuvu vwa kha kalukhanyinyi tsinganagani tsia Faraho.

Lukanu lwi Vanjeli khurula: Lirurula 5-10