34.Yesu Yechitsa Tsinganu Tsindi

Yesu ya vola tsinganu tsindi tsi nyishi khu londokhana khu vwami vwu mwikulu.Lu lala ya vola, ''Vwamihi vwa Nyasaye vuli khuli vukutsa vutiti vwa mundu ya raka mu mulimi kwekwe. Nu vukutsa vwacheha mu vundi vwosi.''

''Nikhali lwa vukutsa vu tititi yuvu vu melanga, vu kwitsanga shiragwa shikali mu viragwa vwosi vili mu mulimi. Manyonyi kanyola ha ka hulishila mu tsisia tsiakwo.''

Yesu yavola lukanu lundi, ''Vwamihi vwa Nyasaye vuli khuli mamela ka mukhali atsukanyinya mu vusi vu mukati khu tukha lwa ka tsukana mu vwosi.''

''Vwami vwa Nyasaye khandi vuli khuli livishilu lia mundu ya visa mu. Hundi mundi ya likhola na liyevela mu khandi. Witsuli nu vuyanzi natsia khukulitsa viosi via yali navio khu mang'ndo ku khu Kula mulimi kwa livishilu lili mu yoko."

''Vwamihi vu mwikulu vuli khuli lichina lilahi liu vukuli. Lwa mukholi wu vukhala ya li nyola, ya kulitsa vwosi via yali navio na rumishila mang'ondo yako khu likula.''

''Malelo Yesu navola lukanu lundi lwa vandu vi yinulanga vene khu vene ni va chiaya vikholwa via vandi vandu. Ya vola, ''Vandu vavili vatsia mu Litempeli khu saala. Mulala khuvo yali musololi wu vushuru, na wundi yava mwimilili widini.''

''Mwimilili widini ya saala ari, 'Asante Nyasaye, shijila shindi mwoni menye vandu vandi-khuli va nuli, vandu va khali va lunji, va heyi, ihoho khali khuli musololi wu vushuru woyo.'''

'''Khuli menye, inzi nyalitsa khu funga lilia makhavi kavili shia khwisitsa khandi khu hetsanga indala khu likhomi yi tsisendi nende vindu viosi via nyolanga.'''

''Nikhali musololi wu vushuru ya sinjila ihale khu rula khu mwimilili widini, ma khali shi ya henzitsa tsimoni mwikulu tawe. Nikhali ya tuyatuya shiliro shieshie nende shikhusi nasaala, 'Nyasaye, nuyanza ndolela tsimbavasi shijila ndi mwoni.'''

Malelo Yesu na vola, ''Mu volela vwatoto, Nyasaye ya hulila lisaala liu musololi wu vushuru ma na muvukula khuva mulunji. Nikhali shi ya yanzizwa nende lisaala liu mwimilili widini tawe. Nyasaye achehitsanga woyo wosi wi chinganga makhandi amuchinga woyo wosi wi chehitsanga.''

Lukanu lwivanjeli khurula: Matayo 13:31-33, 44-46; Maliko 4:30-32; Luka 13:18-21;18:9-14