35.Tata wishivelo

Litukhu lilala, Yesu yali niyechitsanga vandu va nyishi vali ni vi vunjelitsi va muhulishitsi. Vali vasololi vu vushuru nende vandu vanyishi va kharia Malaki ka Musa.

Vimilili vandi vidini valola Yesu na lomoloma khu vandu have khuli valina.Khu varanga khu volelana akhola makoso. Yesu yavahulila ni va lomoloma na vavolela lukanu yulu.

''Khwali ho nende mundu wali nende vikhula vavili.Mwikhula mushe yavolela tata wewe, 'Tata, nyenya umbe mukabwa kwanje lwene yulu!' Khu yise ya kavulanyinya miandu chiechie khu vikhula vavili.''

''Khu vwangu mwikhula mu tititi ya vunjelitsa vindu vievie natsia khwononyinya mang'ondo keke mu li menya liu vwoni ihale.''

''Inyuma wa kena yako, khwali ho nende shimiyu wa mwikhula mushe yali, na shi yali na mang'ondo ku khu kula shiukhulia tawe. Khu mulimu kwa ya nyola kwali khu lishitsa tsingulume.Yalola vutiinyu nende inzala inyishi nakanaka khulia shiukhulia shi tsingulume.''

''Lukhumalishitsa, mwikhula mushe yireva, 'khu khola shina? Vakholi va tata wanje vali nende shiukhulia shinyishi ninzi ni nyakhana inzala. Na kalushila Tata wanje mureve mbe mulala khu vakholi veve,'''

''Khu mwikhula mushe yaranga khu kalukha ingo wa yise wewe. Nashili ihale yise wewe ya mulola na mulolela shivelo. Yilukhachila mwikhula wewe na mu khumbelela.''

''Mwikhula yavola, 'Tata, nakhola vwoni khu Nyasaye khandi khu ivi. Shindushili khuva mwana wowo tawe.'''

''Nikhali tata wewe ya volela mu lala khu vakholi veve, 'Tsia ulere tsinguvu tsindayi ufwale mwikhula wanje! Vikha mukasa khu shitere shieshie ma khandi uvishi tsikala mu vilenje vievie. Khandi wiri shimoli shilayi khuve nende lilia nu khusangala, shijila mwana wanje yali wakhutsa nikhali khu lwene yulu ali mwoyo. Yali wakora, unyoleshe.!'''

''Khu vandu varanga khusangala. Luhono nulushili khutsia lurambi, mwikhula mukhulundu yachelela ingo khurula wa yali na yinzilenje mu mulimi. Yahulila tsinyimbo ni lisieva nachenya shiali nishikholekhanga.''

''Lwa mwikhula mukhulundu yanyola vu vasangala shijila amwavo wewe u chelele ingo, yali nu vurima ni yambakhana khwinjla munzu. Yise wewe ya musaala khu yinjili vasangale naye, nikhali yambakhana.''

''Mwikhula mukhulundu ya volela yise, 'Mihika yichi chiosi na khuyinzilila ni lisuvila liosi! Shili khu khumila khu imoni tawe, na ushili khumba khu khali imbuli yonyene nasangala na valina vanje tawe. Nikhali lwa mwikhula wowo uyu wamala tsisendi tsiotsio mu tsinjila tsiu vwoni. Lwa akalushi ingo, wiri shimoli shilayi shijila ye khu sangala!'''

''Yise yakalushitsa, 'Mwana wanje , uvetsa ninzi khase, khandi vuli shindu shia ndi nashio ni shioshio. Nikhali nu vulayi khusangala shijila muyayi wenyu yali wakhutsa, na khu lwene yulu ali mwoyo. Yali wakora, ni khali u nyoleshe khu lwene yulu!'''

Lukanu lwi Vanjeli khurula: Luka 15:11-32