47. Pahulu nende Sila mu Filipi.

Sahulu na chendanga mu lusomo lwa Varomi, ya ranga khu rumishila lira lie lie lia Varoma, ''Pahulu.'' Litukhu li lala Pahulu nende mulina wewe Sila vatsia mu lidala lia Filippi khwilwatsa makhuva malayi ka Yesu. Vatsia ha muchela kuli ilwanyi wi lidala wa vandu vi vunjelitsila va saale. Hawene yaho va vukana nende mukhayo wa langwa Lidia wali mukholi wu vukhala mukali. Yali wa yanza nu khusaala Nyasaye.

Nyasaye ya lomba Lidia asuvili makhuva shijila Yesu. Ma Pahulunende Sila ni va mu vatisa ha lala na vandu veve. Yinjilitsa Pahulu nende Sila va menye naye munzu mwemwe, khu vikhala naye.

Pahulu na Sila va vukana na vandu ha vundu hu khusaala mu vu nyishi. Vuli lidukhu ni va tsitsa yo, mukhana murukwa wali ni lidimoni ya valonda. Khuvirila mu lidimoni yelo ya nyalitsa khulola ka li kholekha khu vandu. Khu ya lombela mwami wewe mang'ondo manyishi khuli muloli wi tsikhavi.

Mukhana murukwa ya tsililila khu lanjlitsa navo ni vachenda, ''Vandu yava na varumishi va Nyasaye uli Ikulu khu Viosi. Va mu volelanga khuli munyala Khu honyinywa!'' Yakhola ario vuli lwosi Pahulu na mulechela.

Mu li malishitsa litukhu lilala mukhana murukwa ya ranga khu lanjiltsa, Pahulu ni yi shevukha na volela lidimoni liali muye, ''Mu lira lia Yesu, rula muye.'' Lidimoni lia rula muye hene yaho.

Vasatsa vene mukhana murukwa valeka muno! Vanyola vu vuchila lidimoni, mukhana murukwa shi ya kha volele vandu ka likholekha tawe. Ka menyinya vandu shi va muha khandi mang'ondo a va volele ka likholekha khuvo tawe.

Valala khu vene mukhana murukwa va vukula Pahulu na Sila ni va vayila khu vwamihi vwa Varoma, va vakhuva ni va vasiuva mu jela.

Vikalila Pahulu na Sila ha vundu ha tinyu muno mu jela khali ni va vohwa vilenje. Nikhali mu vutukhu hakari, vali ni vimbanga tsi nyimbo tsiu khwitsominya Nyasaye.

Hatititi, khwali nende vu yoko vwi shivala khu techela! Miliango chiosi chi jela chikukha, ma minyololo chiali khu va vohe chiosi nichikwa.

Musikali wi jela ya vukha, lwa ya lola miliango chi jela chikushi, yali nu vuri! ya kanakana vavohe vosi vi lusi yiyiri. Yamenya vwimilili vwa Varoma vwa kha mwiri na lakhuli va vohe. Nikhali Pahulu ya mu lola na lanjilila, ''Lekha! Wa khisalilitsa tawe. Vosi khuli hanu.''

Musikali wi jela na techelanga yitsa khu Pahulu na Sila na reva, ''Na kha khola ndina khu lelo mbonyinywi?'' Pahulo ya mu kalushitsa, ''Suvila mu Yesu, Mwami, na yivi nende vandu vovo mu la honyinywa.'' Musikali wi jela ya yila Pahulo na Sila ingo wewe ni yochitsa makule kavo. Pahulo yi lwatsa makhuva malayi ka Yesu khu vuli mundu wali munzu yomo.

Musikali wi jela nende vandu veve vosi va suvila mu Yesu ma ni va vatiswa. Malelo musikali wi jela naha Pahulo na Sila shiukhulia ni va sangala halala.

Litukhu lia londakhu vimilili vi lidala va lakhula Pahulo na Sila khu rula mu jela ma ni va vavolela va ruli Filipi. Pahulo na Sila va chendelela Lidia na valina vandi ma ni va rula mu lidala yomo. Makhuva malayi khu londokhana khu Yesu katsililila khu landa, ma likanisa ni li tsililila khu kaliha.

Pahulo nende vakristayo vandi va chenda mu madala manyishi , ni vi lwatsa nu khwechitsa vandu makhuva malayi khu londokhana khu Yesu. Khandi va handika tsibarwa tsinyishi tsiu khu tsuva nu khwechitsa vasuvila vali mu makanisa. Tsibarwa tsindala tsia kholekha vitabu vi vanjeli.

Lukanu lwi Vanjeli khurula: Vikholwa 16: 11-40