44. Petelo nende Yowana vahonyinya

Mundu Usavanga.

Litukhu li lala, Petelo nende Yowana vali ni vatsitsa mu Litempeli. Ni vali hambi khu tukha ha muliango kwi Litempeli, va lola mundu muleme na savanga tsisendi.

Petelo ya henza mundu muleme na vola, ''Shindi ni tsisendi tsiosi tsia khuha tawe. Nikhali na khuha yesho shia ndi nashio. Mu lira lia Yesu sinjila u chende!''

Khu vwangu vwene yovo, Nyasaye ya honyinya mu leme woyo, ma na ranga khu chenda na ruma ruma, nu khwi tsominya Nyasaye. Vandu vali ha Litempeli vali nu vuchenyi.

Lukhu lwa vandu lwitsa khulola mundu wali na honi. Petelo ya va volela, ''Mundu wuyu uhoni, mwa kha chenyi tawe. Shi Khu muhonyinyi ni tsingulu tsieru vene noho khwaria Nyasaye tawe. Ni Yesu u honyinyi mundu wuyu, shijila khwa suvila mu Yesu."

''Nu munyi va mwa volela Mwami wa Varumi yiri Yesu. Mwira woyo mwene vulamu,nikhali Nyasaye ya murulitsa mu vakhutsu khandi. Shu mwa menya ka mwa khola tawe, Nyasaye ya rumishila vikholo vienyu khwi tsulitsa vuloli vu Masiha alikhasalili malelo akhutsi. Khu khu lwene yulu, mwikanili ma mu kalushili Nyasaye khu vwoni vwenyu vwokizwi.''

Vimilili vi Litempeli shi va yanzizwa nende ka Petelo na Yowana va vola tawe. Khu va vakimila nu khu vara mujela. Nikhali vandu vanyishi va suvila ka Petelo ya vola, ma vandu va suvila mu Yesu ni va metekha khu tukha 5,000.

Litukhu li londakhu, vimilili va Vayuda valera Petelo nende Yowana khu musalisi mukali nende vimilili vi tsidini vandi. Vareva Petelo nende Yowana, ''Ni tsingulu shina tsia mu honyinyili mundu wuyu?''

Petelo ya va kalushitsa, ''Mundu usinjili imbeli wenyu uyu ahonyinywi nende tsingulu tsia Yesu Masiha. Mwa mu vamba nikhali Nyasaye ya mu rulitsa mu vakhutsu khandi! Mwa mwambakhana nikhali injila yindi shi ili khu ho yu khu honyinywa nu khu khali khu virila mu tsingulu tsia Yesu tawe!''

Vimilili vali nende vuchenyi Khu lola vu Petelo nende Yowana valomoloma vujila khuria navo na vandu vutsa va kha soma. Nikhali vitsushitsa, vandu yavo valenje nende Yesu. Khu va va volela, "Nu mu kalushili Khu volela vandu khu londokhana Khu mundu wuyu Yesu, khwala mu khola likhuva likali. Ni va kha va volela makhuva manyishi kario va lakhula Petelo na Yowana.

Lukanu lwi Vanjeli khurula: Vikholwa 3:1-4:22