8. Nyasaye ahonyinya Yosefu nede Inzu yavo

Mihika minyishi ni chiakhavira Yakobo nali musakhulu, yaruma mwana wewe wa yayanza, Yosefu, atsi khulola vamwavo vali ni vali mu shiayo.

Vamwavo Yosefu vali va muhima shijila yise wavo yali wa muyanza muno, khandi shijila Yosefu yali na lorienje aliza khuva mwami wavo. Lwa Yosefu yiza khu vamwavo, vamukumila nu khumukuliza khu vakholi vu vukhala vwa varugwa.

Vamwavo Yosefu ni vashili khukalukha ingo, varandula tsinguvu tsia Yosefu ni vinikha mu musayi khwimbuli. Ma ni vamenyinya yise wavo inguvu yeyo khu alole khuli tsinyama tsiu mbulimu natsio tsiali nitsiri Yosefu. Yakobo yalega munonono.

Vakhala va varugwa, vayila Yosefu Imisili. Misili ni shivala shikhongo, shi tsingulu. Shili khu mmbikha ku Muchela kwa Naili. Vakhala va varugwa vakuliza Yosefu khuli murugwa khu muyinda wali mulala khu vamihi. Yosefu ya yinzilila mukhongo wewe vulayi, ma Nyasaye nakasitsa Yosefu.

Mukhayo wu mukhongo wewe yacheliza khukona na Yosefu, nikhali Yosefu yambakhana khwonela Nyasaye mu injila yeneyeyo. Yaleka ni yi chishila Yosefu khulelo akumilwi nu khu muhila mukari. Khali nali mukari, Yosefu ya tsililila khu suvila Nyasaye, ma Nyasaye na mugasitsa.

Khu mihika chivili Yosefu khali niyakhali na makoso, yali nashili mukari. Litukhu lilala, Faraho- nilili lira lia Vamisili valanganga vami vavo, yali na maloro kavili. Kamusumbula hakali. Avulakhu, mu vacheli veve, wanyaliza khu muvolela shia maloro kavola tawe.

Nyasaye yali waha Yosefu vunyali vu khu kalukhanyinya maloro, khu Faraho ya lerelwa Yosefu khurula mukari. Yosefu ya mukalukhanyinyila maloro navola, ''Nyasaye alahana mihika saba chi injeso inyishi, mihika saba chilondekhu chi shimiyo.''

Faraho ya yanzizwa na Yosefu na murovola khuva mundu ukhola khavili khu vuruji vwa Misili!

Yosefu ya volela vandu vavishi shililwa mu vunyishi khu mihika saba chinjeso indayi. Malelo Yosefu yakhakulitsili vandu shililwa mihika saba chi shimiyu ni chitsa khu vave ni shililwa shivatukha.

Shimiyu shi shiali Misili wonyene tawe, shiali shikali khali kanaani wa Yakobo nende vandu veve vamenya.

Khu Yokobo ya ruma vikhula veve vakhulundu Misili khu kula shililwa. Yosefu shi ya menyelizwa na vamwavo lwa vasinjila khuye nivakula shililwa tawe. Nikhali Yosefu ya va manyishitsa.

Niyakhachelitsa vayayi vavo alole nikali vakalukhana, Yosefu ya vavolela, ''Ndi amwavo wenyu, Yosefu! Mwakhari tawe. Mwacheliza khukhola vwoni lwa mwanguliza khuli murugwa, nikhali Nyasaye yarumishila vwoni khu vulayi.

Lwa vamwavo Yosefu vakalukha ingo malelo vavolela tata wavo, Yakobo, vari Yosefu ashili mwoyo, yali nende vuyanzi vunyishi.

Yakobo khali niyali nasaakhuli, yahamila Misili na vandu veve vosi ni vamenya yo. Yakobo nashili khukhuza, yakasitsa vuli mwikhula wewe.

Lilakakana lia Nyasaye yahana khu Aburahamu lia rikala khu Isaka, ma khu Yakobo. Yakobo nalekha khu vikhula veve likhomi na vavili na vandu vavo.Vitsikhulu via vikhula likhomi na vavili, valomba tsimbia likhomi na tsivili zia Isilaheli.

Lukanu lwi Vanjeli khurula: Liraanga 37-50