39. Yesu Uvishilwi khu Shiyalo

Vwali vwa kha tukha vutukhu hakari. Vasikali vimilila Yesu munzu mu musalisi mukali khulelo musalisi mukali,shijila yenya khuerva Yesu marevo. Petelo ya londa khuvo ihale. Lwa Yesu ya yilwa munzu, Petelo ya rikala ilwanyi ni yora mulilu.

Munzu mukari vimilili va Vayuda va vikha Yesu khu shiyalo. Valera va shahidi vanyishi va mukatila. Nikhali ka va vola shi ka injilana tawe, khu vimilili va Vayahudu shi va munyola nende likoso tawe. Yesu shi ya vola shindu shiosi tawe.

Lu khu malishitsa, musalisi mukali ya henza Yesu mumoni na vola, ''Khu volele, nivi Muhonyi, mwana wa Nyasaye uli mwoyo?''

Yesu ya vola, ''Ninzi, na nu mundole ni nzi khale na Nyasaye na ni ndula mwikulu.'' Musalisi mukali ya randula tsinguvu tsietsie mu vurima na lanjilila khu vimilili vidini vandi, ''Shiu khwenyi vu shahidi vundi tawe! Muhulili na vola nu Mwana wa Nyasaye. Mu mukhalachila murina?''

Vimilili va Vayahudi vosi va kalushitsa musalisi mukali, ''Wenyeshe akhutsi!'' Malelo ni va voha Yesu tsimoni, ni va musutsila mare, ni va murumula, nende khu mukholela shi henyehenye.

Petelo na shi lindilili ilwanyi winzu, mukhana muyinzili ya mu lola na mu volela, ''Khali yivi u vele na Yesu!'' Petelo ya mbakhana. Hatititi, khandi mukhana wundi ya vola malala kene, khandi Petelo ya mbakhana. Lu khu malishitsa, vandu va vola, ''Khu manyi u vele na Yesu shijila vosi mu rula Galilaya.''

Malelo Petelo ni yi suha, na vola, ''Nyole shilamo khu rula khu Nyasaye nikali na menya mundu wuyu!'' Khu vwangu Petelo ni ya khisuha itaywa ya lakula, malelo Yesu ni yi shevukha na henza Petelo.

Petelo ya rula ho na lila nu vurima. Mu vwiyangu vwenovo, Yuda, wali natsami Yesu ya lola vu vimilili va Vayahudi va khalachila Yesu likhutsa. Yuda yali ni shivelo shi nyishi na simukha natsia khwiyira.

Litukhu li londakhu mavwevwe, vimilili va Vayuda valera Yesu khu Pilato, mwimilili wa Varumi. Vimilili va Vayahudi Valera Yesu Khu ye. Ma Pilato na reva Yesu, ''Nivi mwami wa Vayuda?''

Yesu ya kalushitsa, ''Uvoli ki likali. Nikhali vwamihi vwanje shu vuli vwamihi vu Khu shivala tawe. Kava kario khali vakholi vanje va ngwanilanga. Nayitsa khu lilova khu volela vandu vwa ki likali khu londakhana khu Nyasaye.Woyo wosi wa yanza ki likali ambulishitsanga.'' Pilato ya vola, ''Kilikali nashio shina?''

Ni ya kha lomoloma nende Yesu, Pilato yatsia ilwanyi wa shituma shia vandu shiali na vola, ''Shi nyoli mundu wuyu na makoso tawe.'' Nikhali vimilili va Vayuda nende shituma shia vandu va lanjilila, ''Avambwi!'' Pilato ya va kalushitsa, ''Shiali ni likoso tawe.'' Nikhali va lanjilila ni varele mwoyo ikulu. Malelo Pilato na vola lu khola khavaka, ''Shiali nilikoso tawe!"

Pilato ya henda mwoyo vu vandu yavo va kha ranji liyoko nu khwononyinya vindu , khu ya hujilila vasikali veve khu vamba Yesu. Vasikali va Varumi va landula Yesu ni va muvikha inguvu nende ikofwo yu vwami ilombelwi khu mavwa. Va mu kholela shi henyehenye ni vavola, ''Lola, mwami wa Vayahudi!''

Lukanu khurula mu Vanjeli: Matayo 26:57-27:26; Maliko 14:53-15:15; Luka 22:54-23:15; Yowana 18:12-19:16