6. Nyasaye ahanila Isaka

Lwa Aburahamu yali niyasaakhuli munonono, mwana wewe, Isaka, yali waveele musatsa mutukhu. Khu Aburahamu yaruma mulala khu varumishi veve inyuma mu shivala shia vikho veve vaamenya alerele mwana wewe Isaka, mukhali.

Ni yakhachenda luchendo lurambi khutukha wa vikho va Aburahamu vaamenya, Nyasaye yimilila murumishi khutukha khu Rabeka. Yali mwitsukhulu wa amwavo Aburahamu.

Rabeka yahujilila khulekha vandu veve ni vakalukha nende murumishi ingo wanga Isaka. Isaka ya muhila vwangu vwa yatuukha.

Luhono nu lwakhavira lurambi Aburahamu yakhutsa na kosi ka Nyasaye yali ni ya mulaaga mu Lilakana karikala khu Isaka. Nyasaye yali ni ya laaga Aburahamu alikhave nende lwivulu lu khavalizwa , nikhali mukhali wa Isaka, Rabeka shiyanyalitsa khunyola vana tawe.

Isaka ya saalila Rabeka, ma Nyasaye na hujililia aveleshe makhwana. Vana vavili yavo vakwanakana nivashili munda mwa Rabeka, khu Rabeka yareva Nyasaye shiali ni shikholekhanga.

Nyasaye ya volela Rabeka, ''Tsimbia tsivili tsilarula khu vana vavili vali mu ivi. Valayingana khutukha lwa mwikhula mukhulundu alikhave murumishi wu mushe.''

Vana va Rabeka lwa vivulwa, muyayi mukhulundu yali nu vukondo vumuchililu na maswa khu mmbili, vamukulikha lira Isahu. Ma muyayi mushe narula ilwanyi nakimili indecheye ya Isahu, na va mukulikha lira Yakobo.

Lukanu lwi Vanjeli khurula:Liraanga 24:1-25:26