25. Shitani Khuchelitsa Yesu

Vwangu Yesu ni ya khavatiswa, Roho Mutakatifu ya mwimilila khutukha khu shiangalangwi wa yali khu matukhu makhomi kanne nende vutukhu vurio khandi. Malelo Shitani ni yitsa khu Yesu amuchelitsi khukhola vwoni.

Shitani ya chelitsa Yesu khu lu khu muvolela, ''Nuli mwana wa Nyasaye, kalukhanyinya machina yaka kave mukati ukhanyanye!''

Yesu ya mu kalushitsa, ''Kahandikwa mu likhuva lia Nyasaye, 'Vandu shivenya vutswa mukati khu vamenye tawe, nikhali venyanga vuli likhuva lia Nyasaye avolanga!''

Malelo Shitani nayila Yesu havutsunzu khu Litembeli namuvolela, ''Nuli mwana wa Nyasaye, kwaa hasi, shijila ka handikwa, 'Nyasaye alaruma tsinjolosi veve ukwi khu makhono kavo vuchila shilenje shioshio khwisikarila khu lichina.'''

Nikhali Yesu ya kalushitsa shitani na rumishila kahandikwa. Yavola, ''Mu Likhuva lia Nyasaye, avolela vandu veve, 'Mu khachelitsi Mwami Nyasaye wenyu tawe.'''

Malelo Shitani namenyinya Yesu tsimbia tsiosi tsiu mwilova nende vukhumi vwatsio navola, ''Nakhuha yivi viosi nunzinamila nukhusaala.''

Yesu ya kalushitsa, ''Ndekha mbe, Shitani! Mu likhuva lia Nyasaye vandu veve vavolelwa, 'Musaale Mwami wenyu Nyasaye wonyene khandi murumishili ye wonyene.'''

Yesu shi yahujilila machelitso ka Shitani tawe, Shitani ya mu lekha. Ma tsinjolosi ni tsitsa khulinda Yesu.

Lukanu lwi Vanjeli khurula: Matayo 4: 1-11; Maliko 1:12-13; Luka 4: 1-13