12. Lirula

Vaislaheli vayanza muno nivarula Misili. Varula mu vurugwa ni vatsia mu shivala shia valakwa! Vamisili vaha Vaislaheli shiosi shia vareva, vilala khu vio viali itsahabu nende ifetsa ni viindi vinyishi via makuli. Vandi vandu khurula mu vi vala vindi va suvila Nyasaye valonda Vaislaheli ni varula Misili.

Nyasaye ya vimilila ni shimanyinyilo shia malesi kelelitswa imbeli wavo, vutukhu malesi yako kakha mulilu. Nyasaye yali navo vuli lwosi na vimilila khu luchendo. Lia venyekha khukhola nu khu mulonda.

Luhono nu lwakhavira lutititi, Faraho nende vandu veve va kalukhanyinya tsinganagani ni venya Vaislaheli vave varugwa vavo khandi. Nyasaye yalomba Faraho nava muhaaka khu vandu va menye ye naye Nyasaye Wakilikali Wonyene, khandi valole ye, Yaweh, ali nende tsingulu khuvira Faraho nende runyasaye rwerwe.

Khu Faraho nende vasikali veve valonda khu Vaislaheli va valombe khuva varugwa khandi. Lwa Vaislaheli va lola vasikali va Misili ni vitsanga, vi nyoola ni vali hakari ha vasikali va Faraho nende Inyanza Imuchi. Vali nende vuri sana ni valila, ''Shijila shina nu khurula Misili? Khutsitsanga khu khutsa!''

Musa ya volela Vaislaheli, ''Mu leshe khuva nende vuri! Nyasaye ala mu khuvanila ma mu honyinyi nunundi. ''Malelo Nyasaye na volela Musa, ''Volela vandu vachende ni vatsia khu Inyanza Imuchi.''

Khu Nyasaye ya shinga malesi hakari ha Vaislaheli nende Vamisili khulelo Vamisili va vuli khu lola Vaislaheli.

Nyasaye ya volela Musa achinji mukhono kwekwe khwi kulu khwinyanza khu matsi ki kavuli. Ma Nyasaye nachila vushindu nu vu hutsa matsi tsimbeka tsiosi, ma injila ni yi lombekha munyanza.

Vaislaheli va vira hakari hi nyanza khu lilova liumu matsi ni kashinjili khuli lisisi tsimbeka tsiosi.

Nyasaye ya sunda malesi ikulu khu shingula Vamisili valole Vaislaheli va tsitsanga. Vamisili va kanakana khu valonda maliviri.

Khu, valonda Vaislaheli khuvirila khu injila yali nilombeshe munyanza, Nyasaye yalomba Vamisili ni vatechela nalomba makare kavo ni kahanda. Valanjilila, ''Ilushi! Nyasaye akhuvanila Vaislaheli!''

Lwa Vaislaheli vali ni va khambukha vulayi khutukha injelekha wundi wi nyanza, Nyasaye ya volela musa alunjishitsi mukhono khandi. Lwa yakhola ario matsi kakwa khu vasikali va Misili ni kakalukha ha kavetsanga. Vasikali vosi va Misili vakhutsa mu matsi.

Lwa Vaislaheli valola Vamisili ni vakhutsi, vasuvila mu Nyasaye khandi ni vamenya Musa nu muloli wa Nyasaye.

Vaislaheli vasangala nu vuyanzi vunyishi shijila Nyasaye uvarulitsi mu likhutsa khandi mu vurugwa! Na valakhuuli vu khu rumishila Nyasaye. Vaislaheli vimba tsi nyimbo tsinyishi ni vasagala khu vulakhuli vwavo vuyia ni vitsominya Nyasaye khu lu khu vahonyinya khurula khu vasikali va Misili.

Nyasaye ya volela Vaislaheli va sangalili ipasaka vuli muhika khulelo vi tsushitsi khuli Nyasaye ya vaha likura khu Vamisili khandi na va rulitsa mu vurugwa. Vasangala khu lukhwira shimeme shilunji, valii nende mukati ku vula mu mamela.

Lukanu lwi Vanjeli Khurula: Lirurula 12:33-15:21