40.Yesu Uvambilwi

oVasikali ni va kha kholela Yesu shi henyehenye, va muhila ihale wa va mu vambila. Va mu chingitsa musalaba kwa akhutsila khu.

Vasikali vayila Yesu avundu alangwa ''Shihanga'' ma ni va khomela vilenje vwevwe na makhono khu musalaba. Nikhali Yesu ya vola, ''Tata, va vele, shijila shi va menyi shia va khola tawe.'' Pilato ya vavolela va handichi, ''Mwami wa Vayuda'' khuli shi menyinyilo ma va vishi khu musalaba ha murwi kwa Yesu.

Vasikali va khuvila isimbi tsinguvu tsia Yesu. Lwa va khola yaka, va rweshitsa vuloli vu vola, ''Vi kavanila tsinguvu tsianje, khandi va khuvila tsinguvu tsianje isimbi.''

Yesu ya vambilwa hakari ha vivi va vili. Mulala khu vivi yava ya kholela Yesu shi henyehenye, nikhali hundi ya vola, ''Shuli nu vuri khu Nyasaye tawe? Khutsi khuli na makoso nikhali mundu wuyu shiali ni likoso tawe,'' Malelo na volela Yesu, ''Nuyanza u nzitsushitsi mu vwamini vwovwo.'' Yesu ya mukalushitsa, ''Nunundi khu lava nivi mu Paradiso.''

Vimilili va Vayahudi nende vandu vandi vali mu shituma va kholela Yesu shi henyehenye. Va mu volela, ''Nuva nuli Mwana wa Nyasaye, yikhulukha khu rula khu musalaba ivi mwene! Khu lelo khu khusuvili.''

Malelo likulu ni liva shisundi mu lusomo lwenolo lwosi, yali mu lidukhu hakari. Shisundi shiaranga saa sita ziu mbasu nishimala masaa kavaka.

Malelo Yesu na lila na vola, ''Luvwele! Tata, mbananga roho kwanje mu makhono koko.'' Malelo ni yi naminya murwi kwekwe ma mwoyo nu ku rula muye. Lwa ya khutsa, shivala shia techela ma ipasia yahukhanyinya vandu nende Nyasaye mu Litempeli ni yatikha khali kha vili khu rula ikulu khu tukha hasi.

Khu virila mu li khutsa lielie, Yesu yi kula injila ya vandu khu tukha khu Nyasaye. Lwa musikali wali na lindi Yesu ya lola kosi kali ni ka kholeshe, ya vola, ''Kilikali, mundu wuyu a vula likoso. Yali Mwana wa Nyasaye.''

Malelo Yosefu nende Nikodemo, vimilili va Vayahudi vavili vali ni va suvila Yesu ni Muhonyi, va reva Pilato a vahe muvili kwa Yesu. Va linjila muvili mu inguvu ni va kuvikha mu shilindwa shiali ni shi lombelwi mwichina. Malelo ni va kolongominya lichina likali ni li khunikha vwinjililu vwi shilindwa tsana.

Lukanu lwi Vanjeli khurula: Matayo 27:27-61; Maliko 15:16-47; Luka 23:26-56; Yowana 19:17-42