11. Khuvira khu

Nyasaye yi valila Faraho vu ni yakhavuli khulakhula Vaislaheli vatsia, alira vuli munzu mwana nende muruku musatsa kwimbeli. Lwa Faraho yahulila yaka ya tsililila khuvula khuria nu khu hulila Nyasaye.

Nyasaye yalomba injila yu khu honyinya vayayi vakhulundu va yavo vosi va musuvila. Vuli inzu yenyekha khu vukula likondi lilayi mu kosi ma liirwi.

Nyasaye yavolela Vaislaheli va veshe musayi kwi likondi khu muliango kwi inzu yavo, vasambe inyama ma valii vwangu nende mukati ku lombelwi vujila mamela. Khandi ya va volela virejeshe khurula Misili nivakhalia.

Vaislaheli vakhola vuli shindu khuli Nyasaye yali na va volele vakhole. Mu vutukhu hakari Nyasaye yachenda Misili wosi ni yira vuli mwana wi shiyayi wu khuranga.

Khu Nyasaye asiili miliango chia Vaislaheli, vuli inzu yali ya vekhwa musayi khundulu khu muliango. Vuli mundu yali mukari yahona. Vahonyinywa nende musayi khwi likondi.

Nikhali Vamisili shi vasuvila nu khuria malako ka Nyasaye tawe. Khu Nyasaye shi ya vira khu tsinzu tsiavo tawe. Khu Nyasaye yira vuli mwana muyayi mu khulundu wu mu Misili.

Vuli muyayi wivulwa imbeli wu mu Misili yakhutsa, khurula khu mwana wu khuranga wu muvoye, khutukha khu mwana wu khuranga wa Faraho. Vandu vanyishi mumisili valilanga nu khwikhula shijila vali ni shivelo shinyishi.

Vutukhu vwenovo, Faraho yalanga Musa nende Haruni na vavolela, ''Vukuli Vaislaheli muruli mu Misili vwangu!'' Vandu va Misili khandi vavolela Vaislaheli vasimushi vwangu.

Lukanu lwi Vanjeli Khurula: Lirula 11:1-12:32