21. Nyasaye alaka Muhonyi
Khurula mu liranga liene, Nyasaye yenya khuruma Muhonnyi. Khulaka khu Muhonyi khu khuranga khwitsila Adamu nende Hawa. Nyasaye yalaaka vu, mu lwivulu lwa Hawa alitsa khwivulwa ulituvula murwi kwi nzukha. Inzukha ya vehela Hawa ni shitani. Lilaaka liamenyinya vu Muhonyi ya kha kuri shitani koro.
Nyasaye ya laaka Aburahamu khu virila khuye, vandu vi tsimbia luganu nu luganu mwilova liosi vakhanyoli vukasu. Vukasu yuvu vwakhanyoleshe muhonyi ni ya khitsa mu matukhu kitsanga. Yakhanyalitsi vuli vandu khurula mu vuli vikwenyi viosi vililova vahonyinywi.
Nyasaye yalaaka Musa vu alikhasinjilitsi muloli wundi khuli Musa. Yili ni lilaaka lindi lia Muhonyi wakhitsi mu matukhu kandi hambeli.
Nyasaye yalaaka mwami Daudi vu mulala khurula mu lwivulu lwelwe alikhamihi khuli mwami khu vandu va Nyasaye mihika ni mihika. Yaka ka menyinya vu Muhonyi alikhave mu lala khu lwivulu lwa Daudi mwene.
Khuvirila khu muloli Jelemia, Nyasaye yalaaka vu alikhalombe lilakana liyia. Nikhali shiliakhavele menye lilakana lia Nyasaye yalomba nende Vaislaheli ha Sinayi tawe. Mu lilakana liyia, Nyasaye yakhahandichi malako keke mu mwoyo chia vandu. Vandu va kha menyi Nyasaye vene, ma vave vandu veve malelo Nyasaye avahonyinyi vwoni vwavo. Muhonyi ya kha ranjitsi Lilakana Liyia.
Valoli va Nyasaye vavola vu Muhonyi yakhavele muloli, musalisi khandi mwami. Muloli nu mundu uhulishitsa makhuva kaNyasaye malelo atsia khu loshitsila vandu makhuva ka Nyasaye. Muhonyi wa Nyasaye yalaaka ya kha vele muloli mulunji.
Vasalisi va Vaislaheli vakholela Nyasaye milukha khu vandu vavuli khunyola matiinyu khu londokhana khu vwoni vwavo. Vasalisi khandi vasaalila vandu khu Nyasaye. Muhonyi ya kha vele musalisi mukali utushili wa khirulitsi mwene khuva mulukha kutushili khu Nyasaye.
Vami vi shivala valindanga vikha vitititi via Vandu ma khandi lulala vakhola tsimbi. Nikhali Mukhonyi uli lwivulu law Daudi, yakhamihi lilova liosi mihika ni mihika, khukhalachila vandu mu vulunji nende khurweshitsa katoto.
Valoli va Nyasaye vamanyinya vindu vinyishi khulondakhana khu Muhonyi. Muloli Malachi yamanyinya vu alitsa khwitsa muloli mukali uliranjilila Muhonyi. Muloli Isaya yalola vu Muhonyi alitsa khwivulwa nende mukhali muchima. Muloli Mika yalola vu alitsa khwivulwa mu lidala lia Betselehemu.
Muloli Isaya yavola Muhonyi yakhamenyi Galilaya, ayanzitsi yavo valeminywa mwioyo, areve vulakhuli khu vachimilwa nu khuvoholola vavohe. Khandi yamenyinywa vu Muhonyi yakhahonyinyi vandu valwale nende yavo vakhanyalitsi khuhulila, khulola, khulomoloma, noho khuchenda.
Muloli Isaya khandi yalola vu Muhonyi alalolelwa imbotokha vuchila shivune nu khwambakhanwa. Valoli vandi valola vu yavo valiira Muhonyi valikhakhuvili isimbi tsinguvu tsietsie. Khandi alikhatsamwi nende mulina. Muloli Zakaria yalola vu mulina yakhahelwi ifetsa vitonye makhomi kavaka khuli murungu kukhutsama Muhonyi.
Valoli khandi valola khuli Muhonyi alikhutsa. Isaya yalola vu, vandu vakhamusutsili mare, vamukholele shihenyehenye, nende khurumula Muhonyi. Vakhamurotsi mayakhutsa khuvirila mu isalilu indulu, naye nakhali nilikoso liosi.
Valoli vavola Muhonyi yakhavele utushili, ukhali nende vwoni. Yakhakhutsi shijila Nyasaye yenya akhutsili vwoni vwa vandu. Ni yakhakhutsa vandu valava nende milembe na Nyasaye. Khu lwa yako vwali vuyanzi vwa Nyasaye Muhonyi yiirwi.
Valoli valola Muhonyi yakhakhutsi ma Nyasaye amusinjilitsi khurula mu vakhutsu.kamenyinyanga vu vwali vuyanzi vwa Nyasaye khulomba Lilako Liyia khulelo ahonyinyi vandu vali nivamukholela vwoni.
Nyasaye yamenyinya valoli vindu vinyishi khulondokhana khu Muhonyi, nikhali avula khu khuvo wa Muhonyi yitsa mu matukhu keke tawe. Khu luhono lwi mihika 400 vuloli vu khumalishitsa nu vwakhahanwa, khu vwiyangu vwali nuvwahanwa, Nyasaye yakharumi Muhonyi mu lilova.
Lukanu lwi Vanjeli khurula: Liraanga 3:15; 12:1-3; Litsushitsa 18:15; 2 Samweli 7; Jelemia 31; Isaya 59:16; Danyeli 7; Malachi 4:5; Isaya 7:14; Mika 5:2; Isaya 9:1-7; 35:3-5; 61; 53; Tsaburi 22:18; 35:19; 69:4; 41:9; Zakaria 11:12-13; Isaya 50:6; Tsaburi 16:10-11