49. Lilakano lia Nyasaye liyia

Injolosi yavolela mukhana muchima walangwa Mariya vu alikhivula mwana wa Nyasaye. Khu nashili muchima injolosi ya mu loleshela ma na velekha. Yivula mwana muyayi ma na mulanga Yesu. Khu lwa yako Yesu Ali mu khavili, Nyasaye khandi mundu.

Yesu ya khola manyishi ku khu chenyinya ka menyinya ni Nyasaye. Ya chenda khu matsi nu Khu honjelitsa vivunjetsi. Ya honyinya valwale vanyishi nu khu rulitsa madimoni khurula mu vandi vanyishi. Ya vushitsa vakhutsu ni vakalukha valamu, malelo na kalukhanyinya mikati chiranu nende tsisutsi tsindititi tsivili khuva shukhulia shitukha vunyishi vwa vandu 5,000.

Yesu khandi yali mwechitsi mukali. Vili shiosi shia yechitsa , yechitsa vulayi. Vandu venyekha valonde ka yechitsa shijila nu Mwana wa Nyasaye. Ya vola vu, wenyekha u yanze vandu vandi khuli wi yanza mwene.

Khandi yechitsa wenyekha u yanze Nyasaye khuvira shindi shindu shiosi, khuvira khali mwandu chiochio.

Yesu ya vola nu vulayi khuva mu vwami vu mwikulu Khu vira khuva ni shindu shiosi shili khwilova. Nyasaye khutukha a Khu honyinyi mu vwoni vwo vwo, Khu lelo winjili mu vwamihi vwevwe.

Yesu ye chitsa vu vandu valala va la mwiyema ma va honyinywi, nikhali vandi shi va la mu hujilila tawe. Ya vola vandu va lala vali manye li lova li layi, shijila va hulila makhuva malayi ka Yesu ma Nasayea va honyinya. Nikhali vandi vandu vali khuli li lova litinyu liu khunjila. Likhuva lia Nyasaye Lili khuli khuli vukhutsa vu kwitsa Khu njila ma vu vula Khu mela. Vandu yavo vambakhana vurume khu londokhana khu Yesu. Vambakhana khwinjila mu vwamihi vwevwe.

Yesu yechitsa vu Nyasaye wa yanza voni muno. Yenya khu va vela ma a vakhole vana veve.

Yesu khandi ya khu volela vu Nyasaye shia ya yanza vwoni tawe. Shijila Adamu nende Hawa va khola vwoni,vitsikhulu vavo vosi na voni. Vuli mundu Khu lilova nu mwoni khandi hambi na Nyasaye tawe. Vili mulala nu mutsiku wa Nyasaye.

Nikhali Nyasaye yayanza vuli mundu uli mu lilova mu injila yiyi: yahana vutsa mwana wewe mulala, Nyasaye shia litambitsa yavo va khasuvila tawe, valikha menye naye mihika ni mihika.

Utushili khu khutsa shijila uli mwoni. Vwa khavele vulayi Nyasaye khu khu lechela nikhali ya lechela Yesu ha vukono wowo. Yesu yirwa Khu lu khu vambwa khu musalaba.

Yesu shi yakhola vwoni tawe, nikhali ya hujilila khu salilitswa.Ya hujilila Khu khutsa. Mu injila yiyi yali mulukha mulunji ku khurulitsa vwoni vwovwo nende vwoni vu mundu hundi wosi Khu li lova.Yesu yikhola mulukha Khu Nyasaye, Khu Nyasaye ahonyinya vwoni vwosi, khali vwoni vukali muno.

Mihinzi milayi ma chikhuhonyinyi tawe. Shi vula ho shia wa kha khola khulelo u hulishitsane na Nyasaye tawe. Wenyekha usuvili vu Yesu nu Mwana wa Nyasaye na yakhutsa khu musalaba havukono wowo, na Nyasaye na murulitsa mu vakhutsu khandi. Nusuvila mu yaka Nyasaye alakhu vela Khu lu Khu khola vwoni.

Nyasaye alahonyinya vuli mundu usuvila Yesu ma amuvukula khuli Mwami wewe. Nikhali shia li honyinya yavo vosi vakha mu suvila tawe. Shi ka henditsa nuli muhinda noho mutakha, musatsa noho mukhali, mu hindila noho mwana, inoho wa u menyanga tawe. Nyasaye wa khuyanza na yenyanga u suvili mu Yesu khu ave mulina nende ivi.

Yesu akhulanganga umusuvili ma uvatiswi. Usuvila Yesu neye Masiha, Mwana wa Nyasaye mulala? Usuvila uli mwoni na wenyekha Nyasaye akhuhe isalilitso? Usuvila Yesu yakhutsa khu musalaba narulitsa vwoni vwovwo?

Nu suvila mu Yesu nende ka khu kholela, uli mukrisitayo! Shu shili khandi mu vwamihi vwi shisundi vwa shitani tawe. Nyasaye akhwamiha mu vwamihi vu vulavu. Nyasaye wa khu sinjilitsa vwoni, vwa wakhola. Wa khuha injila impia inunji you Khu menya.

Nuva nuli mukrisitayo, Nyasaye wakhuleshela vwoni vwovwo khu londokhana khu ka Yesu ya khola. Khu lwene yulu, Nyasaye a khu lola menye mulina wa a himbi havukono hu mutsiku.

Nuli mulina wa Nyasaye ma muhinzili wu Mwami Yesu, wa lenyekha uri ka Yesu a khwekitsanga. Khali nuli mukrisitayo, wa la chelizwa khu khola vwoni. Nikhali Nyasaye vili lwosi akhola ka vola alakhola. Avona nu wiyema vwoni vwovwo a la khu vela. Alakhuha tsingulu tsiu khulwana vwoni.

Nyasaye akhuvolela usaale, malelo weche likhuva lielie. Khandi avola usaale nende vakrisitayo vandi. Khandi wenyekha uvolele vandi vandu ka ya khu kholela. Nu khola vindi yivi viosi, walava mulina mukali wewe.

Lukanu lwi Vanjeli khurula: Varoma 3:21-26, 5:1-11; Yowana 3:16; Maliko 16:16; Vakolosia 1:13-14; 2 Vakorinzo 5:17-21; 1 Yowana 1: 5-10