26.Yesu Yaraanga Muhinzilu Kwekwe

Niyakhakura machelitso ka Shitani, Yesu ya kalukha mu lusomo lwa Galilaya wa ya menyanga mu tsingulu tsia Roho Mutakatifu. Yesu yatsia vuli avundu niyilwatsa. Vuli mundu ya lola nu vuli vulayi.

Yesu yatsia mu litaala lia Nazareti wa ya menya na shili mwana. Khu litukhu Lisabato, yatsia ha vundu hu khu saala. Ya helwa ma handiko ku muloli Isaya a some. Yesu ya khunula ma handiko kene yako nasomela vandu.

Yesu yasoma, ''Nyasaye umbele Roho kwekwe khulelo nzilwazili va manani makhuva malayi, vu voholole khu va vohe, li lola khu vavekhu, nende vulakhuli khu vatambitswangwa. Yuvu navwo vwiyangu vwa khunyola tsimbavasi nu vukhonyi khurula khu Mwami."

Yesu yikhala hasi. Vuli mundu ya mu henza. Vamenya vu luvaso lwa yali na somi lwa lomaloma khu Muhonyi. Yesu yavola, ''Makhuva ka mwa kha hulila ni soma yaka ki kholekha lwene yulu.'' Vandu vosi vali nu vuchenyi. Varevana, ''Wuyu shiali mwana wa Josefu?''

Malelo Yesu navola, ''Ni ka toto muloli shia hujililwa mu litaala lia rulamu tawe. Tsinyinga tsiu muloli Ilichia, khwali nende vakhayo vaalekhwa vanyishi mu Isilaheli. Nikhali lwa shimiyu shiavira khu mihika chivaka nende inusu, Nyasaye shi yaruma Ilichia khu khonya mukhayo mu lekhwa wa Islaheli tawe. Nikhali ya mu ruma khu mukhayo mu lekhwa khurula mu shivala shindi.''

Yesu ya tsilillila khuvola, ''Na mu matukhu ku muloli Ilishia khwali nende vandu vanyishi vu vulwale vu vuchele. Nikhali Ilishia shi ya va honyanya khali mulala wavo tawe. Yahonyinya vutsa Namani wali mwimilili wa vatsiku va Isilaheli. Vandu vali niva hulishitsa Yesu nalomaloma vali Vayahudi. Shi va yanza ka yavola tawe, vamulechela.

Vandu va Natsareti vakhwesa Yesu khurula ha vundu hu khu sala nivamulera haluchinga hulukova khu vamuswuvi akhutsi. Nikhali Yesu yachenda mushituma shia vandu yesho narula Natsareti.

Malelo Yesu nachenda mu lusomo liosi lwa Galilaya.Shituma shia vandu vanyishi shia mulonda. Valera vandu vanyishi vali valiale nu vuleme, vu khuvula khulola, khu chenda, khu hulila inoho khu lomoloma. Yesu ya vahonyinya.

Vanyishi va vandu vali nende matimoni valerwa khu Yesu. Khu likondekha lia Yesu matimoni karula mu vandu. Na vuli liosi kalanjilila, ''Uli mwana wa Nyasaye!'' Shituma shia vandu vali ho shiali nu vuyanzi nivasaala Nyasaye.

Malelo Yesu narovola vandu likhomi na vavili va yalanga vechi veve. Vechi vachenda nende Yesu ni veka khurula khuye.

Lukanu lwi Vanjeli khurula: Matayo 4:12-25; Maliko 1:14-15,35-39; 3:13-21; Luka 4:14-30, 38-44