46. Pahulu Ukholeshe Mukrisitayo

Khwali ho nu musatsa walangwa Sahulu. Shi ya suvila mu Yesu tawe Shiyasuvila mu Yesu tawe. Nashili muvukha yalinda tsi kanzu tsia vandu vira Shitefano. Lwi nyuma, ya tambitsa yavo va suvila.Ya chenda inzu khurula Khu Indi mu Yerusalemu na kimila vandu vosi vasatsa Khu vakhali nu Khu va yila mu jela. Musalisi Mukali yi yemela Sahulu khutsia mu lidala lia Damasika akimili vakristayo valiyo nu khu va ka lushitsa Yerusalemi.

Sahulu nali khunjila na tsitsanga Damasika, vulavu vunyishi khurula mwikulu vwakha wa yali, ma nakwa hasi. Sahulu ya hulila mundu na vola, ''Sahulu! Sahulu! Shijila shina untambitsanga?'' Sahulu ya reva, ''Nivi vina, Mwami?'' Yesu yamukalushitsa, ''Ninzi Yesu. Utambitsanga inzi!''

Lwa Sahulu ya vukha, shi ya nyalitsa khu lola tawe. Valina veve va mu khonyanila khwinjila mu Damasika. Sahulu shi yalia inoho khung'wa shindu shiosi khu madukhu kavaka tawe.

Khwali ho nende mulondi wa Yesu mu Damasika ya langwa Anania. Nyasaye ya mu volela, ''Tsia munzu mwa Sahulu amenya. Vikha mikhono chiochio khuye khu lelo alole khandi.'' Nikhali Anania ya vola, ''Mwami, na hulila khuli mundu wuyu atambitsa vasuvila.'' Nyasaye ya mu kalushitsa, ''Tsia! Murovole atangase lira lianje mu Vayahudi nende vandu vi tsimbia tsindi. Alasalila muno shijila lira lianje.''

Khu Anania yatsia khu Sahulu, na mu vikha khu makhono, na vola, ''Yesu, u khu loleshele khunjila nu witsa yinu, a ndumi khu ivi khu lelo u kalushitsi li lola nu khwitsulitswa Roho Mutakatifu.'' Heneyaho Sahulu ya nyalitsa khu lola khandi, ma Anania na muvatisa. Malelo Sahulu na kalushitsa tsingulu ni ya khalia khu shukhulia.

Khu vwangu yovo, Sahulu ya ranga khwilwatsila Vayahudi vali Damasika, na vola, ''Yesu nu Mwana wa Nyasaye!'' Vayahudi vali nu vuchenyi khu lola vu mundu wa chelitsa khwononyinya vasuvila khali ye khandi u suvili mu Yesu! Sahulu ya lomolominya vayahudi, khu vamenyinya vu Yesu ni Masiha.

Matukhu manyishi ni ka khavira, Vayahudu va kanakana khwira Sahulu. Varuma vandu khutsa khu mu lindila mu vwinjililu vwi lidala khu lelo va mwiri. Ni khali kakwa Sahulu mu marohi, ma valina veve ni va mu khonyanila khwilukha. Vutukhu vu lala va mu vikha mu shikabu ni va mu lakhulila khu lisisi li lidala. Sahulu ni ya kharula Damasika, ya tsililila khwilwatsa khu londokhana khu Yesu.

Sahulu yatsia Yerusalemi khu vukana nende valondi va Yesu nikhali va muria. Ma mulala khu vasuvila wa langwa Baranaba na yila Sahulu khu varumwa na va volela khuli Sahulu yali ni yi lwatsi Damasika vuchila khuria. Khurula a wene yaho, valondi va Yesu va hujilila Sahulu.

Vasuvila valala vali ni vilukha khu tambitswa mu Yersalemi va tsia ihale mu lidala lia Antoko ma ni vi lwatsa yo khu londokhana khu Yesu. Vanyishi mu vandu va Antoko shi vali vayahudi tawe, khu lu khuranga, vanyishi khuvo va suvila. Baranaba nende Sahulu vatsia yo khwekitsa vasuvila vayia yavo khu londakhana khu Yesu khandi khu vikha tsingulu mu likanisa. Mu Antoko namwo mwa vasuvila mu Yesu va ranga khu langwa ''Vakrisitayo.''

Litukhu li lala Vakrisitayo va Antoko vali ni vi yimi lilia nu khusala, Roho Mutakatifu nu ku va volela, ''Mulombe vwi yangu vwanje Baranaba nende Sahulu va khole mihinzi chia na va langa va khole.'' Khu li kanisa lia Antoko lia salila Baranaba nende Sahulu ni va vikha mikhono chiavo khuvo. Ma ni va varuma khutsia khwilwatsa makhuva malayi khu londakhana khu Yesu yi vundu hundi. Baranaba nende Sahulu vechitsa vandu va nyishi, na vandu va nyishi khu rula mu tsimbia tsi nyishi va suvila Yesu.

Lukanu lwi Vanjeli khurula: Vikholwa 8:3; 9:1-31; 11:19-26; 13:1-3