50. Yesu Akalukha

Khu mihika chitukha 2,000, vanyishi mu vandu vali mu lilova va hulilenje makhuva malayi khu londakhana khu Yesu Muhonyi. Likanisa lia tsililile khu kaliya. Yesu ya laka vu ya kha kalushi lilova ni li vwetsanga. Ashili khwitsa khu lwene yulu, nikhali a li kha rweshitsi ka ya laka.

Nu khu shi lindilili Yesu a kalushi, Nyasaye yenya khu menye mu injila indakatifu nende yu khu muha luyali. Yenya khandi khu volele vandi khu londakhana khu vwamihi vwevwe. Lwa Yesu ya menya khu lilova ya vola, ''Veechi vanje va li lwatsa makhuva malayi khu londakhana khu vwamihi vwa Nyasayekhu vandu mu lilova liosi, malelo limalilikha litsi.''

Tsimbia tsia vandu tsi nyishi tsi shili khu hulila khu londakhana khu Yesu tawe. Nashili khu kalukha mwikulu, Yesu ya volela vakristayo va tangase makhuva malayi khu vandu vashili khu hulila. Ya vola, ''Tsi mulombe veechi mu vandu vi tsimbia tsiosi!'' khandi, ''Virakwa via tukha viu khu vunwa!''

Yesu khandi ya vola, ''Mukholi shiali mukali khu vira mwami wewe tawe. Vandu vu luyali Khu lilova linu va ndolela imbotokha, khandi va la mu salilitsa ma va mwiri shijila inzi. Khu lilova linu mu la salila nikhali mwihe tsingulu shijila nakura shitani, wamiyanga lilova linu. Nu mu tsililila khuva vasuvila mu inzi khu tukha mu limalishitsa, Nyasaye a la muhonyinya.!''

Yesu ya volela veechi veve lukanu khu vamenyinya shi li kholekha lilova nilivwa. Ya vola, ''Mundu ya raka vukutsa vulayi mu mulimi mwemwe. Lwa yali nakoni, mutsiku wewe yitsa naraka vukutsa vu vulimu halala nende vukutsa vwi ngano, malelo na rula mu.''

''Lwa viragwa via mela , va yinzili vu mundu woyo va vola, 'Mwami, waraka vukutsa vulayi mu mulimi. Khu shijila shina vuli nu vulimu?' Mwami ya kalushitsa, 'Na vatsiku vanje vonyene vanyela khuva ni vavuraka. Nu mulala khu vatsiku vanje wa khola kene yako.'''

''Vayinzili va mu kalushitsa mwami wavo, 'Khu nyela khwiya vulimu?' Mwami ya vola, 'Tawe. Nu mukhola murwo mwa lihila mu inganu khandi. Mulindi khutukha mu li vuna ma mu vunjelitsi vulimu halala vwa sambwa. Ma mulere inganu mu shiaji shianje.

Veechi shivamenya shia lukanu lwa vola tawe, khu vareva Yesu a vi valili. Yesu yavola, ''Mundu waraka vukutsa vulayi ni Masiha. Mulimi ku sinjililanga shivala. Vukutsa vulayi vu sinjililanga vandu vu vwamihi vwa Nyasaye.''

''Vulimu vu sinjililanga woyo mwoni. Mutsiku wa raka vulimu a sinjililanga shitani. Livuna li sinjililanga khumalilikha khwi li lova, na va vuni va sinjililanga tsinjelosi va Nyasaye.''

''Lwa lilova livwa, tsinjolosi va la vunjelitsa vandu vosi va shitani a varelwi mu mulilu munyishi. Va li khalili nu khumenena mino mu lisalila liu khurishitsa. Na yavo valunji, valondi va Yesu,vali khang'ang'e khuli liuva mu vwamihi vwa Nyasaye Tata wavo.''

Yesu khandi yavola a li khakalushi khu shivala lilova ni li shili khuvwa. A li khakalushili mu injila ya yatsila mu, ivolanga, a li khave muvili ku lolekha na a li khi tsili khu malesi ikulu. Lwa yesu alitsa, vuli mukrisitayo wa khutsa a li khavushi mu vakhutsu nu khu vukanila Yesu ikulu.

Malelo vakrisitayo va shili mwoyo va li kha tsili mwikulu khu tsukana nende vakrisitayo vandi varula mu va khutsu. Vosi va li khave nende Yesu iweneyo. Kene yako ni ka khavira, Yesu ya khamenyi nende vandu veve mu vulunji vwi milembe nende vulala mihika ni mihika.

Yesu yalaka vu a li khahe itaji khu woyo wosi u mu suvila. Va li khamenye nu khwamiha na Nyasaye mu vulunji vwi milembe mihika ni mihika.

Nikhali Nyasaye a li kha khalachili vuli woyo wosi u kha suvila mu Yesu tawe. A li kha vasuvi mu shihatisi.Mwene yomo valitsa khulila nu khu khwayula mino mu lisalila mihika ni mihika. Mulilu ku kha tsimanga tawe, ku li kha tsililili khu vasamba, na milambo shi chi li lekha khu valia tawe.

Lwa Yesu a kalukha, a lononyinya shitani nu vwamihi vwevwe vwosi. A li kha muswiuvi mu shihatisi wa aliyia mihika ni mihika. Halala nende yavo vi yema khu mulonda ha vukono hu khu hulila Nyasaye.

Shijila Adamu nende Hawa va vula khu hulila Nyasaye ma ni valera vwoni khu lilova yili, Nyasaye ya li lama ma na kanakana khu liononyinya. Nikhali litukhu lilala Nyasaye ya kha lombi likulu liyia nende shivala shiyia shi liva shilunji.

Yesu nende vandu veve va li kha menye khu shivala shiyia, na a li khamihi vuli shindu shi menyanga mihika ni mihika. Alitsa khweya vuli mulika khurula mu tsimoni tsia vandu. Shiali ho nende u li leka nu Khu saalila khandi tawe. Shi va li lila tawe. Shi va li lwala inoho khu khutsa tawe.Vutamanu vwosi shu vuli va yo tawe. Yesu a li khalindi vwamihi vwevwe mu milembe nu vulunji, khandi alitsa khuva na vandu veve mihika ni mihika.

Lukanu lwi Vanjeli khurula: Matayo 24:14; 28:18; Yowana 15:20, 16:33; Likhunula 2:10; Matayo 13:24-30, 36-42; 1 Vatsesolonike 4:13-5:11; Jemesi 1:12; Matayo 22:13; Likhunula 20:10, 21:1-22:21