9. Musa alangwa na Nyasaye

Yosefu ni ya khakhutsa, vikho veve vosi vamenya Misili. Vo nende tsi nzivulu tsiavo vatsililila khumenya iweneyeyo khu mihika minyishi khandi vali na vana vanyishi. Valangwa vaisilaheli.

Mihika tsimia ni chiakhavira, Vaisilaheli vali va veele vanyishi munonono. Vamisili shi vaitsushitsa khandi Yosefu nende kayali niyakhola khu vakhonya tawe. Varia Vaisilaheli shijila vali vavele vanyishi. Khu Faraho wali ni yamiya Misili matukhu keneyako yalomba Vaisilaheli Varugwa khu Vamisili.

Vamisili va minilitsa Vaisilaheli khumbakha tsinzu tsinyishi khali madala makhongo. Ikasi indinyu ya valomba vateteshela mu vulamu, nikhali Nyasaye ya vakasitsa, makhali ni vanyola vana vanyishi.

Faraho yalola Vaisilaheli ni vanyola vana vanyishi, khu ya volela vandu veve viiri vana vayayi vosi va Vaisilaheli khu lu khu vasiuva mu Muchela kwa Naili.

Mukhali mulala Muisilaheli yivula mwana muyayi. Ye nende musatsa wewe va visa mwana khu luhono lwa vanyalitsa.

Vivuli vu muyayi lwa va khanyalitsa khu tsililila khu muvisa, va muvikha mu shikabu ni vashivikha mu lise khu lujinga lu Muchela kwa Naili, Khu avuli khwirwa. Mbotso wewe mukhulundu yahenzelitsa alole shi kholekha khuye.

Mukhana wa Faraho Yalola shikabu na henzamu. Lwa yalola mwana, ya muvukula khuli wewe. Yarovola mukhali Muisilaheli alindi mwana, vujila khumanya ni nyina mwene mwanayo ta. Lwa mwana yali nali muhindila ukhenya maveele ka nyina, yamukalushitsa khu mukhana wa Faraho; wamukulikha Musa.

Litukhu lilala Musa niyatushi, yalola Mumisili nakhuva murugwa Muisilaheli. Musa yachelitsa khuhonyinya Muisilaheli weshie.

Musa nabara mundu shia mulola, yira Mumisili nayevela muvili kwekwe. Nikhali mundu yalola ka Musa yali nakholi.

Lwa Faraho yahulila ka Musa yali nikholi, yacheliza khu mwira. Musa yilukha khurula Misili natsia mwichendanyama wa vasikali va Faraho vakhamunyola.

Musa yakwa mwayi mwichendinyama ihale khurula Misili. Yahila mukhali khurula iweneyo nivanyola vana vayayi vavili.

Litukhu lilala Musa niyayitsa makondi, yalola shisakha shihitsanga. Nikhali shisakha shienesho shishialala tawe. Musa yatsia wa shisakha shiali khu ashilole vulayi. Nali hambi ni shisakha shiyitsanga, mwoyo kwa Nyasaye kwa vola, ''Musa rulitsa vilaro. Usinjili havundu hatakatifu.''

Nyasaye yavola, ''Ndoli lisalila lia vandu vanje. Nakhuruma khu Faraho khulelo ulere Vaisilaheli ilwanyi wu vurugwa Mumisili. Navaha shivala shia Kanaani shivala shia nalaga Aburahamu, Isaka, nende Yakobo.''

Musa yareva, ''Vandu nivandeva nivina wundumi, nimbole ndina?''Nyasaye yavola, ''NINZI ULI INZI'' Vavolele, 'INZI ' andumi khu munyi.' Khandi vavolele, 'Ndi Yawe, Nyasaye wa vakuga vavo Aburahamu, Isaka, nende yakobo. 'Yili ni lira lianje mihika ni mihika.''

Musa yali nu vuri yakanakana shianyala khulomaloma vulayi khu Faraho tawe, Nyasaye yaruma amwavo wewe Haruni, amukhonye. Nyasaye yakhuvilitsa Musa Nende Haruni vu Faraho yakhavele muhingani.

Lukanu lwi Vanjeli khurula: Khurula 1-4