32. Yesu Ahonyinya Mundu wa Madimoni kamenyu mu & Mukhali Mulwale

Litukhu lilala , Yesu nende veechi veve vanina liaro vambushi inyanza khuzia wa vandu va Geraseni vamenya.

Lwa vatukha luveka lundi lwi inyanza, mundu wa madimoni kali mu yitsa khu Yesu niyilukhakanga.

Mundu wuyu yali ni tsingulu avula ho mundu wa khamunyali tawe. Vandu vachelitsa khuvoha makhono nende vilenje vievie ni minyololo ni khali yali wa menya ni ya kutula.

Mundu woyo ya menyanga mu vilindwa viali mulusomo lwenolo. Mundu woyo ya lila mbasu kwosi nende vutukhu vwosi. Shi yafwala tsinguvu tawe na yali wa menya ni yi khalaka na machina.

Lwa mundu woyo yitsa khu Yesu yakwa imbeli wewe khu masikamo keke.Yesu ya volela lidimoni, ''Rula mu mundu wuyu!''

Mundu wali ni lidimoni ya lanjilila na vola, ''Unyenyela urina, Yesu Mwana wa Nyasaye Munyali wi Viosi? Nuyanza wa kha salilitsa tawe!'' Malelo Yesu na reva lidimoni, ''Ulangwa urina?'' Lia mu kalushitsa, nangwangwa lechoni, shijila khuli vanyishi.'' (''Legioni'' shiali shituma shi tsielefu tsia valwani va Varumi.)

Madimoni ka saala Yesu, ''Nu yanza wa kha khurulitsa mu lusomo yulu tawe!'' Kwali ho nende shiayo shi tsingulume hambi nende shikulu. Khu madimoni ka saala Yesu , ''Nu yanza khurumi mu tsingukume yetso!'' Yesu yavola, ''Nu vulayi tsi mu tsio!"

Madimoni ka rula mu mundu woyo ni kinjila mu tsingulume. Tsingulume tsiali tsitukha 2000 tsiosi tsia kholomokha khu luvanda ni tsinjila mmatsi ni katsihila.

Lwa vandu vali ni valindi tsingulume valola ka kholekha, vilukhaka ni vatsia mwidala khuvolela vuli mundu wosi wa vakana ka Yesu yali nakholi. Vandu vali mwidala vatsia khulola mundu wali na madimoni. Yali wifali tsinguvu, wikhale vuchila makhuva khuli mundu mulamu.

Vandu vali nu vuri, ni va saala Yesu aruli. Yesu ya nina mu liaro na rula. Mundu wali nende madimoni ya saala Yesu vatsi naye.

Nikhali Yesu ya muvolela, ''Tawe, nyenya utsi ingo u volele vikho vovo nende valina ka Nyasaye a khu kholele kosi nende tsimbavasi tsietsie khu ivi.''

Khu mundu woyo ya rula natsia khu volela vuli mundu ka Yesu yali na mu kholele. Vuli mundu wa hulila ka yavola yitsula nende vuyanzi.

Yesu ya kalukha iluveka lundi lwinyanza. Ni ya khatukha iweneyo shituma shikali shia vandu shi vunjelitsa wa yali, ni shi minakana khuye. Mu shituma yesho khwali mu nende mundu mukhali warula musahi khu muhika kumi na mbili. Yali wa hana tsisendi tsietsie tsiosi khu va shilishi khu anyole lihona nikhali ya tsililila khulwala.

Ya hulila vu Yesu yali wa honyinya vandu vanyishi ma na kanakana ''Menyi ni njimila vutsa inguvu ya Yesu, khali inzi nahona.!'' Khu ya londa Yesu inyuma na kumila tsinguvu tsietsie. Ni ya kha kumila tsinguvu yetso musayi kwa sinjila khurula!

Hene yaho, Yesu ya menya tsingulu tsiruli khuye, khu yi shevukha na reva ''Ni vina u ngimili khu?'' Veechi va mu volela, ''Vandu vashiili. Vi tuya mwivi na vanyishi. Shijila shina urevi, ''U gimili khu inzi nivi?'''

Mukhali woyo yakwa imbeli wa Yesu na techelanga nu vuri vunyishi. Ya mu volela ka yali na kholi, ma khandi yali uhoni. Yesu ya mu volela, ''Lisuvila liolio li khu honyinyi. Tsia mu milembe.''

Lukanu lwivanjeli khurula: Matayo 8:28-34; 9:20-22; Maliko 5:1-20; 5:24b-34; Luka 8:26-39; 8:42b-48