31. Yesu Achenda khu Matsi

Malelo Yesu navolela veechi veve vanini khu liaro livahili iluveka lundi lwi inyanza naye na shi sevula vandu. Yesu niyakhasevula vandu yatsia khusaalila khu shikulu. Yaliyo ye wonyene nasaala khu tukha vutukhu.

Mu vwiyangu vwenovo, veechi vali ni va chelitsa khulola vu liaro liambushi. Nikhali vutukhu vwatukha ni va khatukha hakari hi nyanza. Valuka matsi ni tsingulu shijila vushindu vwali nu vu hutsa khu kalukha wa varulanga.

Malelo yesu yamala khusaala nalonda veechi. Yachenda khwikulu khwa matsi khunyanza natsia wa liaro liali!

Veechi vali nende vuri vunyishi lwa valola yesu,va kanakana valoli shinanyenzo. Yesu ya menya variili , khu ya va langa na navolela, ''Mwakhari tawe. Ninzi!''

Malelo Petelo navolela yesu, ''Mwami nava nali ivi, mbolela nzitsi wa uli khumatsi.'' Yesu yavolela Petelo, ''Hamba!''

Khu, Petelo yarula khu liaro naranga khujenda natsia wa Yesu yali khu matsi. Nikhali niyakhachenda luchendo lwimbi yarulitsa tsimoni tsietsie khu Yesu naranga khuhenza maruundu nukhuhulila vulitoho vwi imbutsa.

Malelo Petelo nava nuvuri naranga khwiyinikha mmatsi. Yaliila, ''Mwami mbonyinya! Yesu yayila mukhono namuchimila. Navolela Petelo, ''Yivi mundu wilisuvila litititi shijila shina nuhayahaya?''

Lwa Petelo nende Yesu vinjila khu liaro, imbutsa yasinjila malelo matsi nikahonjela. Veechi vali nende vuyanzi. Vasaala Yesu nivamuvolela, ''Katoto, uli mwana wa Nyasaye.''

Lukanu lwi vanjeli khurula: Matayo 14:22-33; Maliko 6:45-52; Yowana 6:16-21